Kerala Election Results 2021 Highlights: ചുവപ്പണിഞ്ഞ് കേരളം, സെഞ്ചുറിക്കരികെ ക്യാപ്റ്റൻ

Kerala Election Results 2021 Highlights: കേരളത്തിൽ തുടർഭരണം ഉറപ്പാക്കി ഇടതുമുന്നണി. ഇത്തവണത്തെ നിയമസഭാ തിരഞ്ഞെടുപ്പിൽ ചരിത്ര വിജയം നേടിയ എൽഡിഎഫ് 11 ജില്ലകളില്‍ സമ്പൂര്‍ണ ആധിപത്യം ഉറപ്പാക്കി. കഴിഞ്ഞ തവണത്തെ 91 സീറ്റിൽനിന്ന് എൽഡിഎഫ് നേട്ടം 99 ലേക്ക് ഉയർന്നപ്പോൾ യുഡിഎഫ് മുന്നേറ്റം 41 ലേക്ക് ചുരുങ്ങി. കഴിഞ്ഞ തവണ നേമത്ത് ആദ്യമായി തുറന്ന ബിജെപി അക്കൗണ്ട് ഇത്തവണ സിപിഎം പൂട്ടി.

മുഖ്യമന്ത്രി പിണറായി വിജയന്‍ (2021-50,123, 2016-36,905), മന്ത്രി കെകെ ശൈലജ (2021-60,963, 2016-12,291)എന്നിവരുടെ ഭൂരിപക്ഷം കുത്തനെ ഉയർന്നു. അതേമയം, മന്ത്രിമാരായ കെടി ജലീൽ (2021-2,564, 2016-17,064) വൻ തിരിച്ചടി നേരിട്ടു. പ്രതിപക്ഷത്ത് മുന്‍ മുഖ്യമന്ത്രി ഉമ്മന്‍ ചാണ്ടിയാണ് വൻ തിരിച്ചടി നേരിട്ടത് പുതുപ്പള്ളിയില്‍ അദ്ദേഹത്തിന്റെ ഭൂരിപക്ഷം 27,092ല്‍ നിന്ന് 9,044 ലേക്ക് ഇടിഞ്ഞു. പ്രതിപക്ഷ നേതാവ് രമേശ് ചെന്നിത്തല (2016-18,621, 2021-13,666), പി.കെ. കുഞ്ഞാലിക്കുട്ടി (2021-30,596, 2016-38,057) തുടങ്ങിയ പ്രമുഖര്‍ വന്‍ ഭൂരിപക്ഷത്തിലേക്ക് കടന്നു.

വലിയ തരംഗത്തിനിടയിലും ഫിഷറിസ് മന്ത്രി മേഴ്സിക്കുട്ടിയമ്മ, എം സ്വരാജ്, ജോസ് കെ മാണി, എംവി ശ്രേയാംസ് കുമാർ എന്നിവരുടെ തോൽവി ഇടതുമുന്നണിക്കു നേരിടേണ്ടി വന്നു. കഴിഞ്ഞ തവണ മേഴ്സിക്കുട്ടിയമ്മയ്ക്ക് 30,460 വോട്ടിന്റെ ഭൂരിപക്ഷമുണ്ടായിരുന്ന കുണ്ടറയിൽ പിസി വിഷ്ണുനാഥ് 4,523 വോട്ടിനാണ് അട്ടിമറി വിജയം നേടിയത്. ഇവിടെ അവസാന ഘട്ടത്തിലാണ് സ്ഥാനാര്‍ഥിയായി എത്തിയ വിഷ്ണുനാഥിനു പ്രചാരണത്തിനു വേണ്ടത്ര സമയം പോലും ലഭിച്ചിരുന്നില്ല.

