തമിഴ് നടൻ കിഷൻ ദാസ് വിവാഹിതനാകുന്നു; ഉറ്റസുഹൃത്തുമായുള്ള പ്രണയം സിനിമാകഥപോലെ

'മുതൽ നീ മുടിവും നീ' എന്ന ഹിറ്റ് ചിത്രത്തിലൂടെ മലയാളികൾക്ക് ഏറെ സുപരിചിതനായ താരമാണ് നടൻ കിഷൻ ദാസ്. കണ്ടന്റ് ക്രിയേറ്റർ കൂടിയായ കിഷൻ സോഷ്യൽ മീഡിയയുടെയും​ ഇഷ്ടതാരമാണ്. തന്റെ വിവാഹ നിശ്ചയം കഴിഞ്ഞെന്ന സന്തോഷ വാർത്തയാണ് കിഷൻ ആരാധകരുമായി പങ്കുവയ്ക്കുന്നത്. ഇതിന്റെ ചിത്രങ്ങളും താരം ഇൻസ്റ്റഗ്രാമിൽ പങ്കുവച്ചിട്ടുണ്ട്.

ധനുഷ്- നിത്യ മേനോൻ ചിത്രം 'തിരുച്ചിത്രമ്പലം', തങ്ങളുടെ യഥാർത്ഥ ജീവിതത്തിൽ സംഭവിച്ചെന്നും, ബെസ്റ്റ് ഫ്രെണ്ടുമായി എന്റെ വിവാഹ നിശ്ചയം കഴിഞ്ഞെന്നും ക്യാപ്ഷൻ നൽകിയാണ് താരം ചിത്രങ്ങൾ പക്കുവച്ചത്. സുചിത്ര കുമാറുമായാണ് വിവാഹം നിശ്ചയിച്ചിരിക്കുന്നത്.

View this post on Instagram

A post shared by Kishen Das (@kishendas)

ആർ.ജെ. ബാലാജി സംവിധാനം ചെയ്ത 'സിങ്കപ്പൂര് സലൂണി'ലാണ് കിഷൻ അവസാനമായി അഭിനയിച്ചത്. 'മുതൽ നീ മുടിവും നീ' എന്ന ചിത്രത്തിലൂടെ മലയാളത്തിലും തമിഴിലും നിരവധി ആരാധകരെയാണ് കിഷൻ സൃഷ്ടിച്ചത്.

View this post on Instagram

A post shared by Kishen Das (@kishendas)

നവാഗതനായ സലീം ആർ. ബാദ്ഷ സംവിധാനം ചെയ്യുന്ന സൈക്കോളജി ത്രില്ലറായ 'ഈരപഥം കാറ്റു മഴൈ' എന്ന ചിത്രത്തിന്റെ തിരക്കിലാണ് താരം. വെട്രി എന്ന പ്രധാന കഥാപാത്രത്തെയാണ് കിഷൻ അവതരിപ്പിക്കുന്നത്. ടെലിവിഷൻ- നാടക രംഗത്ത് പ്രശസ്ഥനായ ബൃന്ദാ ദാസിന്റെ മകനാണ് കിഷൻ ദാസ്.

Read More 

• തിയേറ്ററിലിരുന്ന് കരഞ്ഞു; പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നെന്ന് നജീബ്
• മറ്റൊരു ആടുജീവിതം അനുഭവിച്ചു തീർത്തു; ബെന്യാമിൻ
• Aadujeevitham Review: പൃഥ്വിരാജിന്റെ 'ആടുജീവിതം' ഇന്ന് തിയേറ്ററുകളിൽ
• Aadujeevitham Public Review: ഓസ്കാർ ഉറപ്പിച്ചോ; ആടുജീവിതം കരയിപ്പിച്ചെന്ന് പ്രേക്ഷകർ
• ബ്ലെസിയെയും പൃഥ്വിരാജിനെയും പ്രശംസിച്ച് കമൽഹാസനും മണിരത്നവും