അഹാനയ്ക്കു മുൻപെ വിവാഹിതയാവാനൊരുങ്ങി ദിയ; വൈകാതെ മിസ്സിസ്സ് കണ്ണമ്മയാവുമെന്ന് വെളിപ്പെടുത്തൽ

സോഷ്യൽ മീഡിയയിൽ വളരെ ആക്ടീവാണ് നടൻ കൃഷ്ണ കുമാറിന്റെ മകൾ ദിയ കൃഷ്ണ. സഹോദരിമാരെ പോലെ സിനിമയിൽ അരങ്ങേറ്റം കുറിച്ചില്ലെങ്കിലും ഡാൻസ് വീഡിയോകളും ഡബ്സ്മാഷ് വീഡിയോകളുമെല്ലാമായി ഇൻസ്റ്റഗ്രാമിലും യൂട്യൂബിലുമെല്ലാം സജീവമാണ്. എല്ലാവരും ഓസി എന്നു വിളിക്കുന്ന ദിയ പലപ്പോഴും കാര്യങ്ങൾ വളരെ ഓപ്പണായി തുറന്നു പറയുന്ന ഒരാൾ കൂടിയാണ്. തന്റെ പ്രണയങ്ങളെ കുറിച്ചും പ്രണയതകർച്ചകളെ കുറിച്ചുമെല്ലാം വളരെ സത്യസന്ധമായി തന്നെ ദിയ സംസാരിക്കാറുണ്ട്.  

ഏതാനും മാസങ്ങൾക്കു മുൻപാണ് താൻ പ്രണയത്തിലാണെന്ന് ദിയ വെളിപ്പെടുത്തിയത്. ബോയ്ഫ്രണ്ടായ അശ്വിൻ ഗണേശിനെ സോഷ്യൽ മീഡിയയിലൂടെ പരിചയപ്പെടുത്തുകയും ചെയ്തിരുന്നു. അശ്വിൻ തന്നെ പ്രപ്പോസ് ചെയ്ത വീഡിയോയും ദിയ സോഷ്യൽ മീഡിയയിൽ പോസ്റ്റ് ചെയ്തിരുന്നു. ഇരുവരും ഒന്നിച്ചുള്ള റീലുകളും ചിത്രങ്ങളും സമൂഹമാധ്യമങ്ങളിൽ ധാരാളമായി കാണാം. 

ഇപ്പോഴിതാ, താൻ ഏതാനും മാസങ്ങൾക്കുള്ളിൽ താൻ വിവാഹിതയാവുമെന്ന് വെളിപ്പെടുത്തുകയാണ് ദിയ. അശ്വിനൊപ്പമുള്ള ചിത്രം പങ്കുവച്ചുകൊണ്ട്  2024 സെപ്റ്റംബര്‍ എന്നാണ് ദിയ കുറിച്ചിരിക്കുന്നത്. അശ്വിന്റെ കമന്റും ചിത്രത്തിനു താഴെയുണ്ട്. 'കണ്ണമ്മ' എന്ന കമന്റിന് 'വൈകാതെ മിസ്സിസ് കണ്ണമ്മ ആകുമെന്നാണ്' ദിയയുടെ മറു കമന്റ്.

View this post on Instagram

A post shared by Diya Krishna (@_diyakrishna_)

 ഇരുവരുടെയും വിവാഹമാണോ അതോ എൻഗേജ്മെന്റാണോ സെപ്റ്റംബറിൽ എന്നാണ് ആരാധകർ തിരക്കുന്നത്. 

"കല്യാണം കഴിക്കാന്‍ നല്ല ആഗ്രഹമുള്ളയാളാണ് ഞാന്‍. ചെറുപ്പം മുതൽ സിനിമയിലെ റൊമാന്‍സൊക്കെ കണ്ട് കല്യാണം കഴിക്കാനും കുട്ടികളുമായി ജീവിക്കാനുമൊക്കെ എനിക്ക് വലിയ ആഗ്രഹമാണ്. പക്ഷെ എന്റെ ചേച്ചി ഈ അടുത്ത കാലത്തൊന്നും കെട്ടത്തില്ല. ചേച്ചിയേക്കാള്‍ രണ്ട് വയസ് ഇളയതാണ് ഞാന്‍. എത്രകാലം കാത്തിരിക്കണമെന്ന് അറിയില്ല. മിക്കവാറും ചേച്ചിയെ ഓവര്‍ ടേക്ക് ചെയ്യേണ്ടി വരുമെന്നാണ് തോന്നുന്നത്," എന്നാണ് മുൻപ് തന്റെ വിവാഹത്തെ കുറിച്ച് ദിയ പറഞ്ഞത്. 

Read More Entertainment Stories Here

• വീണ്ടും സോഷ്യൽ മീഡിയ കത്തിച്ച് മെഗാസ്റ്റാർ; ഇങ്ങേരു മമ്മൂട്ടി അല്ല, ഫയർ ആണ്
• കൊച്ചു കരഞ്ഞപ്പോൾ ആദ്യം വാഷ് ബേസിനിൽ ഇറക്കി, പിന്നെ ഫ്രിഡ്ജിൽ കേറ്റി: ഈ അപ്പനെ കൊണ്ട് തോറ്റെന്ന് എലിസബത്ത്
• ഇതാണ് ഫാമിലി പാക്ക് 'കരിങ്കാളിയല്ലേ;' വൈറൽ റീലൂമായി ആശാ ശരത്തും കുടുംബവും
• Manjummel Boys OTT: കാത്തിരിപ്പിനൊടുവിൽ മഞ്ഞുമ്മൽ ബോയ്സ് ഓടിടിയിലേക്ക്