ഒന്നുമല്ലാതിരുന്ന ലാലിനെ ചൂണ്ടി ദേവരാജൻ മാസ്റ്റർ പറഞ്ഞു; ഇയാൾ വലിയ നടനാകും

മോഹൻലാലിന്റെ അഭിനയത്തെ പ്രശംസിക്കാത്ത ചലച്ചിത്രപ്രവർത്തകർ ചുരുക്കമാണ്. ചലച്ചിത്ര പ്രവർത്തകനും തിരക്കഥാകൃത്തുമായ ജോൺ പോൾ കൈരളി ചാനലിന് നൽകിയ പഴയ അഭിമുഖത്തിലെ വാക്കുകളാണ്  ഇപ്പോൾ സോഷ്യൽ മീഡിയയുടെ ശ്രദ്ധ കവരുന്നത്. മോഹന്‍ലാലിനെ പറ്റി കൃത്യമായ പ്രവചനം നടത്തിയത്, അന്തരിച്ച സംഗീതജ്ഞൻ ദേവരാജൻ മാഷാണെന്ന് ജോൺ പോൾ ഓർത്തെടുക്കുകയാണ്. 

മോഹൻലാൽ ആദ്യകാലത്ത്, ഒരു ചെറിയ വേഷത്തിൽ അഭിനയിച്ച ചിത്രത്തിന് സംഗീതം നൽകിയത് ദേവരാജൻ മാഷായിരുന്നു. അന്ന് അദ്ദേഹത്തെ കാണാൻ റെക്കോർഡിങ്ങ് സ്റ്റുഡിയോയിലെത്തിയ ജോൺ പോൾ കാണുന്നത് മോഹൻലാൽ അഭിനയിച്ച രംഗം വീണ്ടും വീണ്ടും കാണുന്ന ദോവരാജൻ മാഷിനെയായിരുന്നു.

രംഗം കണ്ട അദ്ദേഹം അന്ന് പറഞ്ഞത്, "ആ രംഗം മോഹൻലാലിന്റെ മുഖത്ത് വരുന്ന ഭാവങ്ങൾ കൊണ്ടുമാത്രം അഭിനയിക്കാവുന്നതേയുള്ളൂ. എന്നാൽ അയാളുടെ വലതുകാലിന്റെ തള്ളവിരൽ വരെ കഥാപാത്രത്തിന്റെ ഭാവപ്രകാശനത്തിനുവേണ്ടി ചലിക്കുന്നു, ഇതൊന്നും അയാൾ ബോധപൂർവ്വം ചെയ്യുന്നതല്ല, അദ്ദേഹത്തിന്റെ മുഴുവൻ ശരീരവും കഥാപാത്രത്തിന്റെ ചലനങ്ങളെ ഉൾക്കൊള്ളുന്നു," എന്നായിരുന്നു. അന്ന് മോഹൻലാൽ ഇത്ര വലിയ നടനാകുമെന്നൊന്നും ആർക്കും പ്രതീക്ഷയില്ലായിരുന്നു, ആ സമയത്താണ് മാഷ് അങ്ങനെയൊരു പ്രവചനം നടത്തിയത്. അന്ന് ചിലപ്പോൾ ഞാൻ ഉണ്ടാവില്ല താൻ ഓർത്തോളൂ," എന്നായിരുന്നു ദേവരാജൻ മാഷിന്റെ വാക്കുകൾ, ജോൺ പോൾ ഓർക്കുന്നു.

View this post on Instagram

A post shared by Mohanlal fans thriprayar (@mohanlalfans_thriprayar)

ലിജോ ജോസ് പെല്ലിശ്ശേരിയുടെ സംവിധാനത്തിൽ പുറത്തിറങ്ങുന്ന മലൈക്കോട്ടൈ വാലിബൻ, നേര് തുടങ്ങിയ ചിത്രങ്ങളാണ് മോഹന്‍ലാല്‍ നായകനായി പുറത്തിറങ്ങാനിരിക്കുന്ന  പുതിയ ചിത്രങ്ങൾ. അടുത്ത വർഷം മാർച്ചിൽ മോഹൻലാൽ ആദ്യമായി സംവിധാനം ചെയ്യുന്ന ചിത്രമായ ബറോസും തീയറ്ററിലെത്തും.

Check out More Entertainment Stories Here 

• പ്രണയം വീട്ടിൽ അറിയില്ലായിരുന്നു; കയ്യോടെ പൊക്കിയത് മാളവിക; കാളിദാസ് ജയറാം
• ഇനിയെല്ലാം അങ്കിള്‍ നോക്കിക്കൊള്ളാമെന്നു പറഞ്ഞു, അവസാനം വരെ എന്നെ സ്പോൺസർ ചെയ്തു: സുരേഷ് ഗോപിയെ കുറിച്ച് അമൃത സുരേഷ്
• ഞാൻ എടുത്തുകൊണ്ടുനടന്ന മീനൂട്ടിയാണ്, ഇപ്പോൾ സർജറിയൊക്കെ ചെയ്യുന്നത്; മകളുടെ നേട്ടത്തിൽ അഭിമാനത്തോടെ ദിലീപ്
• ആ ഗാനം ചിത്രീകരിച്ച 2 ദിവസവും ഷാരൂഖ് വെള്ളം കുടിച്ചതേയില്ല: ഫറാ ഖാൻ
• ആര് എന്തൊക്കെ പറഞ്ഞാലും പ്രസവം കഴിഞ്ഞാല്‍ സ്ത്രീകളുടെ ശരീരം മാറും: ആലിയ ഭട്ട്