കഴിഞ്ഞ തവണ 4467 വോട്ടിനു തൃപ്പൂണിത്തുറ പിടിച്ചെടുത്ത എം സ്വരാജ് ഇത്തവണ 992 വോട്ടിനോടാണ് കെ ബാബുവിനോട് അടിയറവ് പറഞ്ഞത്. പാലായിൽ 15,378 വോട്ടിനാണു മാണി സി കാപ്പനോട് ജോസ് കെ മാണി തോൽവി ഏറ്റുവാങ്ങിയത്. 13,083 വോട്ടിനു കഴിഞ്ഞതവണ സിപിഎം ജയിച്ച കൽപ്പറ്റയിൽ ഇത്തവണ 5470 വോട്ടിനു ടി സിദ്ദിഖിനോട് എംവി ശ്രേയാംസ് കുമാർ പരാജയപ്പെടുകയായിരുന്നു.

അതേസമയം അഴീക്കോട്, തൃത്താല സീറ്റുകൾ തിരിച്ചുപിടിച്ചത് സിപിഎമ്മിനു വൻ നേട്ടമായി. അഴീക്കോട്ട് കഴിഞ്ഞ തവണ 2287 വോട്ടിന് വിജയിച്ച കെഎം ഷാജിയെ ഇത്തവണ 6141 വോട്ടിനാണു കെവി സുമേഷ് പരാജയപ്പെടുത്തിയത്. കഴിഞ്ഞ തവണ 10,547 വോട്ടിന് വിടി ബൽറാം ജയിച്ച തൃത്താല 3,016 വോട്ടിനാണു എംബി രാജേഷ് പിടിച്ചെടുത്തത്.

തുടര്‍ച്ചയായ എട്ടാം വിജയം ലക്ഷ്യമിട്ട് പൂഞ്ഞാറില്‍ ഒറ്റയാനായി മത്സരിച്ച പിസി ജോര്‍ജിന് അടിതെറ്റി.2016ൽ ഒരു മുന്നണികളുടേയും സഹായമില്ലാതെ 27,821 വോട്ട് പിസി ജോർജിനു ഭൂരിപക്ഷം ലഭിച്ച ഇവിടെ ഇത്തവണ 16,817 വോട്ടിനാണു പരാജയപ്പെട്ടത്. കേരള കോൺഗ്രസ് (എം) സ്ഥാനാര്‍ത്ഥി സെബാസ്റ്റ്യന്‍ കുളത്തുങ്കലാണ് ജോർജിനെ മലർത്തിയടിച്ചത്.

2016 ൽ ബിജെപി സംസ്ഥാനത്ത് ആദ്യമായി അക്കണ്ട് തുന്ന നേമം, അതേ സ്ഥാനാർഥിയായ വി ശിവൻ കുട്ടിയെ നിയോഗിച്ച് തിരിച്ചുപിടിച്ചു. കഴിഞ്ഞ തവണ 8671 വോട്ടിന് ഒ രാജഗോപാൽ വിജയിച്ച മണ്ഡലം 3949 വോട്ടിനാണ് ശിവൻകുട്ടി ചുവപ്പിച്ചത്. പാലക്കാട്ട് ഇ. ശ്രീധരനെ അവസാന റൗണ്ടില്‍ ഷാഫി പറമ്പില്‍ പിന്നിലാക്കി. 3859 വോട്ടിനാണു ഷാഫിയുടെ വിജയം. ബിജെപി സംസ്ഥാന അധ്യക്ഷൻ കെ സുരേന്ദ്രൻ കോന്നിയിലും മഞ്ചേശ്വരത്തും തോല്‍വി ഏറ്റുവാങ്ങി. ഒരു ഘട്ടത്തിലും സുരേന്ദ്രന് ലീഡ് നേടാനായില്ല. ഇതോടെ ബിജെപിയുടെ കേരളത്തിലെ സീറ്റ് നില വീണ്ടും പൂജ്യത്തിലേക്ക് മാറി.

