ഒടിടി റിലീസ് കരാർ ലംഘനം:  ഫെബ്രുവരി 22 മുതൽ റിലീസ് തടയുമെന്ന് ഫിയോക്

മലയാള സിനിമകളുടെ റിലീസുമായി ബന്ധപ്പെട്ട് നിർമ്മാതാക്കളുടെയും ഫിലിം എക്‌സിബിറ്റേഴ്‌സിൻ്റെയും സംഘടനകൾ ഏറ്റുമുട്ടുന്ന സാഹചര്യത്തിൽ കേരളത്തിലെ സിനിമാ വ്യവസായം കൂടുതൽ സംഘർഷാവസ്ഥയിലേക്ക്. ഫെബ്രുവരി 22 മുതൽ പുതിയ മലയാളം സിനിമകൾ തിയേറ്ററുകളിൽ പ്രദർശിപ്പിക്കില്ലെന്നാണ് ഫിയോക്കിന്റെ പ്രഖ്യാപനം. ഫിയോക്കിന്റെ പ്രഖ്യാപനത്തിനെതിരെ കേരള ഫിലിം പ്രൊഡ്യൂസേഴ്‌സ് അസോസിയേഷനും ഫിലിം ഡിസ്ട്രിബ്യൂട്ടേഴ്‌സ് അസോസിയേഷനും രംഗത്തെത്തിയിട്ടുണ്ട്.    മുൻനിശ്ചയിച്ച പ്രകാരം സിനിമകൾ പ്രദർശിപ്പിക്കാത്ത തിയേറ്ററുകളുമായി സഹകരിക്കില്ലെന്നാണ് ഇരു കൂട്ടരും സംയുക്തമായി പ്രഖ്യാപിച്ചിരിക്കുന്നത്. 

തിയേറ്റർ റീലിസും ഒടിടി റിലീസും തമ്മിൽ 42 ദിവസത്തെ ഇടവേള നിർബന്ധമാക്കുന്ന ഒടിടി വിൻഡോ പിരീഡ് മാനദണ്ഡങ്ങൾ സിനിമാ നിർമ്മാതാക്കൾ ലംഘിക്കുകയാണെന്നാണ് തിയേറ്റർ ഉടമകളുടെ സംഘടനയായ ഫിയോക് ചൂണ്ടികാണിക്കുന്നത്.  നിർമ്മാതാക്കൾ ഒടിടി പ്ലാറ്റ്‌ഫോമുകളിൽ സിനിമകൾ വളരെ നേരത്തെ റിലീസ് ചെയ്യുന്നു, ഇത് പുതിയ സിനിമകൾ പ്രദർശിപ്പിക്കുന്നത് നിർത്തേണ്ടി വരുന്ന സാഹചര്യങ്ങളിലേക്ക് എത്തിക്കുന്നു എന്നാണ് ഫിയോക് സംഘടനയുടെ  പ്രസിഡൻ്റ് കെ വിജയകുമാർ പറയുന്നത്. 

Kerala Film Producers' Association regarding the decision of FEUOK - #Mollywood !!

It says #ManjummelBoys will release on the confirmed date itself, and there will be no changes in the dates of upcoming releases as well !! pic.twitter.com/iF8zp91PTn

— Mollywood BoxOffice (@MollywoodBo1) February 17, 2024

മമ്മൂട്ടി- രാഹുൽ സദാശിവൻ ചിത്രം ഭ്രമയുഗം,   ഗിരീഷ് എഡി സംവിധാനം ചെയ്ത നസ്‌ലെൻ, മമിതാ ബൈജ ചിത്രം പ്രേമലു, ടൊവിനോ തോമസ് നായകനായ അന്വേഷിപ്പിൻ കണ്ടെത്തും തുടങ്ങിയ ചിത്രങ്ങളെ ഈ  സാഹചര്യം ബാധിക്കില്ലെങ്കിലും, ഏറെ പ്രതീക്ഷയോടെ റിലീസ് കാത്തിരിക്കുന്ന 'മഞ്ഞുമ്മൽ ബോയ്‌സി'ന്റെ റിലീസിൽ ആശയക്കുഴപ്പം ഉണ്ടാക്കുന്നുണ്ട്. ഫെബ്രുവരി 22നാണ് മഞ്ഞുമ്മൽ ബോയ്സ് റിലീസ് ഷെഡ്യൂൾ ചെയ്തിരിക്കുന്നത്. 

കഴിഞ്ഞ ജൂണിൽ ഫിയോക് സമാനമായ ആവശ്യങ്ങൾ ഉന്നയിച്ച് രണ്ട് ദിവസത്തേക്ക് സിനിമാ തിയേറ്ററുകൾ അടച്ചിട്ട് പ്രതിഷേധം നടത്തിയിരുന്നു.

Read More Entertainment Stories Here

• പിതാവ് ക്രിസ്ത്യൻ, അമ്മ സിഖ്, ഭാര്യ ഹിന്ദു, സഹോദരൻ ഇസ്ലാം വിശ്വാസി, വീട്ടിലിങ്ങനെയാണ് കാര്യങ്ങൾ: വിക്രാന്ത് മാസി
• വിട പറഞ്ഞത് ഷാരൂഖിന്റെ പ്രിയപ്പെട്ട ക്ലാസ്സ്മേറ്റ്
• ഈ മൊഞ്ചുള്ള വീടാണോ പോറ്റിയുടെ ക്ഷയിച്ച മനയായി മാറിയത്?: അമ്പരപ്പിക്കും ഈ മേക്കോവർ
• രാവിലെ പത്രം ഇട്ടിട്ട് ഒരാൾ പോകുന്നു; നോക്കിയപ്പോ, ഫഹദ് ഫാസിൽ!