റീനുവിനെ ഇഷ്ടായി, സച്ചിനെയും, പക്ഷേ എന്റെ ഫേവറേറ്റ് മറ്റൊരാളാണ്: പ്രേമലുവിനെ പ്രശംസിച്ച് രാജമൗലി

കേരളത്തിലെ ബോക്സ് ഓഫീസ് കീഴടക്കിയ പ്രേമലു ഇപ്പോൾ തെലുങ്ക് ഇൻഡസ്ട്രിയിലും വിജയക്കുതിപ്പ് തുടരുകയാണ്. നൂറു കോടിയിലേക്ക് കുതിക്കുകയാണ് ചിത്രമെന്നാണ് റിപ്പോർട്ട്. ഇപ്പോഴിതാ, പ്രേമലു കണ്ട് രാജമൗലി പങ്കുവച്ച കുറിപ്പാണ് ശ്രദ്ധ നേടുന്നത്.

"കാർത്തികേയ തെലുങ്കിൽ പ്രേമലു ഏറ്റെടുത്തതിൽ ഞാനേറെ സന്തോഷവാനാണ്. ചിരിയുടെ കലാപമായിരുന്നു ആകെമൊത്തം. യൂത്തിന്റെ ഭാഷയെ പൂർണമായി മനസ്സിലാക്കുന്നതിൽ എഴുത്തുകാരൻ മികവു പുലർത്തി. ട്രെയിലറിൽ റീനുവിനെ കണ്ടപ്പോൾ തന്നെ എനിക്കിഷ്ടമായി. സിനിമയിലെ സച്ചിൻ എന്ന പയ്യൻ പോലും പ്രിയങ്കരനാണ്. പക്ഷേ എന്റെ ഫേവറേറ്റ് ആദിയാണ്, ജെ കെ, ജസ്റ്റ് കിഡ്ഡിങ്," രാജമൗലി കുറിച്ചു. 

റീനുവായി മമിത ബെജുവും സച്ചിനായി നസ്ലെനും എത്തിയപ്പോൾ ശ്യാം മോഹൻ ആണ് ചിത്രത്തിലെ വില്ലനായി എത്തിയത്. അഖില ഭാർഗവൻ, സംഗീത് പ്രതാപ്, മീനാക്ഷി രവീന്ദ്രൻ എന്നിവരെ പ്രധാന കഥാപാത്രങ്ങളാക്കി  ഗിരീഷ് എഡി ഒരുക്കിയ പ്രേമലു പൂർണമായും  ഒരു റോം കോം എന്റർടെയിനറാണ്. ഫെബ്രുവരി 9നാണ് പ്രേമലു തിയേറ്ററുകളിലെത്തിയത്. 

പ്രേമലു തെലുങ്ക് പതിപ്പിന്റെ വിതരണം ഏറ്റെടുത്തത്  രാജമൗലിയുടെ മകന്‍ കാര്‍ത്തികേയ ആണ്. വന്‍ തുകയ്ക്കാണ് സിനിമയുടെ മൊഴിമാറ്റ അവകാശം നേടിയതെന്ന് റിപ്പോർട്ടുകളുണ്ട്. മൊഴിമാറ്റപ്പതിപ്പ് വനിതാദിത്തിൽ റിലീസ് ചെയ്തിരിക്കുകയാണ്.

Read More Entertainment Stories Here

• ബോളിവുഡിന് ഇതൊക്കെ റീമേക്ക് ചെയ്യാനേ സാധിക്കൂ: മഞ്ഞുമ്മൽ ബോയ്സിനെ പുകഴ്ത്തി കശ്യപും ഗൗതം മേനോനും
• ജഗതിയുടെ മുണ്ടൂർ ബോയ്സ് മുതൽ ചിദംബരത്തിന്റെ അപരൻ വരെ; ട്രോളിൽ നിറഞ്ഞ് മഞ്ഞുമ്മൽ ബോയ്സ്
• ലാൽ നിന്റെ കൂടെയുണ്ടായിരുന്നോ?; ഷൂട്ട് കഴിഞ്ഞെത്തുന്ന മമ്മൂട്ടിയോട് ആ പിതാവ് സ്ഥിരമായി തിരക്കിയിരുന്ന കാര്യം
• എന്റെ മോൻ സ്മാർട്ടാ, അതാ കൂടെ പോന്നത്; സുപ്രിയയെക്കുറിച്ച് മല്ലിക
• പൂ ചോദിച്ചപ്പോൾ പൂന്തോട്ടം നൽകി മഞ്ഞുമ്മൽ ബോയ്സ്; ആരാധിക ഹാപ്പി