Read: Kerala Assembly Election Result Live Updates on Indian Express

• 22:57 (IST) 02 May 2021
  സാമൂഹ്യ മാധ്യമങ്ങളിലെ ഇടപെടലിന് അഭിവാദ്യങ്ങൾ അർപിച്ച് മുഖ്യമന്ത്രി

  എൽഡിഎഫ് വിജയത്തിനായി സാമൂഹ്യ മാധ്യമങ്ങളിൽ ഇടപെടൽ നടത്തിയവർക്ക് അഭിവാദ്യങ്ങൾ അർപ്പിക്കുന്നതായി മുഖ്യമന്ത്രി പിണറായി വിജയൻ. ഫെയ്സ്ബുക്കിൽ പങ്കുവച്ച വീഡിയോയിലാണ് മുഖ്യമന്ത്രി ഇക്കാര്യം പറഞ്ഞത്.

• 19:56 (IST) 02 May 2021
  പിണറായി വിജയനെ അഭിനന്ദിച്ച് നരേന്ദ്ര മോദി

  കേരള നിയമസഭാ തിരഞ്ഞെടുപ്പിൽ തുടർച്ചയായി രണ്ടാം തവണയും വിജയിച്ച പിണറായി വിജയനും എൽഡിഎഫിനും അഭിനന്ദനവുമായി പ്രധാനമന്ത്രി നരേന്ദ്ര മോദി. ട്വിറ്ററിലൂടെ അഭിനന്ദനമറിയിച്ച മോദി, കോവിഡ് 19 മഹാമാരിയെ ലഘൂകരിക്കുന്നതിനായി ഒരുമിച്ച് പ്രവർത്തിക്കാമെന്നും കുറിച്ചു,

  I would like to congratulate Shri @vijayanpinarayi and the LDF for winning the Kerala Assembly elections. We will continue working together on a wide range of subjects and to ensure India mitigates the COVID-19 global pandemic.

  — Narendra Modi (@narendramodi) May 2, 2021

• 19:54 (IST) 02 May 2021
  പിണറായി വിജയനെ അഭിനന്ദിച്ച് നരേന്ദ്ര മോദി

  കേരള നിയമസഭാ തിരഞ്ഞെടുപ്പിൽ തുടർച്ചയായി രണ്ടാം തവണയും വിജയിച്ച പിണറായി വിജയനും എൽഡിഎഫിനും അഭിനന്ദനവുമായി പ്രധാനമന്ത്രി നരേന്ദ്ര മോദി. ട്വിറ്ററിലൂടെ അഭിനന്ദനമറിയിച്ച മോദി, കോവിഡ് 19 മഹാമാരിയെ തടയുന്നതിനായി ഒരുമിച്ച് പ്രവർത്തിക്കാമെന്നും കുറിച്ചു,

  I would like to congratulate Shri @vijayanpinarayi and the LDF for winning the Kerala Assembly elections. We will continue working together on a wide range of subjects and to ensure India mitigates the COVID-19 global pandemic.

  — Narendra Modi (@narendramodi) May 2, 2021

• 19:53 (IST) 02 May 2021
  പിണറായി വിജയനെ അഭിനന്ദിച്ച് നരേന്ദ്ര മോദി

  കേരള നിയമസഭാ തിരഞ്ഞെടുപ്പിൽ തുടർച്ചയായി രണ്ടാം തവണയും വിജയിച്ച പിണറായി വിജയനും എൽഡിഎഫിനും അഭിനന്ദനവുമായി പ്രധാനമന്ത്രി നരേന്ദ്ര മോദി. ട്വിറ്ററിലൂടെ അഭിനന്ദനമറിയിച്ച മോദി, കോവിഡ് 19 മഹാമാരിയെ ലഘൂകരിക്കുന്നതിനായി ഒരുമിച്ച് പ്രവർത്തിക്കാമെന്നും കുറിച്ചു,

  I would like to congratulate Shri @vijayanpinarayi and the LDF for winning the Kerala Assembly elections. We will continue working together on a wide range of subjects and to ensure India mitigates the COVID-19 global pandemic.

