എമ്പുരാൻ കാണാൻ ഡ്രസ്സ് കോഡുണ്ടേ; ലാലേട്ടന്റെ കാര്യം ഞാനേറ്റെന്ന് പൃഥ്വി: Empuraan Release Day Dress Code

Empuraan Vibe: Mohanlal and Prithviraj to Go All-Black for the Big Release: ഒരു ഉത്സവപ്രതീതിയിലാണ് സിനിമാപ്രേമികളെല്ലാം. മാർച്ച് 27 എമ്പുരാൻ ഡേയായി ആഘോഷിക്കാനുള്ള തയ്യാറെടുപ്പിലാണ് മോഹൻലാൽ ഫാൻസും പൃഥ്വിരാജ് ഫാൻസും. ഇപ്പോഴിതാ, ആഘോഷങ്ങൾക്ക് കൊഴുപ്പേകാൻ പുത്തൻ ഐഡിയയുമായി എത്തുകയാണ് ആശിർവാദ് സിനിമാസ്. അതിനു പിന്തുണയുമായി പൃഥ്വിരാജും രംഗത്തുണ്ട്.

റിലീസ് ദിവസം ബ്ലാക്ക് ഡ്രസ്സ് കോഡ് ആക്കിയാലോ എന്നൊരു പോൾ എക്സിൽ ഷെയർ ചെയ്തിരിക്കുകയാണ് ആശിർവാദ് സിനിമാസ്. പൃഥ്വിയും ഈ പോസ്റ്റ് ഷെയർ ചെയ്തിട്ടുണ്ട്. "ഞാനുമുണ്ട്. ലാലേട്ടന്റെ കാര്യം ഞാനേറ്റു," എന്നാണ് പൃഥ്വിയുടെ മറുപടി.

I’m in! Lalettan-te karyavum njaan ettu 😎 https://t.co/AKBOklhKnS

— Prithviraj Sukumaran (@PrithviOfficial) March 24, 2025

അതേസമയം, അഡ്വാൻസ് ബുക്കിംഗിൽ റെക്കോർഡ് ഇട്ടിരിക്കുകയാണ് എമ്പുരാൻ.  അഡ്വാൻസ് ബുക്കിംഗിലൂടെ മാത്രം ചിത്രം  58 കോടിയാണ് ചിത്രം നേടിയത്. കേരളത്തിൽ നിന്നും 19 കോടിയും മറ്റു ഇന്ത്യൻ സംസ്ഥാനങ്ങളിൽ നിന്നും 4.5 കോടിയും ഓവർസീസ് ബുക്കിംഗിൽ 34.5 കോടിയും ചിത്രം നേടിയെന്നാണ് റിപ്പോർട്ട്. 

മാർച്ച് 27 വ്യാഴാഴ്ച രാവിലെ ആറു മണിയ്ക്കാണ് എമ്പുരാന്റെ ആദ്യ ഷോ. കേരളത്തില്‍ ആശിര്‍വാദും തമിഴ്നാട്ടില്‍ ഗോകുലം മൂവീസുമാണ് ചിത്രത്തിന്റെ വിതരണം. ചിത്രത്തിന്‍റെ കര്‍ണാടക ഡിസ്ട്രിബ്യൂഷന്‍ ഏറ്റെടുത്തിരിക്കുന്നത്. വമ്പൻ സിനിമാ നിർമ്മാണ വിതരണ കമ്പനിയായ ഹോംബാലേ ഫിലിംസ് ആണ്. അതേസമയം,  ആന്ധ്രാ/തെലുങ്കാന സംസ്ഥാനങ്ങളിലെ എമ്പുരാന്റെ വിതരണം ഏറ്റെടുത്തിരിക്കുന്നത്   ദിൽ രാജുവിൻ്റെ ഉടമസ്ഥതയിലുള്ള ശ്രീ വെങ്കടേശ്വര ക്രിയേഷൻസ് ആണ്. അനിൽ തടാനി നേതൃത്വം നൽകുന്ന എ എ ഫിലിംസ് ആണ് ചിത്രം നോർത്ത് ഇന്ത്യയിൽ എത്തിക്കുന്നത്. 

