'4 പെഗ് അടിച്ചു;' ത്രീ ഇഡിയറ്റ്സിൽ അഭിനയിച്ചത് മദ്യപിച്ചായിരുന്നെന്ന് മാധവൻ

3 ഇഡിയറ്റ്‌സ് എന്ന സൂപ്പർ ഹിറ്റ് ചിത്രത്തിലെ ഒരു അവിസ്മരണിയ രംഗം അഭിനയിച്ചത് മദ്യപിച്ചായിരുന്നെന്ന് വെളിപ്പെടുത്തുകയാണ്, നടനും ചലച്ചിത്ര നിർമ്മാതാവുമായ ആർ മാധവൻ. ചിത്രത്തിലെ സുപ്രധാനമായ ആ രംഗത്തിൽ മദ്യപിച്ച് അഭിനയിക്കാമെന്ന ഐഡിയ ആമിർ ഖാന്റേത് ആയിരുന്നെന്നും മാധവൻ പറഞ്ഞു. അടുത്തിടെ പറത്തിറങ്ങിയ ഒരു പോഡ്കാസ്റ്റിലൂടെയായിരുന്നു താരത്തിന്റെ വെളിപ്പെടുത്തൽ.

ചിത്രത്തിൽ അഭിനയിച്ച മൂന്നു കേന്ദ്ര കഥാപാത്രങ്ങളും ആ സീനിൽ മദ്യപിച്ചിരുന്നതായി മാധവൻ പറഞ്ഞു. "ആമിർ ഖാന്റെ ഐഡിയ ആയിരുന്നു അത്. മദ്യപിച്ചതായി അഭിനയിക്കരുത്, മദ്യപിച്ച് മദ്യപിക്കാത്ത ആളായി വേണം അഭിയിക്കാൻ എന്നായിരുന്നു അദ്ദേഹത്തിന്റെ കാഴ്ചപ്പാട്. 9 മണിക്ക് ഷൂട്ട് ആരംഭിക്കും മുൻപ് 3- 4 പെഗ് അടിച്ച് 8.45 ന് ഷോട്ടിന് തയ്യാറാകണം അതായിരുന്നു ആമിറിന്റെ പ്ലാൻ. 

എന്നാൽ ലൈറ്റ് പോയതുകൊണ്ട് രണ്ട് മണിക്കൂറോളം ഷൂട്ടിങ്ങ് വൈകി. അതുകൊണ്ട് മദ്യത്തിന്റെ കിക്ക് പോകാതിരിക്കാൻ ഞങ്ങൾ വീണ്ടും മദ്യപിച്ചു. പക്ഷെ ബാംഗ്ലൂരിലെ കാറ്റ് ലഹരി കൂട്ടുമെന്ന് ഞങ്ങൾ പ്രതീക്ഷിച്ചില്ല. ഞങ്ങൾ നോർമ്മലായി ഷൂട്ടിനെത്തി എന്നാണ് ഞങ്ങൾ കരുതിയത്. പക്ഷെ തെറ്റാതെ ഡയലോഗ് പറയാൻ മണിക്കൂറുകളെടുത്ത കാര്യം ഞങ്ങൾ മനസിലാക്കിയില്ല," മധവൻ പറഞ്ഞു.

രാജ് കുമാർ ഹിരാനി സംവിധാനം ചെയ്ത ത്രീ ഇഡിയറ്റ്സ് 2009ലാണ് തിയേറ്ററിലെത്തിയത്. പ്രേക്ഷക- നിരൂപക പ്രശംസ നേടിയ ചിത്രം വലിയ വിജയമാണ് തിയേറ്ററിൽ നേടിയത്. ചൈനയടക്കമുള്ള രാജ്യങ്ങളിൽ ചിത്രം പ്രദർശനത്തിനെത്തുകയും വിജയം നേടുകയും ചെയ്തു. 450 കോടിയോളം രൂപ നേടി റെക്കോർഡ് വിജയമായിരുന്നു ചിത്രം ആഗോള വിപണിയിൽ നേടിയത്.

Read More Related Stories 

• കരിക്ക് താരം കിരൺ വിയ്യത്ത് വിവാഹിതനായി
• ഷാരൂഖിന്റെ മകൾ സുഖാന ഖാൻ ബീച്ച് പ്രോപ്പർട്ടിക്കായി മുടക്കിയത് കോടികൾ; റിയൽ എസ്റ്റേറ്റിൽ പിടിമുറുക്കാൻ താരപുത്രി
• താടിയെടുത്താൽ ആളിങ്ങനെ മാറുമോ?; ജീൻ പോളിനെ കണ്ട് അമ്പരന്ന് പ്രേക്ഷകർ
• മഞ്ഞുമ്മൽ ബോയ്സ് കണ്ടപ്പോൾ മരണത്തിലേക്ക് ആണ്ടുപോയ എന്റെ ചേട്ടനെ ഓർത്തു: ഷാജി കൈലാസ്
• പ്രേക്ഷകരെ ചതിക്കാൻ പറ്റാത്തതുകൊണ്ടാണ് ഞാൻ അങ്ങനെ ചെയ്തത്: അക്ഷയ് കുമാർ