  — Narendra Modi (@narendramodi) May 2, 2021

• 19:44 (IST) 02 May 2021
  ജനവിധി അംഗീകരിക്കുന്നു: ചെന്നിത്തല

  നിയമസഭാ തെരെഞ്ഞെടുപ്പിലെ ജനവിധി അംഗീകരിക്കുന്നുവെന്ന് രമേശ് ചെന്നിത്തല. പരാജയ കാരണങ്ങൾ യുഡിഎഫ് യോഗം ചേർന്ന് വിലയിരുത്തും.എവിടെയാണ് പാളിച്ച ഉണ്ടായതെന്ന് പരിശോധിക്കുമെന്നും അദ്ദേഹം വ്യക്തമാക്കി.

  "കേരളത്തിലെ ഇടതുപക്ഷ സര്‍ക്കാരിന്‍റെ അഴിമതിയും കൊളളയും യു.ഡിഎഫ് പുറത്തുകൊണ്ടുവന്നിരുന്നു. അതൊക്കെ ഇല്ലാതായെന്നു ഈ വിജയം കൊണ്ട് കരുതണ്ട. സര്‍ക്കാരിന് പലഘട്ടത്തിലും തിരുത്തേണ്ടതായിട്ട് വന്നിട്ടുണ്ട്. സര്‍ക്കാരിന്‍റെ തെറ്റുകളെ തിരുത്തുക എന്നത് പ്രതിപക്ഷത്തിന്‍റെ കടമയാണ്," ചെന്നിത്തല പറഞ്ഞു.

  നിയമസഭാ തെരെഞ്ഞെടുപ്പിലെ ജനവിധി അംഗീകരിക്കുന്നു. പരാജയ കാരണങ്ങൾ യുഡിഎഫ് യോഗം ചേർന്ന് വിലയിരുത്തും.എവിടെയാണ് പാളിച്ച...

  Posted by Ramesh Chennithala on Sunday, 2 May 2021

• 18:49 (IST) 02 May 2021
  കുണ്ടറയിലെ തോൽവി പരിശോധിക്കുമെന്ന് മുഖ്യമന്ത്രി

  കുണ്ടറയിലെ തോൽവി പരിശോധിക്കുമെന്ന് മുഖ്യമന്ത്രി പിണറായി വിജയൻ. കുണ്ടറയിൽ എൽഡിഎഫ് സ്ഥാനാർഥി മേഴ്സിക്കുട്ടിയമ്മ പരാജയപ്പെട്ട സാഹചര്യത്തിലാണ് മുഖ്യമന്ത്രിയുടെ പ്രതികരണം. യുഡിഎഫിന്റെ പി.സി.വിഷ്ണുനാഥാണ് ഇവിടെ ജയിച്ചത്.

• 18:48 (IST) 02 May 2021
  വിശ്വാസം രക്ഷിച്ചില്ല, ആചാരം കൈവിട്ടു; തോറ്റമ്പി കോൺഗ്രസും ബിജെപിയും

  ആചാരമനുഷ്ഠിക്കാനിറങ്ങി കൈപൊള്ളിയ കോൺഗ്രസും വിശ്വാസം രക്ഷിക്കാത്തതിനാൽ തണ്ടൊടിഞ്ഞ ബിജെപിയുമാണ് കേരളത്തിലെ നിയമസഭാ ഫലം പുറത്തു വരുമ്പോഴുള്ള ചിത്രം. പ്രതിപക്ഷമായിരുന്ന കോൺഗ്രസിന് വീണ്ടും പ്രതിപക്ഷത്തിരിക്കാനുള്ള യോഗമാണ് ജനങ്ങൾ നല്‍കിയത്. കഴിഞ്ഞ നാൽപത് വർഷത്തോളമായി ഒരു തവണ എൽഡിഎഫ് എങ്കിൽ അടുത്ത തവണ യുഡിഎഫ് എന്നതായിരുന്നു കേരളത്തിലെ നിയമസഭാ തിരഞ്ഞെടുപ്പുകളിലെ ‘വിശ്വാസ’വും ‘ആചാര’വും. അത് ഇത്തവണ വഴിമാറി. Read More

