നാഗ ചൈതന്യയും ശോഭിതയും വിവാഹ വീഡിയോ നെറ്റ്ഫ്ളിക്സിനു വിറ്റത് 50 കോടിയ്‌ക്കോ?

മറ്റൊരു താരവിവാഹത്തിനു സാക്ഷിയാവാൻ ഒരുങ്ങുകയാണ് സിനിമാലോകം. തെലുങ്ക് താരങ്ങളായ നാഗ ചൈതന്യ- ശോഭിത ധൂലിപാല വിവാഹം ഡിസംബർ ആദ്യവാരം ഹൈദരാബാദിലെ അന്നപൂർണ സ്റ്റുഡിയോയിൽ വച്ച് നടക്കും. 

വിവാഹ ഒരുക്കങ്ങൾ പുരോഗമിക്കുന്നതിനിടെ, വെഡ്ഡിംഗ് ഫിലിമിന്റെ സ്ട്രീമിംഗ് അവകാശം സ്വന്തമാക്കാനായി വിവിധ ഒടിടി സ്ട്രീമിംഗ് പ്ലാറ്റ്ഫോമുകൾ ദമ്പതികളെ സമീപിക്കുന്നു എന്നാണ് റിപ്പോർട്ട്. ഇതുമായി ബന്ധപ്പെട്ട ചർച്ചകൾ ഏറെക്കുറെ  തീരുമാനത്തിലെത്തിയെന്നും നെറ്റ്ഫ്ളിക്സ് 50 കോടി രൂപയ്ക്ക് വെഡ്ഡിംഗ് ഫിലിം റൈറ്റ്സ് സ്വന്തമാക്കിയെന്നുമാണ് ഇപ്പോൾ പുറത്തുവരുന്ന റിപ്പോർട്ട്.  ശോഭിതയും ചൈതന്യയും വെഡ്ഡിം ഫിലിം അവകാശം നെറ്റ്ഫ്ളിക്സിനു വിറ്റുവെന്ന് ഡെക്കാൻ ക്രോണിക്കിളും റിപ്പോർട്ട് ചെയ്തിട്ടുണ്ട്. അതേസമയം, നാഗ ചൈതന്യയോ ശോഭിതയോ ഈ വാർത്തകളോട് ഇതുവരെ പ്രതികരിച്ചിട്ടില്ല. 

View this post on Instagram

A post shared by Sobhita (@sobhitad)

റിപ്പോർട്ട് ശരിയാണെങ്കിൽ, വെഡ്ഡിം ഫിലിമിന്റെ അവകാശം നെറ്റ്ഫ്ലിക്സിന് വിൽക്കുന്ന രണ്ടാമത്തെ തെന്നിന്ത്യൻ താരമാണ് നാഗ ചൈതന്യ. മുൻപ്, നയൻതാര തൻ്റെ വെഡ്ഡിം ഫിലിം നെറ്റ്ഫ്ളിക്സിനു വിറ്റിരുന്നു. നയൻതാര: ബിയോണ്ട് ദി ഫെയറിടെയിൽ എന്ന പേരിൽ നെറ്റ്ഫ്ളിക്സ് ആ വിവാഹാഘോഷം പ്രേക്ഷകരിലേക്ക് എത്തിക്കുകയും ചെയ്തു. 

നാഗ ചൈതന്യയുടെയും ശോഭിതയുടെയും വിവാഹം ഡിസംബർ നാലിന് നടക്കും. നാഗാർജുനയുടെ ഉടമസ്ഥതയിലുള്ള, ഹൈദരാബാദിലെ അന്നപൂർണ സ്റ്റുഡിയോയിൽ വച്ചാണ് വിവാഹം നടക്കുക. 

"തെലുങ്ക് ബ്രാഹ്മണ ആചാരപ്രകാരമുള്ള 8 മണിക്കൂറിലധികം നീണ്ട വിവാഹ ചടങ്ങുകളായിരിക്കും നടക്കുക," എന്നാണ് ശോഭിതയോട് അടുത്ത വൃത്തങ്ങൾ വെളിപ്പെടുത്തുന്നത്. 

Read More

• ശബ്ദം പോര, 'മാർക്കോ'യിൽ നിന്ന് ഡബ്സി പുറത്ത്; പകരം വന്നത് 'കെജിഎഫ്' ഗായകൻ
• 'ജീവിതത്തോളം വിശ്വസിക്കുന്നു, അത്രമാത്രം സ്നേഹിക്കുന്നു;' എ.ആർ റഹ്മാനെതിരായ വ്യാജ പ്രചാരണങ്ങൾ അവസാനിപ്പിക്കണമെന്ന് സൈറ ബാനു
• അപകീർത്തിപരമായ പ്രചാരണം; നിയമനടപടിയുമായി എആർ റഹ്മാൻ
• രാജ് ബി ഷെട്ടിക്കൊപ്പം അപർണ്ണ ബാലമുരളി; നിഗൂഢത നിറയുന്ന 'രുധിരം;' ടീസർ
• എ ആർ റഹ്മാനുമായി എന്തു ബന്ധം?; ഗോസിപ്പുകളോട് പ്രതികരിച്ച് മോഹിനി
• ബജറ്റ് 35 കോടി, ആകെ നേടിയത് 2 കോടി മാത്രം; ഒരു വർഷത്തിനിപ്പുറം ആ ദിലീപ് ചിത്രം ഒടിടിയിലേക്ക്