അയോധ്യയിൽ രാമക്ഷേത്രത്തിനരികെ സ്ഥലം വാങ്ങി അമിതാഭ് ബച്ചൻ

ജനുവരി 22നാണ് അയോധ്യ രാമക്ഷേത്രത്തിലെ പ്രാണ പ്രതിഷഠ ചടങ്ങ്. അതിനു മുന്നോടിയായി അയോധ്യയിൽ ഒരു പ്ലോട്ട് സ്വന്തമാക്കിയിരിക്കുകയാണ് ബോളിവുഡ് താരം അമിതാഭ് ബച്ചൻ. 'ആഗോള ആത്മീയ തലസ്ഥാനമായ' അയോധ്യയിൽ വീട് നിർമ്മിക്കാനാണ് താരം സ്ഥലം വാങ്ങിയതെന്നാണ് പുറത്തുവരുന്ന റിപ്പോർട്ട്. 

10,000 ചതുരശ്ര അടിയുള്ള പ്ലോട്ട് 14.5 കോടി രൂപയ്ക്കാണ് അമിതാഭ് ബച്ചൻ സ്വന്തമാക്കിയതെന്നാണ് ലഭിക്കുന്ന വിവരം. അയോധ്യയിൽ സരയൂ നദിക്കരയിൽ 7 സ്റ്റാർ പ്ലോട്ടഡ് ഡെവലപ്‌മെന്റായ ദി സരയുവിൽ ആണ് ബിഗ് ബി പ്ലോട്ട് വാങ്ങിയിരിക്കുന്നതെന്നാണ് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നത്. ശ്രീരാമ ജന്മഭൂമി ക്ഷേത്രത്തിൽ നിന്ന് 15 മിനിറ്റ് അകലെയാണ് ഈ പ്ലോട്ട് സ്ഥിതി ചെയ്യുന്നത്. 

 മുംബൈ ആസ്ഥാനമായുള്ള ഡെവലപ്പർ ദി ഹൗസ് ഓഫ് അഭിനന്ദൻ ലോധയാണ് ഇവിടെ ഒരു ഹൗസിംഗ് പ്രൊജക്റ്റ് വികസിപ്പിച്ചെടുക്കുന്നത്. “എന്റെ ഹൃദയത്തിൽ ഒരു പ്രത്യേക സ്ഥാനം വഹിക്കുന്ന നഗരമായ അയോധ്യയിലെ ഹൗസ് ഓഫ് സരയുവിൽ അഭിനന്ദൻ ലോധയ്‌ക്കൊപ്പം ഈ യാത്ര ആരംഭിക്കാൻ ഞാൻ ആഗ്രഹിക്കുന്നു. അയോധ്യയുടെ കാലാതീതമായ ആത്മീയതയും സാംസ്കാരിക സമ്പന്നതയും ഭൂമിശാസ്ത്രപരമായ അതിരുകൾക്കപ്പുറത്തുള്ള ഒരു വൈകാരിക ബന്ധം കെട്ടിപ്പടുത്തു. പാരമ്പര്യവും ആധുനികതയും പരിധികളില്ലാതെ സഹകരിക്കുന്ന അയോധ്യയുടെ ആത്മാവിലേക്കുള്ള ഹൃദയസ്പർശിയായ യാത്രയുടെ തുടക്കമാണിത്. ആഗോള ആത്മീയ തലസ്ഥാനത്ത് എന്റെ വീട് പണിയാൻ ഞാൻ ആഗ്രഹിക്കുന്നു," അമിതാഭ് ബച്ചൻ പറയുന്നു. 2028 മാർച്ചോടെ ആ ഭവന പദ്ധതി പൂർത്തീകരിക്കാനാണ് ലക്ഷ്യമിടുന്നത്. 

ബച്ചനെ കൂടാതെ വിനോദം, കായികം, രാഷ്ട്രീയം, ബിസിനസ്സ് മേഖലകളിലെ നിരവധി വ്യക്തിത്വങ്ങൾക്ക് പ്രതിഷ്ഠാ ചടങ്ങിൽ പങ്കെടുക്കാൻ ക്ഷണമുണ്ട്. രജനികാന്ത്, രൺബീർ കപൂർ, ആലിയ ഭട്ട്, രാം ചരൺ, ദീപിക ചിഖാലിയ, അരുൺ ഗോവിൽ, കങ്കണ റണാവത്ത് തുടങ്ങി നിരവധി താരങ്ങളെ ചടങ്ങിൽ പങ്കെടുക്കാൻ ക്ഷണിച്ചിട്ടുണ്ട്. 

രാമലല്ല വിഗ്രഹത്തിന്റെ പ്രതിഷ്ഠാ ചടങ്ങുകൾക്ക് മുന്നോടിയായി ജനുവരി 16 മുതൽ ഒരാഴ്ച നീണ്ടുനിൽക്കുന്ന ചടങ്ങുകൾ നടക്കും. രാമക്ഷേത്രം സ്ഥാപിക്കുന്ന ജനുവരി 22ന് വീടുകളിൽ ദീപാവലി  ആഘോഷിക്കാൻ പ്രധാനമന്ത്രി മോദി രാജ്യത്തെ ജനങ്ങളോട് അഭ്യർത്ഥിച്ചിരുന്നു. 

Read More Entertainment Stories Here

• ഞങ്ങളുടെ കുഞ്ഞിന് ഈ മൂല്യങ്ങൾ ഉണ്ടാവണം; അമ്മയാവുക എന്ന ആഗ്രഹത്തെ കുറിച്ച് ദീപിക
• മുംബൈ പൊലീസിൽ ഗേ പാർട്ണറായി വരുന്നത് കോ ബ്രദറാണെന്ന് അറിഞ്ഞപ്പോൾ പൃഥ്വി ഞെട്ടി
• അനുശ്രീയെ കൊണ്ട് കാറ് തള്ളിച്ച ഒരേ ഒരാൾ ഞാനാണ്: സൗഹൃദനിമിഷങ്ങൾ പങ്കിട്ട് അനുശ്രീയും ഹരി പത്തനാപുരവും
• സന്നിധാനത്തെത്തി അയ്യനെ വണങ്ങി ദിലീപ്; വീഡിയോ