• 18:43 (IST) 02 May 2021
  പ്രതിപക്ഷ നേതൃസ്ഥാനം രാജിവയ്ക്കണോയെന്ന് ആലോചിച്ച് തീരുമാനിക്കും: ചെന്നിത്തല

  ജനവിധി മാനിക്കുന്നുവെന്ന് പ്രതിപക്ഷ നേതാവ് രമേശ് ചെന്നിത്തല. അപ്രതീക്ഷിത പരാജയമാണ് സംഭവിച്ചതെന്നും പരാജയകാരണങ്ങൾ യുഡിഎഫ് വിലയിരുത്തുമെന്നും ചെന്നിത്തല പറഞ്ഞു. പ്രതിപക്ഷ നേതൃസ്ഥാനം രാജിവയ്ക്കണോയെന്ന് ആലോചിച്ച് തീരുമാനിക്കുമെന്നും ചെന്നിത്തല പറഞ്ഞു.

• 18:12 (IST) 02 May 2021
  നടന്നത് ഏറ്റവും വലിയ രാഷ്ട്രീയ പോരാട്ടം: പിണറായി വിജയൻ

  നടന്നത് ഏറ്റവും വലിയ രാഷ്ട്രീയ പോരാട്ടമെന്ന് മുഖ്യമന്ത്രി പിണറായി വിജയൻ. എൽഡിഎഫ് നടപ്പാക്കുന്നതേ പറയൂ, പറഞ്ഞത് നടപ്പാക്കും. ഞങ്ങൾ ജനത്തെ വിശ്വസിച്ചു, ജനങ്ങൾ ഞങ്ങളെയും. പ്രതിസന്ധി വന്നപ്പോൾ ജനങ്ങൾ എൽഡിഎഫിനൊപ്പം നിന്നു. ജനങ്ങൾ ഇനിയും ഒപ്പമുണ്ടാകുമെന്ന് തെളിയിക്കുന്നതാണ് ജനവിധി.

  https://www.facebook.com/CMOKerala/videos/366485101439468

• 18:07 (IST) 02 May 2021
  കേരളത്തിലെ വോട്ടർമാരെ അഭിവാദ്യം ചെയ്ത് സിപിഎം സംസ്ഥാന സെക്രട്ടറിയേറ്റ്

  ഇടതുപക്ഷ ജനാധിപത്യ മുന്നണിക്ക് ഈ നിയമസഭാ തിരഞ്ഞെടുപ്പിൽ കേരള ജനത ചരിത്ര വിജയമാണ് നൽകിയത്. ഈ ജനകീയ അംഗീകാരത്തിലൂടെ ആദ്യമായി കേരളത്തിൽ ഒരു ഇടതുപക്ഷ തുടർഭരണം വരികയാണ്. കേരള ചരിത്രം തിരുത്തിയെഴുതിയ സംസ്ഥാനത്തെ വോട്ടർമാരെ സിപിഎം അഭിവാദ്യം ചെയ്യുന്നതായി സംസ്ഥാന സെക്രട്ടറിയേറ്റ്

• 18:05 (IST) 02 May 2021
  ജനവിധിയെ പൂര്‍ണമായും അംഗീകരിക്കുന്നുവെന്ന് കെ.സുരേന്ദ്രന്‍

