ഷൂട്ടിനിടെ പരുക്കേറ്റു, മൂന്നു മാസത്തോളം കാഴ്ച നഷ്ടപ്പെട്ടു: അജയ് ദേവ്ഗൺ

ബിഗ് ബോസ് 18ൻ്റെ വീക്കെൻഡ് കാ വാർ എപ്പിസോഡിൽ അതിഥികളായി എത്തിയത്  അജയ് ദേവ്ഗണും രോഹിത് ഷെട്ടിയുമായിരുന്നു. അവതാരകനായ സൽമാൻ ഖാനോട് സംസാരിക്കവെ, സിങ്കം എഗെയ്ൻ എന്ന ചിത്രത്തിൻ്റെ ഷൂട്ടിംഗിനിടെ തനിക്ക് കണ്ണിനേറ്റ പരുക്കിനെ കുറിച്ചും കാഴ്ച നഷ്ടമായതിനെ കുറിച്ചും  അജയ് ദേവ്ഗൺ മനസ്സു തുറന്നു. 

ഒരു സംഭാഷണത്തിനിടെ സൽമാൻ ആണ് അജയിനേറ്റ പരുക്കിനെ കുറിച്ച് സംസാരിച്ചു തുടങ്ങിയത്. ഈ സിനിമയ്ക്കിടെ നിങ്ങളുടെ കണ്ണിന് പരിക്കേറ്റോ? എന്നു ചോദിച്ച സൽമാൻ അജയ് തനിക്കൊരു ഷോട്ട് കാണിച്ചുതന്നുവെന്നും അതിൽ ഒരാൾ അജയിനെ അടിക്കാൻ വരുമ്പോൾ ടൈമിംഗ് തെറ്റി അത് നേരിട്ട് കണ്ണിൽ പതിച്ചതിന്റെ വിഷ്വൽസ് താൻ കണ്ടെന്നും വിശദീകരിച്ചു. 

"രണ്ട്-മൂന്ന് മാസത്തേക്ക് എനിക്ക് കാഴ്ച നഷ്ടപ്പെട്ടു. ഞാനും ഒരു ചെറിയ സർജറിക്ക് വിധേയനായി," എന്നായിരുന്നു സൽമാന്റെ വാക്കുകളോട് പ്രതികരിച്ചുകൊണ്ട് അജയ് ദേവ്ഗൺ പറഞ്ഞത്. 

ആക്ഷൻ ചെയ്യുമ്പോൾ ഇത്തരം അപകടങ്ങൾ സംഭവിക്കാറുണ്ടെന്ന് സൽമാൻ പറഞ്ഞു. യുവതാരങ്ങൾക്ക് ഇപ്പോൾ ഇത് എളുപ്പമായിരിക്കുകയാണെന്നും അജയ് കൂട്ടിച്ചേർത്തു. കേബിളും സിജിഐയും ഇല്ലാതെ എങ്ങനെയാണ് ആക്ഷൻ സീക്വൻസുകൾ അവതരിപ്പിച്ചതെന്നും ഇരുവരും ചർച്ച ചെയ്തു.

View this post on Instagram

A post shared by Ajay Devgn (@ajaydevgn)

സിങ്കം എഗെയ്‌നിൽ ഒരു പ്രത്യേക വേഷത്തിൽ സൽമാനും എത്തുന്നുണ്ടെന്നാണ് റിപ്പോർട്ടുകൾ. ചിത്രത്തിൽ ദീപിക പദുക്കോൺ, രൺവീർ സിംഗ്, അക്ഷയ് കുമാർ, ടൈഗർ ഷ്റോഫ്, കരീന കപൂർ ഖാൻ, അർജുൻ കപൂർ തുടങ്ങിയവരും അഭിനയിക്കുന്നു. രോഹിത് ഷെട്ടി സംവിധാനം ചെയ്യുന്ന ചിത്രം നവംബർ ഒന്നിന് റിലീസ് ചെയ്യും.

Read More

• പിറന്നാൾ ദിനത്തിൽ ദിലീപിനൊപ്പമുള്ള ചിത്രങ്ങളുമായി മീനാക്ഷി
• നൻപന് ആശസംകൾ; വിജയ്‌യുടെ രാഷ്ട്രീയ പ്രവേശനത്തിന് ആശംസയുമായി സൂര്യ
• Meiyazhagan OTT: കാഴ്ചക്കാരുടെ കണ്ണുനനയിപ്പിച്ച മെയ്യഴകൻ ഒടിടിയിലേക്ക്
• 80 കോടി പടം കൂപ്പുകുത്തി; സോഷ്യൽ മീഡിയയിൽ നിന്നും അപ്രത്യക്ഷനായി സംവിധായകൻ
• Mrudhu Bhave Dhruda Kruthye OTT: മൃദുഭാവേ ദൃഢ കൃത്യേ ഒടിടിയിൽ എവിടെ കാണാം?
• ഷുഗർ 700 ആയി, ശ്രീദേവിക്ക് സംഭവിച്ചത് എനിക്കും വരുമോ എന്ന് മക്കൾ ഭയന്നു; മഹീപ് കപൂർ പറയുന്നു