ചിദംബരത്തിനൊപ്പം ജിത്തു മാധവൻ; പ്രതീക്ഷ ഉയർത്തി വൻ പ്രഖ്യാപനം; മലയാളത്തിന്റെ ആദ്യ 300 കോടിയെന്ന് ആരാധകർ

ഇന്ത്യൻ സിനിമ മേഖലയുടെയാകെ ശ്രദ്ധപിടിച്ചുപറ്റിയ ബ്ലോക്ബസ്റ്റർ ചിത്രങ്ങൾ മലയാളത്തിൽ നിന്ന് പുറത്തിറങ്ങിയ വർഷമായിരുന്നു 2024. അതിൽ കേരളത്തിനു പുറത്തും സ്വീകാര്യത ലഭിച്ച ചിത്രങ്ങളായിരുന്നു ചിദംബരം സംവിധാനം ചെയ്ത 'മഞ്ഞുമ്മല്‍ ബോയ്സും, ജിത്തു മാധവൻ സംവിധാനം ചെയ്ത 'ആവേശ'വും. 

'2025ൽ ഇനിയെന്ത്' എന്ന ചോദ്യം മലയാളി പ്രേക്ഷകരുടെ മനസിൽ നിറയുമ്പോൾ, പ്രതീക്ഷകൾ വാനോളം ഉയർത്തി, ചിദംബരവും ജിത്തു മാധവനും ഒന്നിക്കുന്ന പുതിയ ചിത്രത്തിന്റെ പ്രഖ്യാപനമാണ് വരുന്നത്. ചിദംബരം സംവിധാനം ചെയ്യുന്ന ചിത്രത്തിന് തിരക്കഥ ഒരുക്കുന്നത് ജിത്തു മാധവനാണ്.

View this post on Instagram

A post shared by Chidambaram (@__chidambaram__)

കെ വി എൻ പ്രൊഡക്ഷൻസും, തെസ്പിയൻ ഫിലിംസും കൈകോർക്കുന്ന ചിത്രം ഷൈലജ ദേശായി ഫെൻ ആണ് അവതരിപ്പിക്കുന്നത്. ഷൈജു ഖാലിദ് ഛായാഗ്രഹണം നിർവഹിക്കുന്ന ചിത്രത്തിന്റെ മറ്റൊരു സവിശേഷത സംഗീത സംവിധാനം തന്നെയാണ്. 2024ൽ നിരവധി സൂപ്പർ ഹിറ്റ് ഗാനങ്ങൾ സമ്മാനിച്ച സുഷിൻ ശ്യാമാണ് ചിത്രത്തിനായി സംഗീതം നിർവഹിക്കുന്നത്. വിവേക് ഹർഷൻ എഡിറ്റങും, അജയൻ ചാലിശേരി ആർട്ടും കൈകാര്യം ചെയ്യുന്നു.

അതേസമയം ചിത്രത്തിലെ അഭിനേതാക്കളെക്കുറിച്ചുള്ള വിവരങ്ങൾ പുറത്തുവിട്ടിട്ടില്ല. ചിത്രത്തെ കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ പ്രേക്ഷകരെ അറിയിക്കുമെന്ന് അണിയറപ്രവർത്തകർ പറഞ്ഞു. സോഷ്യൽ മീഡിയയിലടക്കം ചിത്രം ചർച്ചയായകുകയാണ്. മലയാളത്തിന്റെ ആദ്യ 300 കോടി കളക്ഷൻ നേടുന്ന ചിത്രമായിരിക്കും ഇതെന്നാണ് ആരാധകർ സോഷ്യൽ മീഡിയ പോസ്റ്റുകളിൽ കമന്റു ചെയ്യുന്നത്.

Read More

• അടുത്ത 100 കോടി ലോഡിങ്; ഒരടിക്കുള്ള കോളുമായി 'ആലപ്പുഴ ജിംഖാന'
• പൂർണ ശക്തനായി തിരിച്ചെത്തും; സന്തോഷ വാർത്തയുമായി കന്നഡ നടൻ ശിവരാജ്കുമാർ
• നയൻതാര വന്നത് അവസാന നിമിഷം; ആ രജനീകാന്ത് ചിത്രത്തിൽ അഭിനയിക്കേണ്ടിയിരുന്നില്ലെന്ന് ഖുശ്ബു
• എന്തിനാണ് സിനിമകളിൽ ഇത്രയും വയലൻസ്?
• എൻ്റെ സ്വപ്നങ്ങളാണ് പ്രണവ് സാക്ഷാത്കരിക്കുന്നത്: മോഹൻലാൽ