  നിയമസഭാ തിരഞ്ഞെടുപ്പിലെ ജനവിധിയെ തങ്ങള്‍ പൂര്‍ണമായും അംഗീകരിക്കുന്നുവെന്ന് ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍. എന്‍ഡിഎ പ്രതീക്ഷിച്ച സീറ്റുകളിൽ ജയിക്കാനായില്ല എന്ന കാര്യം അംഗീകരിക്കുന്നു. ഞങ്ങള്‍ക്ക് വിജയസാധ്യതയുള്ള സീറ്റുകളില്‍ വലിയ തോതില്‍ ധ്രുവീകരണത്തിനുള്ള നീക്കം നടന്നുവെന്നാണ് പ്രാഥമികമായി ഞങ്ങള്‍ കാണുന്നതെന്നും സുരേന്ദ്രന്‍ പറഞ്ഞു.

• 17:09 (IST) 02 May 2021
  കേരള ജനതയുടെ വിജയം: എ വിജയരാഘവന്‍

  "കേരളത്തിന്റെ രാഷ്ട്രീയ ചരിത്രത്തിലെ ഐതിഹാസികമായ വിജയമാണ് ലഭിച്ചത്. വലിയ വിജയം ഉണ്ടാകുമെന്ന് നേരത്തെ പറഞ്ഞിരുന്നു. ആത്മവിശ്വാസത്തെ അന്വര്‍ഥമാക്കുന്ന ഫലമാണ് ഉണ്ടായിരിക്കുന്നത്. വര്‍ഗീയ ശക്തികള്‍ക്ക് കീഴടങ്ങില്ല എന്ന പ്രഖ്യാപനമാണ് ഈ വിജയം," സിപിഎം ആക്ടിങ് സെക്രട്ടറി എ വിജയരാഘന്‍ പറഞ്ഞു.

  "പ്രധാനമന്ത്രി വന്നു, അമിത് ഷാ വന്നു. എല്ലാ വര്‍ഗീയ ശക്തികളും ഒരുമിച്ച് ഭരണത്തെ അട്ടിമറിക്കാന്‍ ശ്രമിച്ചു. ഇത് കേരള ജനതയുടെ വിജയമാണ്. ജനത്തിന്റെ വിശ്വാസത്തിനോട് 100 ശതമാനം നീതി പുലര്‍ത്തി," വിജയരാഘവന്‍ കൂട്ടിച്ചേര്‍ത്തു.

• 17:02 (IST) 02 May 2021
  വിജയം ഐതിഹാസികം: ജലീല്‍

  "മലപ്പുറം ജില്ലയില്‍ ഇടതുപക്ഷത്തിന് മികച്ച വിജയം നേടാനായി. ലഭിച്ച സീറ്റുകള്‍ നിലനിര്‍ത്താനായി. ലീഗിന്റെ പൊന്നാപുരം കോട്ടകളില്‍ വരെ വോട്ട് വിഹിതം വര്‍ദ്ധിച്ചു. മുസ്ലിം ലീഗ് ആവനാഴിയിലെ അവസാന തന്ത്രവും പ്രയോഗിച്ചും തോല്‍പ്പിക്കാന്‍. പക്ഷെ സാധിച്ചില്ല," വിജയത്തിന് ശേഷം ജലീല്‍ പറഞ്ഞു

• 16:50 (IST) 02 May 2021
  തൃപ്പൂണിത്തുറയില്‍ പോരാട്ടം അവസാന ലാപ്പിലേക്ക്

  തൃപ്പൂണിത്തുറ മണ്ഡലത്തില്‍ എല്‍ഡിഎഫും യുഡിഎഫും തമ്മില്‍ കടുത്ത പോരാട്ടം. വോട്ടെണ്ണല്‍ അവസാന റൗണ്ടിലേക്ക് എത്തിയപ്പോള്‍ യുഡിഎഫിന്റെ കെ ബാബുവിന് 200 വോട്ടിന്റെ ലീഡ്. സിറ്റിങ് എംഎല്‍എ എം സ്വരാജാണ് രണ്ടാമത്.

