ബോക്സ് ഓഫീസിൽ പച്ച തൊടാതെ കങ്കണ; തിയേറ്ററിൽ തകർന്നടിഞ്ഞ് 'എമർജൻസി'

ഇന്ത്യൻ ചരിത്രത്തിൻ്റെ ഇരുണ്ട താളുകളിലേക്ക് ആഴത്തിൽ ഇറങ്ങുമെന്ന അവകാശവാദവുമായി തിയേറ്ററുകളിലെത്തിയ ചിത്രമാണ്, കങ്കണ റണാവത്ത് സംവിധാനം ചെയ്ത 'എമർജൻസി'.  മുൻ പ്രധാനമന്ത്രി ഇന്ദിരാ ഗാന്ധിയുടെ നടപടികളുടെ അനന്തരഫലങ്ങളിലേക്ക് വെളിച്ചം വീശിയ ചിത്രം തിയേറ്ററിൽ വൻ പരാജയം നേരിടുന്നതായാണ് റിപ്പോർട്ട്.

തിയേറ്ററിലെത്തി ഏഴു ദിവസം പിന്നിടുമ്പോള്‍ 14.4 കോടി രൂപ മാത്രമാണ് ചിത്രത്തിനു നേടാനായതെന്ന് സാക്‌നിൽക് റിപ്പോർട്ട് ചെയ്തു. അവസാന ദിവസങ്ങളിൽ ഒരു കോടിയിലേക്ക് ബോക്സ് ഓഫീസ് കളക്ഷൻ ചുരുങ്ങിയിരുന്നു. കങ്കണ നായികയായി അവസാനം പുറത്തിറങ്ങിയ തലൈവി, തേജസ്, ധാക്കഡ് എന്നീ ചിത്രങ്ങളും പരാജയം നേരിട്ടിരുന്നു.

ഇന്ദിരാഗാന്ധിയുടെ വേഷത്തിലാണ് ചിത്രത്തിൽ കങ്കണയെത്തിയത്. പല തവണ റിലീസ് മാറ്റിവച്ച ചിത്രം ഒടുവിൽ ജനുവരി 17നാണ് തിയേറ്ററുകളിലേക്ക് എത്തിയത്. അനുപം ഖേറാണ് ചിത്രത്തിൽ ജയപ്രകാശ് നാരായണായി എത്തുന്നത്. മഹിമ ചൗധരി, സതീഷ് കൗശിക് എന്നിവരാണ് മറ്റു പ്രധാന അഭിനേതാക്കൾ.  

ജിവി പ്രകാശ് കുമാർ ഗാനരചയും സഞ്ചിത് ബൽഹാരയും അങ്കിത് ബൽഹാരയും ചേർന്ന് സംഗീതവും നിർവ്വഹിച്ചു. തിരക്കഥയും സംവിധാനവും കങ്കണ നിർവ്വഹിച്ചു. റിതേഷ് ഷായും സഹായിയായിട്ടുണ്ട്. കങ്കണയുടെ മണികർണിക ഫിലിംസ്, സീ സ്റ്റുഡിയോസ് എന്നിവരാണ് നിർമാതാക്കൾ.

Read More

• Partners Ott: പാർട്ണേഴ്സ് ഒടിടിയിലേക്ക്
• ത്രിൽ അത്ര പോരാ, ആവറേജ് ചിത്രം; 'ഡൊമിനിക് ആൻഡ് ദി ലേഡീസ് പേഴ്സ്' റിവ്യൂ; Dominic And The Ladies Purse Review
• NewmalayalamOTTReleases: ഏറ്റവും പുതിയ 9 മലയാളചിത്രങ്ങൾ ഒടിടിയിൽ
• ''എന്റെ ഏജൻസിയിലേക്ക് സ്വാഗതം'': മമ്മൂട്ടി
• ഡിറ്റക്ടീവായി മമ്മൂട്ടി, ഒപ്പം ഗോകുൽ സുരേഷും; ഡൊമിനിക് ആൻഡ് ദി ലേഡീസ് പേഴ്സ് റിവ്യൂ; Dominic And The Ladies Purse Review
• കഷ്ടകാലം ഒഴിയാതെ സെയ്ഫ് അലി ഖാൻ; നഷ്ടപ്പെടുക 15000 കോടിയുടെ സ്വത്തുക്കൾ