ധ്യാനുള്ള ഇന്റർവ്യൂവിൽ മറ്റൊരാൾ സ്കോർ ചെയ്യുന്നത് ഇതാദ്യം: വീഡിയോ

സിനിമ അഭിനയത്തിലൂടെ നേടിയതിനേക്കാൾ കൂടുതൽ ആരാധകരെ അഭിമുഖങ്ങളിലൂടെ സൃഷ്ടിച്ച നടനാണ് ധ്യാൻ ശ്രീനവാസൻ. നടനായും തിരക്കഥാകൃത്തായും സംവിധായകനായും കഴിവുതെളിയിച്ചിട്ടുണ്ടെങ്കിലും, ധ്യാൻ ശ്രീനിവാസന്റെ അഭിമുഖങ്ങൾക്ക് ഇപ്പോഴും ഒരു പ്രത്യേക ഫാൻബേസ് ഉണ്ട്. അഭിമുഖങ്ങളിലെ രസകരമായ കൗണ്ടറുകളും തുറന്നു പറച്ചിലുകളുമാണ് ഇതിന്റെ പ്രധാന കാരണം.

ഇപ്പോഴിതാ, ധ്യാനിന്റെ പുതിയ അഭിമുഖവും വൈറലാവുകയാണ്. എസ് എൻ സ്വാമി സംവിധാനം ചെയ്യുന്ന സീക്രട്ട് എന്ന ചിത്രത്തിന്റെ പ്രമോഷനു എത്തിയതായിരുന്നു ധ്യാൻ. ധ്യാനിനൊപ്പം മണിക്കുട്ടൻ, കലേഷ് എന്നിവരും പ്രമോഷനെത്തി.

എന്നാൽ, അഭിമുഖത്തിനിടെ പലപ്പോഴും ധ്യാനിനെ പിന്നിലാക്കി കൗണ്ടർ അടിച്ച് മുന്നേറിയ മണിക്കുട്ടന് കയ്യടിക്കുകയാണ് സോഷ്യൽ മീഡിയ.

"ആദ്യമായ് ധ്യാനിനെ പിന്നിൽ ആക്കി ഒരാൾ.... മണിക്കുട്ടൻ"

"ആദ്യമായിട്ട് ധ്യാൻ ഉള്ള ഇൻ്റർവ്യൂൽ മറ്റൊരാൾ സ്കോർ ചെയ്യുന്നു"

"ഈ ഇന്റർവ്യൂ മണിക്കുട്ടൻ കൊണ്ട് പോയി"

"മണിക്കുട്ടൻ്റെ ഹ്യൂമർ സെൻസ് സൂപ്പർ" എന്നിങ്ങനെ പോവുന്നു വീഡിയോയ്ക്ക് താഴെയുള്ള കമന്റുകൾ.

അഭിമുഖത്തിനിടെ, "മണിക്കുട്ടൻ ചേട്ടനിൽ ഞാനൊരു കുഞ്ഞു ധ്യാനിനെ കാണുന്നു," എന്ന അവതാരക വീണയുടെ കമന്റിന് "നെക്സ്റ്റ് ഇന്റർവ്യൂ സ്റ്റാർ എന്ന പദവി ഞാനെടുത്തു മണിക്കുട്ടന് കൊടുക്കാ,എനിക്കു വയ്യ ഈ ബാധ്യതയിങ്ങനെ തലയിൽ കൊണ്ടു നടക്കാൻ എന്നായിരുന്നു ധ്യാനിന്റെ തഗ്ഗ്. 

പക്ഷേ അതുകൊണ്ടൊന്നും ഒരു കാര്യമില്ലെന്ന് ധ്യാൻ കളിയാക്കുമ്പോൾ, "നീയൊടുക്കം എന്റെ കിരീടത്തിൽ നോക്കി ഞാപകം എന്നു പാടും," എന്ന മറുതഗ്ഗുമായി മണിക്കുട്ടനും സ്കോർ ചെയ്തു. എന്തായാലും ധ്യാൻ- മണിക്കുട്ടൻ കോമ്പോ ശ്രദ്ധ നേടുകയാണ്.

Read More

• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• 'സ്വപ്നം യാഥാർത്ഥ്യമായി, ദൈവത്തിന് നന്ദി'; മകൾ മീനാക്ഷി ഡോക്ടറായതിന്റെ സന്തോഷം പങ്കുവെച്ച് ദിലീപ്
• അമ്മയ്ക്ക് ചക്കരയുമ്മ; ശാലിനിയെ ചേർത്തുപിടിച്ച് ആദ്‌വിക്
• വന്ന വഴി മറക്കാത്തവരാണ് അംബാനി കുടുംബമെന്ന് ഈ ചിത്രം പറയും
• തങ്കമേ, എൻ ഉലകമായവളേ; നയൻതാരയ്ക്കു സ്നേഹചുംബനമേകി വിഘ്നേഷ്, ചിത്രങ്ങൾ