നിമിഷയുടെ അഭിനയം കണ്ട് എന്റെ കണ്ണു നിറഞ്ഞു: ആലിയ ഭട്ട്

ഇന്ത്യന്‍ ചരിത്രത്തിലെ ഏറ്റവും വലിയ ആനക്കൊമ്പ് വേട്ട പ്രമേയമാക്കിയുള്ള ക്രൈം സീരീസാണ് പോച്ചര്‍. ബോളിവുഡ് നടിയും നിര്‍മ്മാതാവുമായ ആലിയ ഭട്ടാണ് സീരീസിന്‍റെ എക്സിക്യൂട്ടീവ് നിര്‍മ്മാതാവ്. 

നിമിഷ സജയനെ കുറിച്ച് പോച്ചർ പ്രമോഷനിടെ ആലിയ പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത്. “എന്‍റെ എക്കാലത്തെയും പ്രിയപ്പെട്ട അഭിനേതാവായി മാറിയിരിക്കുകയാണ് നിമിഷ സജയന്‍. പ്രത്യേകിച്ച് സീരീസിലെ ക്ലൈമാക്സ്‌ ഷോട്ടില്‍, എന്തൊക്കെ വികാരങ്ങള്‍ ആവശ്യമായോ അതെല്ലാം നിമിഷ കൊണ്ടുവന്നു. എന്‍റെ കണ്ണു നിറഞ്ഞു പോയി. നിമിഷയുടെ പ്രകടനം അത്ഭുതപ്പെടുത്തി,” ആലിയയുടെ വാക്കുകൾ ഇങ്ങനെ. 

View this post on Instagram

A post shared by Film Companion (@filmcompanion)

ആലിയയുടെ എറ്റേണൽ സൺഷൈൻ പ്രൊഡക്ഷൻസിനോടൊപ്പം ക്യൂസി എന്റർടൈൻമെന്റിന്റെ എഡ്വേർഡ് എച്ച്.ഹാം ജൂനിയർ, റെയ്മണ്ട് മാൻസ്ഫീൽഡ്, സീൻ മക്കിട്രിക് തുടങ്ങിയവര്‍ ചേര്‍ന്നാണ് പോച്ചര്‍ നിര്‍മ്മിച്ചിരിക്കുന്നത്.

കേരളത്തിൽ യഥാർത്ഥത്തിൽ നടന്ന  ആനവേട്ടയുടെയും അതുമായി ബന്ധപ്പെട്ട ക്രിമിനൽ പ്രവൃത്തികളിലേക്കും വിരൽചൂണ്ടുന്ന, ഉദ്വേഗജനകമായ ഒരു കുറ്റകൃത്യ പരമ്പരയാണ് പോച്ചർ. കോടതി രേഖകളുടെയും സാക്ഷ്യപത്രങ്ങളുടെയും അടിസ്ഥാനത്തിൽ, കേരളത്തിലെ നിബിഡ വനങ്ങളിൽ നടന്ന സംഭവങ്ങളുടെ ചലച്ചിത്രാവിഷ്കാരമാണ് ഇത്. 

നിമിഷ സജയൻ, റോഷൻ മാത്യു എന്നിവർക്കൊപ്പം കനി കുസൃതി, അങ്കിത് മാധവ്, രഞ്ജിത മേനോൻ, മാല പാർവ്വതി, ദിബ്യേന്ദു ഭട്ടാചാര്യ എന്നിവരും ശ്രദ്ധേയ കഥാപാത്രങ്ങളെ അവതരിപ്പിക്കുന്നു. എമ്മി അവാര്‍ഡ് ജേതാവായ റിച്ചി മേത്തയാണ് തിരക്കഥ എഴുതി പോച്ചർ സംവിധാനം ചെയ്തിരിക്കുന്നത്.

ജൊഹാൻ ഹെർലിൻ എയ്ഡ് ക്യാമറ ചലിപ്പിക്കുന്ന സീരീസിന് സംഗീതം നൽകിയത്  ആൻഡ്രൂ ലോക്കിംഗ്ടണാണ്. ബെവർലി മിൽസ്, സൂസൻ ഷിപ്പ്ടൺ, ജസ്റ്റിൻ ലി എന്നിവരാണ് സീരീസിന്റെ എഡിറ്റിംഗ് ജോലികൾ കൈകാര്യം ചെയ്തത്. സീരീസിന്റെ മലയാളം തിരക്കഥ എഴുതിയിരിക്കുന്നത് ഇയോബിന്റെ പുസ്തകം, തുറമുഖം തുടങ്ങിയ ചിത്രങ്ങളിൽ പ്രവർത്തിച്ചിട്ടുള്ള ഗോപൻ ചിദംബരമാണ്. 

ഫെബ്രുവരി 23ന് ഇന്ത്യയിലും ലോകമെമ്പാടുമുള്ള 240-ലധികം രാജ്യങ്ങളിലുമായി ആമസോൺ പ്രൈം വീഡിയോ പോച്ചർ സ്ട്രീം ചെയ്യും. 

Read More Entertainment Stories Here

• Malaikottai Vaaliban OTT: മലൈക്കോട്ടൈ വാലിബൻ ഒടിടിയിലേക്ക്
• നടൻ സുദേവ് നായർ വിവാഹിതനായി
• രാവിലെ പത്രം ഇട്ടിട്ട് ഒരാൾ പോകുന്നു; നോക്കിയപ്പോ, ഫഹദ് ഫാസിൽ!
• അച്ഛന്‍ പോയപ്പോൾ ഞാന്‍ ആലോചിച്ചു, അമ്മ ഇനി എന്ത് ചെയ്യും? അതിനുള്ള ഉത്തരമാണ് ഞങ്ങള്‍: വേദിയിൽ ശബ്ദമിടറി പൃഥ്വിരാജ്
• ശ്രീദേവിയോട് 'യെസ്' പറയിപ്പിക്കാൻ ബച്ചൻ ഇറക്കിയത് ഒരു ട്രക്ക് നിറയെ റോസാപൂക്കൾ