ബേസിലിന്റെ പാട്ട് കേട്ട് വേദിയിലുള്ളവർ ചിതറിയോടി; പൃഥ്വിക്കിട്ട് ഓർക്കാപ്പുറത്തെ അടിയായല്ലോ എന്നു ആരാധകർ

ജയ ജയ ജയ ജയ ഹേ എന്ന സൂപ്പർ ഹിറ്റ്‌ ചിത്രത്തിനു ശേഷം വിപിന്‍ ദാസ് സംവിധാനം ചെയ്യുന്ന 'ഗുരുവായൂരമ്പല നടയിൽ' റിലീസിനൊരുങ്ങുകയാണ്.  പൃഥ്വിരാജും ബേസിൽ ജോസഫുമായാണ് പ്രധാന കഥാപാത്രങ്ങളായി എത്തുന്നത്. നിഖില വിമൽ, അനശ്വര രാജൻ എന്നിവരാണ് നായികമാർ. മേയ് 16നാണ് ചിത്രം റിലീസിനെത്തുക. 

ചിത്രത്തിന്റെ പ്രമോഷനുമായി ബന്ധപ്പെട്ട് പൃഥ്വിയും ബേസിലും നിഖിലയും അനശ്വരയുമെല്ലാം ദുബായിലാണ് ഇപ്പോഴുള്ളത്. ദുബായിലെ പ്രമോഷൻ പരിപാടിയ്ക്ക് ഇടയിൽ നിന്നുള്ള ഒരു വീഡിയോ ആണ് ഇപ്പോൾ വൈറലാവുന്നത്. 

നമുക്ക് വേണ്ടി ഒരു പാട്ടു പാടൂ എന്ന് അവതാരകനായ മിഥുൻ രമേഷ് ബേസിലിനോട് ആവശ്യപ്പെടുകയാണ്. പൃഥ്വിരാജ്, അനശ്വര, നിഖില എന്നിവരെയും വേദിയിൽ കാണാം. ഫേവറേറ്റ് സോങ് പാടാം എന്നു പറഞ്ഞ് ബേസിൽ പാടുന്നത് പൃഥ്വിരാജ് അഭിനയിച്ച പുതിയമുഖം എന്ന ചിത്രത്തിലെ  'പുതിയമുഖം' എന്നു തുടങ്ങുന്ന ഗാനമാണ്. ബേസിലിന്റെ അപ്രതീക്ഷിതമായ കൗണ്ടർ വേദിയിലുള്ളവരെയെല്ലം ഒരേപോലെ ചിരിപ്പിക്കുന്നതും വീഡിയോയിൽ കാണാം. 

View this post on Instagram

A post shared by (っ◔◡◔)っ ♥️ Omanakkuttan-Trolls ♥️ (@omanakkuttan_trolls)

വിവാഹം കഴിക്കാനൊരുങ്ങുന്ന ഒരു യുവാവിന്റെ പ്രതീക്ഷകളെ ചുറ്റിപ്പറ്റിയാണ് റൊമാൻ്റിക് കോമഡി ചിത്രത്തിന്റെ കഥ പുരോഗമിക്കുന്നത് എന്ന സൂചനയാണ് ട്രെയിലർ നൽകുന്നത്. ചിത്രത്തിൽ നെഗറ്റീവ് റോളിലാണ് പൃഥ്വി എത്തുന്നതെന്നും റിപ്പോർട്ടുകളുണ്ട്.

View this post on Instagram

A post shared by A j Photography (@ajphotography017)

കുഞ്ഞിരാമായണം’ എന്ന ചിത്രത്തിനു ശേഷം ദീപു പ്രദീപ് രചന നിർവഹിക്കുന്ന ചിത്രമാണ് ഗുരുവായൂരമ്പലനടയിൽ. തമിഴ് നടൻ യോഗി ബാബുവും ചിത്രത്തിലുണ്ട്. ഛായാഗ്രഹണം നീരജ് രവി,എഡിറ്റർ ജോൺ കുട്ടി,സംഗീതം അങ്കിത് മേനോൻ എന്നിവർ നിർവ്വഹിക്കുന്നു. 

ജഗദീഷ്, രേഖ, ഇർഷാദ്, സിജു സണ്ണി, സഫ്‌വാൻ, കുഞ്ഞികൃഷ്ണൻ മാസ്റ്റർ, മനോജ്‌ കെ.യു. എന്നിവരാണ് ചിത്രത്തിലെ മറ്റു അഭിനേതാക്കൾ. പൃഥ്വിരാജ് പ്രൊഡക്‌ഷൻസിന്റെ ബാനറിൽ സുപ്രിയ മേനോൻ, ഇഫോർ എന്റർടെയ്ൻമെന്റിന്‍റെ ബാനറിൽ മുകേഷ് ആർ. മേത്ത, സി.വി. സാരഥി എന്നിവർ ചേർന്നാണ് ചിത്രം നിർമ്മിച്ചത്. 

Read More Entertainment Stories Here

• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്
• ചക്കിയുടെ കല്യാണം കൂടാൻ കാർത്തിക എത്തിയപ്പോൾ; ആ വട്ടപ്പൊട്ടിനും ചിരിക്കും ഒരുമാറ്റവുമില്ലെന്ന് ആരാധകർ
• ബാഹുബലി പ്രെമോഷ​ൻ ചെയ്തത് 'സീറോ ബഡ്ജറ്റിൽ;' വെളിപ്പെടുത്തി രാജമൗലി
• അവൾ ഒരു മരുമകളല്ല, അച്ഛനോടുള്ള സ്നേഹത്തെപ്പോലും ചിലർ പരിഹാസത്തോടെ കാണുന്നു: മനോജ് കെ. ജയൻ