Animal OTT: തിയേറ്ററിൽ കണ്ടതിലും 8 മിനിറ്റ് അധികം; രൺബീറിന്റെ അനിമൽ ഒടിടിയിലേക്ക്

Animal OTT Release Date: രൺബീർ കപൂറിനെ നായകനാക്കി സന്ദീപ് റെഡ്ഡി വംഗ സംവിധാനം ചെയ്ത അനിമൽ ഒടിടിയിലേക്ക്. ചിത്രത്തിന്റെ ഒടിടി റിലീസ് തീയതി ഔദ്യോഗികമായി പ്രഖ്യാപിച്ചിരിക്കുകയാണ് അണിയറപ്രവർത്തകർ. തിയേറ്ററിൽ കണ്ട അനിമൽ പതിപ്പാവില്ല ഒടിടിയിൽ ലഭ്യമാകുക. ചിത്രത്തിന്റെ വിപുലീകരിച്ചതും ദൈർഘ്യമേറിയതുമായ പതിപ്പാണ് ഒടിടി പ്ലാറ്റ്ഫോമിൽ ലഭ്യമാവുക എന്ന് സംവിധായകൻ സന്ദീപ് റെഡ്ഡി വംഗ പറയുന്നു. 

3 മണിക്കൂറും 21 മിനിറ്റും ദൈർഘ്യമുള്ളതായിരുന്നു അനിമലിന്റെ തിയേറ്റർ പതിപ്പ്. റിപ്പോർട്ടുകൾ പ്രകാരം ചിത്രത്തിന്റെ ഓൺലൈൻ പതിപ്പ് എട്ട് മിനിറ്റ് അധിക ദൈർഘ്യമുള്ളതായിരിക്കും, മൊത്തം 209 മിനിറ്റോളമുണ്ടാകും ഒടിടി പതിപ്പ് എന്നാണ് റിപ്പോർട്ട്. 

ത്രിപൃതി ദിമ്രി, ബോബി ഡിയോൾ, അനിൽ കപൂർ എന്നിവരും അഭിനയിച്ച ചിത്രം ടോക്സിക്കായൊരു അച്ഛൻ-മകൻ ബന്ധത്തെ കുറിച്ചാണ് സംസാരിച്ചത്. സ്ത്രീവിരുദ്ധതയും അമിതമായ വയലൻസും നിറഞ്ഞ ചിത്രത്തിനെതിരെ വലിയ രീതിയിൽ വിമർശനങ്ങളും ഉയർന്നിരുന്നു. എന്നാൽ നെഗറ്റീവ് റിവ്യൂകളും വിവാദങ്ങളും അവഗണിച്ച് ബോക്സ് ഓഫീസിൽ നിന്നും 900 കോടിയിലധികമാണ് അനിമൽ കളക്റ്റ് ചെയ്തത്. ചിത്രത്തിന് 'അനിമൽ പാർക്ക്' എന്ന പേരിൽ രണ്ടാം ഭാഗം വരുമെന്നും റിപ്പോർട്ടുണ്ട്.

റിപ്പബ്ലിക് ദിനത്തോട് അനുബന്ധിച്ചാണ് അനിമൽ പ്രീമിയർ. ജനുവരി 26 മുതൽ  നെറ്റ്ഫ്ലിക്സിൽ അനിമൽ  സ്ട്രീമിംഗ് ആരംഭിക്കും.

Read More Entertainment Stories Here

• അനിമലിൽ രൺബീറിന്റെ വീട്; യഥാർത്ഥത്തിൽ ഈ താരത്തിന്റെ ബംഗ്ലാവാണ്
• ത്രിപ്തി ദിമ്രിയുടെ 'പോപ്പുലാരിറ്റി'ക്ക് കാരണം അനിമലിലെ ചൂടൻ രംഗങ്ങളോ?
• 'സ്ത്രീകളോട് ഷൂ നക്കാൻ പറയുന്ന ചിത്രം ഹിറ്റാകുന്നത് അപകടം;' അനിമലിനെ വിമർശിച്ച് ജാവേദ് അക്തർ
• ഭാര്യ ഭാര്യയാണ്, കാമുകി കാമുകിയും; തൃപ്തിയ്ക്ക് വേണ്ടി രശ്മികയെ ഒതുക്കാൻ ശ്രമിച്ചോ? നിർമാതാവിന്റെ മറുപടി
• ജനുവരിയിൽ ഒടിടിയിൽ എത്തിയ ചിത്രങ്ങൾ