വെബ് സീരീസ് ലോകത്ത് തിളങ്ങി നിമിഷ സജയനും ലാലും

സിനിമയ്ക്ക് ഒപ്പം വെബ് സീരീസ് ലോകത്തും സജീവമാണ് മലയാളി താരങ്ങളായ നിമിഷ സജയനും ലാലും. ഇതാദ്യമായല്ല ഇരുവരും വെബ് സീരീസിൽ അഭിനയിക്കുന്നത്. ഹോട്ട്സ്റ്റാറിന്റെ കേരള ക്രൈം ഫയൽ എന്ന വെബ് സീരിസിൽ മുൻപു ലാൽ അഭിനയിച്ചിരുന്നു. ആമസോൺ പ്രൈം വീഡിയോയുടെ പോച്ചർ ആയിരുന്നു നിമിഷ ആദ്യമായി അഭിനയിച്ച വെബ് സീരീസ്.

ഇപ്പോഴിതാ, നിമിഷ അഭിനയിക്കുന്ന ഡബ്ബ കാർട്ടൽ, ലാൽ അഭിനയിക്കുന്ന സുഴൽ: ദി വോർടെക്സ് സീസൺ 2 എന്നിവ ഈ ആഴ്ച ഒടിടിയിലേക്ക് എത്തുകയാണ്.

Dabba Cartel OTT: ഡബ്ബ കാർട്ടൽ
ശബാന ആസ്മി, ജ്യോതിക, ഗജ്‌രാജ് റാവു, നിമിഷ സജയൻ, ശാലിനി പാണ്ഡെ എന്നിവർ പ്രധാന കഥാപാത്രങ്ങളാവുന്ന ഡബ്ബ കാർട്ടൽ ഫെബ്രുവരി 28 മുതൽ നെറ്റ്ഫ്ളിക്സിൽ സ്ട്രീമിംഗ് ആരംഭിക്കുകയാണ്. 

ഷിബാനി അക്തർ, വിഷ്ണു മേനോൻ, ഗൗരവ് കപൂർ, ആകാൻക്ഷ സേദ എന്നിവർ ചേർന്ന് നിർമ്മിക്കുന്ന ഈ സീരീസിന്റെ സംവിധാനം ചെയ്യുന്നത് ഹിതേഷ് ഭാട്ടിയ  ആണ്.  വിഷ്ണു മേനോനും ഭാവന ഖേറും ചേർന്നാണ് തിരക്കഥ ഒരുക്കിയത്. അഞ്ജലി ആനന്ദ്, സായ് തംഹങ്കർ, ജിഷു സെൻഗുപ്ത, ലില്ലെറ്റ് ദുബെ, ഭൂപേന്ദ്ര സിംഗ് ജാദവത്ത് എന്നിവരും ഈ സീരീസിലുണ്ട്. 

Suzhal: The Vortex Season 2 OTT: സുഴൽ: ദി വോർടെക്സ് സീസൺ 2

കതിർ, ഐശ്വര്യ രാജേഷ്, ലാൽ, ശരവണൻ, മഞ്ജിമ മോഹൻ, കായൽ ചന്ദ്രൻ, ഗൗരി ജി കിഷൻ, സംയുക്ത വിയോള വിശ്വനാഥൻ, മോനിഷ ബ്ലെസി, റിനി, ശ്രീഷ, അഭിരാമി ബോസ്, നിഖില ശങ്കർ, കലൈവാണി ഭാസ്കർ, അശ്വിനി നമ്പ്യാർ, ചാന്ദിനി തമിഴരശൻ  തുടങ്ങിയവർ അഭിനയിക്കുന്ന സുഴൽ: ദി വോർടെക്സ് സീസൺ 2 ഫെബ്രുവരി 28 ന് ആമസോൺ പ്രൈം വീഡിയോയിൽ സ്ട്രീമിംഗ് ആരംഭിക്കും.   ബ്രമ്മയും സർജുൻ കെഎമ്മും ചേർന്നാണ് ഈ സീരീസ് സംവിധാനം ചെയ്തിരിക്കുന്നത്. പുഷ്കറും ഗായത്രിയുമാണ് സുഴലിന്റെ തിരക്കഥാകൃത്തുകൾ. 

Read More

• ലോക നിലവാരത്തിലുള്ള എഴുത്ത്, മികച്ച മേക്കിങ്; ആട്ടത്തിനെ അഭിനന്ദിച്ച് പൃഥ്വിരാജ്
• അജിത്തിന്റെ കാർ വീണ്ടും അപകടത്തിൽപെട്ടു; റേസിങ്ങിനിടെ തലകീഴായി മറിഞ്ഞു
• അമ്മയെ ഓർത്തുകൊണ്ടേയിരിക്കുന്നു: കെപിഎസി ലളിതയുടെ ഓർമദിനത്തിൽ സിദ്ധാർത്ഥ്
• ഞാൻ വേറാരെയും കെട്ടാൻ പോയിട്ടില്ല, സുധിച്ചേട്ടന്റെ ഓർമയിൽ ജീവിക്കുകയാണ്: സൈബർ ആക്രമണത്തോട് പ്രതികരിച്ച് രേണു
• Drishyam 3: ജോർജുകുട്ടി ഇത്തവണ കുടുങ്ങുമോ?; ദൃശ്യം 3 പ്രഖ്യാപിച്ച് മോഹൻലാൽ