ഹോളിവുഡ്, ബോളിവുഡ് താരങ്ങള്‍ അടക്കം വന്‍ താരനിരയാണ് ചിത്രത്തിലുള്ളത്. മോഹൻലാൽ, മഞ്ജുവാര്യർ, ടൊവിനോ തോമസ്, സച്ചിൻ ഖേദേക്കർ, പൃഥ്വിരാജ്, ഇന്ദ്രജിത്ത്, ശിവദ, സായ് കുമാർ, ഫാസിൽ, സുരാജ് വെഞ്ഞാറമൂട്, കാർത്തികേയ ദേവ്, ഒസിയേൽ ജിവാനി, സത്യജിത്ത് ശർമ, ശുഭാംഗി ലത്കർ, ഐശ്വര്യ ഒജ്ഹ, നിഖാത് ഖാൻ, അലക്സ് ഒ'നെൽ , ബെഹ്സാദ് ഖാൻ, അനീഷ് ജി മേനോൻ, ജെയ്സ് ജോസ്, നൈല ഉഷ, ജിലു ജോൺ, മൈക്ക് നോവിക്കോവ്, ശിവജി ഗുരുവായൂർ, മുരുഗൻ മാർട്ടിൻ, മണിക്കുട്ടൻ, നയൻ ഭട്ട്, ബൈജു സന്തോഷ്, നന്ദു, സാനിയ ഇയ്യപ്പൻ,  എറിക് എബൗനി, സ്വകാന്ത് ഗോയൽ, ആൻഡ്രിയ തിവാദർ, ജെറോം ഫ്ലിൻ, അഭിമന്യു സിംഗ്, കാർത്തിക് എന്നിവരാണ് പ്രധാന അഭിനേതാക്കൾ.

ദീപക് ദേവാണ് ചിത്രത്തിന് സംഗീതം ഒരുക്കുന്നത്. സുജിത് വാസുദേവ് ഛായാഗ്രഹണവും അഖിലേഷ് മോഹന്‍ എഡിറ്റിംഗും നിര്‍വഹിച്ചിരിക്കുന്നു. ഏതാണ്ട് 3 മണിക്കൂറാണ് എമ്പുരാന്റെ ദൈർഘ്യം എന്നാണ് റിപ്പോർട്ട്. കൃത്യമായി പറഞ്ഞാൽ 2 മണിക്കൂര്‍ 59 മിനിറ്റ്. മലയാളം സിനിമ ചരിത്രത്തിൽ ആദ്യമായി IMAX-ൽ റിലീസ് ചെയ്യുന്ന ചിത്രമാകുകയാണ് എമ്പുരാന്‍. 

Read More

• 'ദൃശ്യം 3' ഈ വർഷം? അപ്ഡേറ്റ് പങ്കുവച്ച് മോഹൻലാൽ
• എമ്പുരാനായി പ്രാർത്ഥനയോടെ മല്ലിക സുകുമാരൻ ഗൂരുവായൂർ ക്ഷേത്രത്തിൽ
• ഈ പടക്കളത്തിലേക്കാണല്ലോ ദൈവമേ സ്പ്ലെൻഡറും കൊണ്ട് ഇറങ്ങിയത്!
• മലയാളത്തിന്റെ അഭിമാനതാരം വളർന്ന വീടാണിത്
• 15-ാം വയസ്സുമുതൽ അമ്മയ്ക്കും 5 സഹോദരങ്ങൾക്കും തണലായവൾ; ഈ നടിയെ മനസ്സിലായോ?
• പൃഥ്വിയുടെ 'ചെറിയ പട'ത്തിലെ വമ്പൻ താരനിര ഇവരൊക്കെയാണ്