എവിടെയായിരുന്നു മുത്തേ? മുന്നേ വന്നിരുന്നെങ്കിൽ ശിഷ്യനാക്കുമായിരുന്നല്ലോ; കിലി പോളിനെ സംഗീതം പഠിപ്പിച്ച് ബിന്നി

Kili Paul Viral Video: സോഷ്യൽ മീഡിയയിലെ വൈറൽ താരമാണ് ടാൻസാനിയ സ്വദേശിയായ കിലി പോൾ.  ബോളിവുഡ് ഗാനങ്ങൾ ഏറ്റുപാടിയും അവയുടെ താളത്തിന് ചുവടുവെച്ചുമാണ് കിലി പോൾ ആദ്യം ജനഹൃദയങ്ങൾ കീഴടക്കിയത്. ഹിന്ദി ഗാനങ്ങൾക്കൊപ്പം മലയാളം പാട്ടുകളും കിലിയുടെ റീലുകളിൽ തുടങ്ങിയതോടെ മലയാളികൾ കിലി പോളിനൊരു പേരുമിട്ടു, ഉണ്ണിയേട്ടൻ.  മലയാളികൾ പോലും മറന്നു തുടങ്ങിയ മലയാളം സിനിമാഗാനങ്ങൾവരെ കിലി പോളിന്റെ ടൈംലൈനിൽ ഇപ്പോൾ കാണാനാവും എന്നതാണ് കൗതുകം.

റീലുകളിൽ മാത്രമല്ല ഇനി സിനിമയിലും കിലി പോളിനെ കാണാം. മലയാള സിനിമയിലൂടെ അഭിനയത്തിലേക്കും ചുവടുവയ്ക്കുകയാണ് കിലി. സതീഷ് തന്‍വി സംവിധാനം ചെയ്യുന്ന ചിത്രത്തിലാണ് കിലി പോള്‍ അഭിനയിക്കുന്നത്. ഈ ചിത്രത്തിന്റെ ഷൂട്ടിംഗുമായി ബന്ധപ്പെട്ട് കുറച്ചു ദിവസങ്ങളായി കിലി പോൾ കേരളത്തിലുണ്ട്. 

കഴിഞ്ഞ ദിവസം ഫ്‌ളവേഴ്‌സ് ടോപ് സിംഗർ സീസൺ 5ന്റെ വേദിയിലും കിലി പോൾ അതിഥിയായി എത്തിയിരുന്നു. പരിപാടിയ്ക്കിടെ റിമി ടോമിയ്ക്ക് ഒപ്പം ചുവടുവയ്ക്കുന്ന കിലി പോളിന്റെ ഒരു വീഡിയോ വൈറലായിരുന്നു. ഇപ്പോഴിതാ, ഗായിക ബിന്നി കൃഷ്ണകുമാർ കിലി പോളിനു സംഗീതത്തിന്റെ ബാലപാഠങ്ങൾ പറഞ്ഞുകൊടുക്കുന്ന ഒരു വീഡിയോ ആണ് വൈറലാവുന്നത്. 

Also Read: ഡിന്നർ ഒഴിവാക്കിയിട്ട് 14 വർഷം: തുറന്നുപറഞ്ഞ് മനോജ് ബാജ്പേയി

അനുസരണയുള്ള ശിഷ്യനായി ബിന്നി ടീച്ചർ പാടുന്നത് ഏറ്റുപാടുന്ന കിലി പോളിനെയാണ് വീഡിയോയിൽ കാണാനാവുക.  "നീ എവിടെയായിരുന്നു? മുൻപേ വന്നിരുന്നെങ്കിൽ എന്റെ ശിഷ്യനാക്കുമായിരുന്നു," എന്നാണ് കിലിയുടെ പാട്ടിനു ബിന്നി കൃഷ്ണകുമാറിന്റെ അഭിനന്ദനം. 

Also Read: 'ഞാൻ മരിച്ചുപോയാൽ എന്നെ ഓർക്കുമോ,' നാരായണിയായി കെപിഎസി ലളിത; വീഡിയോ

View this post on Instagram

A post shared by Flowers TV (@flowersonair)

പരമ്പരാഗതമായ ആഫ്രിക്കൻ വേഷവിധാനങ്ങളിൽ ബോളിവുഡ് ഗാനങ്ങൾക്ക് ചുവടുവെയ്ക്കുന്ന കിലിയുടെയും സഹോദരി നീമയുടേയും വീഡിയോകളെല്ലാം തന്നെ വൈറലാകാറുണ്ട്. 2021 ൽ പുറത്തിറങ്ങിയ ഹിന്ദി ചിത്രമായ 'ഷേർഷാ' യിലെ 'രാത്താ ലമ്പിയ' എന്ന ഗാനത്തിന് ഇവർ ചെയ്ത റീലാണ് ആദ്യം ട്രെൻഡിംഗായതും കിലി പോളിനെ ശ്രദ്ധേയനാക്കിയതും. തുടർന്ന് ഇളയദളപതി വിജയുടെ 'അറബിക് കുത്ത്', അല്ലു അർജുന്റെ പുഷ്പയിലെ 'സാമി', 'ഊ ആണ്ടവ' തുടങ്ങി ഒരുപിടി തെന്നിന്ത്യൻ ഗാനങ്ങൾക്കും കിളിയും സഹോദരിയും ചുവടുവച്ചിട്ടുണ്ട്.

Also Read: കല്യാണം കഴിഞ്ഞ് ഡിവോഴ്സായി, രണ്ടാമത് വിവാഹം കഴിച്ച ഭർത്താവ് മരിച്ചു, ഇപ്പോൾ ലിവ് ഇൻ റ്റുഗദർ: അഞ്ജു അരവിന്ദ്

ടിക് ടോക്കിന്റെ നിരോധനത്തിന് പിന്നാലെ ഭാരതീയരോടൊപ്പം 'റീൽസി'ലേക്ക് ചേക്കേറിയ കിലിക്ക് ഇൻസ്റ്റാഗ്രാമിൽ മാത്രം ഇപ്പോൾ 10.8 മില്യൺ  ഫോളോവേഴ്സുണ്ട്. ഇവിടുത്തെ പല സിനിമാതാരങ്ങൾക്കു പോലും ഇൻസ്റ്റഗ്രാമിൽ ഇത്ര ഫോളേവേഴ്സ് ഇല്ല എന്നതാണ് കൗതുകം. 

Also Read: റിമിയ്ക്ക് ഒപ്പം ചുവടുവച്ച് കിലി പോൾ; എന്താ ഒരു ചേലെന്ന് ആരാധകർ