Barroz OTT: ബുധനാഴ്ച ബറോസ് ഒടിടിയിലെത്തും; എവിടെ കാണാം?

Barroz Ott Release Date and Platform: മലയാളത്തിന്റെ സൂപ്പർ സ്റ്റാർമോഹൻലാൽ ആദ്യമായി സംവിധാനം ചെയ്ത  'ബറോസ്' ഒടിടിയിലേക്ക്. ചിത്രത്തിന്റെ ഒടിടി റിലീസ് തീയതി ഔദ്യോഗികമായി പ്രഖ്യാപിക്കപ്പെട്ടിരിക്കുകയാണ്. ഡിസ്നി പ്ലസ് ഹോട്ട്സ്റ്റാർ ആണ് ചിത്രത്തിന്റെ സ്ട്രീമിംഗ് പാർട്ണർ. 

ജനുവരി 22ന് ചിത്രം ഡിസ്നി പ്ലസ് ഹോട്ട്സ്റ്റാറിൽ റിലീസ് ചെയ്യുമെന്നാണ് ഹോട്ട്സ്റ്റാറിന്റെ ഔദ്യോഗിക ഇൻസ്റ്റഗ്രാം അക്കൗണ്ടിലൂടെ അറിയിച്ചിരിക്കുന്നത്. 

View this post on Instagram

A post shared by Disney+ Hotstar malayalam (@disneyplushotstarmalayalam)

3ഡിയിൽ ഒരുക്കിയ സിനിമ ക്രിസ്മസ് റിലീസായാണ് തിയേറ്ററുകളിലെത്തിയത്. ബിഗ് ബഡ്ജറ്റിൽ നിർമ്മിച്ച ചിത്രത്തിന് തിയേറ്ററിൽ വലിയ പ്രതികരണം നേടാനായിരുന്നില്ല. ഒടിടിയിലൂടെ കൂടുതൽ പ്രേക്ഷകരിലേക്ക് എത്തുകയാണ് ബറോസ്.

2019 ഏപ്രിലില്‍ ആണ് ചിത്രം പ്രഖ്യാപിക്കപ്പെട്ടത്. ആശിർവാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ ആണ് 'ബറോസ്' നിർമ്മിച്ചത്. ഇന്ത്യയിലെ ആദ്യ ത്രീഡി ചിത്രമായിരുന്ന 'മൈ ഡിയര്‍ കുട്ടിച്ചാത്തന്‍' സംവിധാനം ചെയ്ത ജിജോയുടെ കഥയെ ആസ്‍പദമാക്കിയാണ് മോഹന്‍ലാല്‍ ബറോസ് ഒരുക്കിയത്.

സന്തോഷ് ശിവനാണ് ചിത്രത്തിന്റെ ഛായാഗ്രഹണം. എഡിറ്റിങ് ശ്രീകര്‍ പ്രസാദ നിർവഹിക്കുന്നു. ലിഡിയന്‍ നാദസ്വരം ആണ് ബാറോസിനായി സംഗീതം നൽകിയിരിക്കുന്നത്. ദി ട്രെയ്റ്റര്‍, ഐ ഇന്‍ ദ സ്‌കൈ, പിച്ച് പെര്‍ഫക്ട് എന്നീ ചിത്രങ്ങൾക്ക് സംഗീതം നല്‍കിയ മാര്‍ക്ക് കിലിയൻ ആണ് ചിത്രത്തിനായി പശ്ചാത്തല സംഗീതം നിർവഹിച്ചിരിക്കുന്നത്. മോഹൻലാലിനൊപ്പം വിദേശ താരങ്ങളും കുട്ടികൾക്കായി ഒരുക്കിയിരിക്കുന്ന ചിത്രത്തിലുണ്ട്.

Read More

• • Pani OTT: പണി ഒടിടിയിലെത്തി; എവിടെ കാണാം?
  • വിരസകാഴ്ചകൾ, ഏൽക്കാതെ പോയ കോമഡികൾ; പ്രാവിൻകൂട് ഷാപ്പ് റിവ്യൂ; Pravinkoodu Shappu Review
  • ഒരു പക്കാ നായികാ പ്രോഡക്റ്റ്; അനശ്വരയെക്കുറിച്ച് മനോജ് കെ ജയൻ
  • സ്ക്രീനിലേക്ക് ഇടിച്ചുകയറിയ കൊമ്പന്മാർ
  • അച്ഛനെ പോലെ തന്നെ അതിസുന്ദരി; ശ്രദ്ധ കവർന്ന് ബോബൻ ആലുംമൂടന്റെ മകൾ