Daaku Maharaaj OTT: ബാലയ്യയുടെ ഡാകു മഹാരാജ് ഒടിടിയിലേക്ക്

Daaku Maharaaj OTT Release Date, Platform: നന്ദമുരി ബാലകൃഷ്‍ണ നായകനായി തിയേറ്ററുകളിൽ മികച്ച വിജയം നേടിയ തെലുങ്ക് ചിത്രമാണ് 'ഡാകു മഹാരാജ്.' 126 കോടിയിലധികം രൂപയാണ് ചത്രം ബോക്സ് ഓഫീസിൽ നേടിയത്. തിയേറ്ററിലെ വിജയകുതിപ്പ് ശേഷം ചിത്രം ഇപ്പോൾ ഒടിടിയിലേക്ക് എത്തുകയാണ്. 

ബോബി കൊല്ലിയാണ് ചിത്രം സംവിധാനം ചെയ്യുന്നത്. നന്ദമുരി ബാലകൃഷ്‍ണ നായകനായ ചിത്രത്തില്‍ ബോബി ഡിയോൾ ആണ് വില്ലൻ. പ്രഗ്യ ജെയ്‍സ്വാള്‍, ശ്രദ്ധ ശ്രീനാഥ്, ചാന്ദിനി ചൗധരി, റിഷി, നിതിൻ മേഹ്‍ത, ആടുകളം നരേൻ, ഷൈൻ ടോം ചാക്കോ, രവി കിഷൻ, സച്ചിൻ ഖേദേകര്‍, വിവിവി ഗണേഷ്, മകരനന്ദ് ദേശ്‍പാണ്ഡേ, ഹര്‍ഷ വര്‍ദ്ധൻ, സന്ദീപ് രാജ്, ദിവി വദ്ധ്യ, രവി കലേ, ശേഖര്‍, ബോബി കൊല്ലി എന്നിവരും അഭിനയിക്കുന്നുണ്ട്.  വിജയ് കാര്‍ത്തിക് കണ്ണൻ ഛായാഗ്രാഹണവും  റുബൻ  സംഗീതവും നിർവ്വഹിച്ചു. 

ബാലയ്യയുടെ സമീപകാലത്തിറങ്ങിയ അഖണ്ട, വീര സിംഹ റെഡ്ഡി, ഭഗവത് കേസരി എന്നീ മൂന്നു ചിത്രങ്ങളും 100 കോടി ക്ലബില്‍ എത്തിയിരുന്നു.  ഡാകു മഹാരാജിൽ നന്ദാമുരി ബാലകൃഷ്‍ണയും ഉര്‍വശി റൗട്ടേലയും ഒന്നിച്ചെത്തിയ ഒരു ഗാനരംഗം വിവാദമായിരുന്നു. വൾഗറായ സ്റ്റെപ്പുകളാണ് ഗാനരംഗത്തിൽ എന്നതായിരുന്നു പ്രധാന വിമർശനം. ശേഖര്‍ മാസ്റ്ററായിരുന്നു വിവാദ നൃത്തരംഗത്തിന്റെ കൊറിയോഗ്രാഫർ. 

Daaku Maharaaj OTT: ഡാകു മഹാരാജ് ഒടിടി

നെറ്റ്ഫ്ലിക്സിലൂടെയാണ് ഡാകു മഹാരാജ് ഒടിടിയിലെത്തുന്നത്. ഫെബ്രുവരി 21 മുതൽ ചിത്രത്തിന്റെ സ്ട്രീമിങ് ആരംഭിക്കും.

Read More

• ഡോക്ടറായി ഉണ്ണി മുകുന്ദൻ; കുടുംബ പ്രേക്ഷകരെ കൈയ്യിലെടുക്കാൻ 'ഗെറ്റ് സെറ്റ് ബേബി,' ട്രെയിലർ എത്തി
• സുപ്പർ ഹീറോയായി നിവിൻ പോളി; 'മൾട്ടിവേഴ്‌സ് മന്മഥൻ' ഫസ്റ്റ് ലുക്ക് പോസ്റ്റർ പുറത്ത്
• സൗബിന്റെ പുതിയ ചിത്രം; മച്ചാന്റെ മാലാഖ ട്രെയിലർ പുറത്ത്
• എന്താണ് ഈ കളങ്കാവൽ?
• ആറു സിനിമകളുടെ കളക്ഷൻ ഒറ്റ ദിവസം നേടി; ഇത് വിക്കിയുടെ സമയം
• New OTT Release This Week: ഒടിടിയിൽ ഈ ആഴ്ച എത്തുന്ന 5 ചിത്രങ്ങൾ