• 16:46 (IST) 02 May 2021
  മേഴ്സിക്കുട്ടിയമ്മ തോല്‍വിയിലേക്ക്

  കുണ്ടറയില്‍ മന്ത്രി മേഴ്സിക്കുട്ടിയമ്മ തോല്‍വിയിലേക്ക്. യുഡിഎഫ് സ്ഥാനാര്‍ഥി പിസി വിഷ്ണുനാഥിന്റെ ലീഡ് 5097. പിണറായി മന്ത്രിസഭയില്‍ നിന്ന് മത്സരിച്ചവരില്‍ തോല്‍ക്കുന്ന ഏക മന്ത്രി.

• 16:43 (IST) 02 May 2021
  കടന്നുകൂടി ജലീല്‍

  തവനൂരില്‍ അവസാന ലാപ്പില്‍ വിജയിച്ച് മുന്‍ മന്ത്രി കെടി ജലീല്‍. 2,564 വോട്ടിന്റെ ഭൂരിപക്ഷത്തില്‍ യുഡിഎഫ് സ്ഥാനാര്‍ഥി ഫിറോസ് കുന്നുംപറമ്പിലിനെ പരാജയപ്പെടുത്തിയത്.

• 16:42 (IST) 02 May 2021
  കടന്നുകൂടി ജലീല്‍

  തവനൂരില്‍ അവസാന ലാപ്പില്‍ വിജയിച്ച് മുന്‍ മന്ത്രി കെടി ജലീല്‍. 3,066 വോട്ടിന്റെ ഭൂരിപക്ഷത്തില്‍ യുഡിഎഫ് സ്ഥാനാര്‍ഥി ഫിറോസ് കുന്നുംപറമ്പിലിനെ പരാജയപ്പെടുത്തിയത്.

• 16:39 (IST) 02 May 2021
  കടന്നുകൂടി ജലീല്‍

  തവനൂരില്‍ അവസാന ലാപ്പില്‍ വിജയിച്ച് മുന്‍ മന്ത്രി കെടി ജലീല്‍. 2,564 വോട്ടിന്റെ ഭൂരിപക്ഷത്തില്‍ യുഡിഎഫ് സ്ഥാനാര്‍ഥി ഫിറോസ് കുന്നുംപറമ്പിലിനെ പരാജയപ്പെടുത്തിയത്.

• 16:38 (IST) 02 May 2021
  ജലീലിന്റെ ലീഡ് 3,000 കടന്നു

  തവനൂരില്‍ മുന്‍മന്ത്രി കെടി ജലീലിന്റെ ലീഡ് 3,000 പിന്നിട്ടു.

• 16:36 (IST) 02 May 2021
  ഇനി മത്സരിക്കാനില്ല: അനില്‍ അക്കര

  ഇനി തിരഞ്ഞെടുപ്പുകളില്‍ മത്സരിക്കാനില്ലെന്ന് വടക്കാഞ്ചെരിയിലെ സിറ്റിങ് എംഎല്‍എ അനില്‍ അക്കര. സ്വന്തം പഞ്ചായത്തില്‍ പോലും ലീഡ് നേടാനാകാതെ തോല്‍വി വഴങ്ങിയതോടെയാണ് തീരുമാനം.

• 16:34 (IST) 02 May 2021
  ജലീലിന്റെ ലീഡ് 3,000 കടന്നു

  തവനൂരില്‍ മുന്‍മന്ത്രി കെടി ജലീലിന്റെ ലീഡ് 3,000 പിന്നിട്ടു.

• 16:19 (IST) 02 May 2021
  നേമത്തെ ശക്തന്‍ ശിവന്‍കുട്ടി

  നേമത്ത് എല്‍ഡിഎഫ് സ്ഥാനാര്‍ഥി വി ശിവന്‍കുട്ടി വിജയിച്ചു. ബിജെപിയുടെ അക്കൗണ്ട് പൂട്ടി. നേമം തിരിച്ച് പിടിച്ച് എല്‍ഡിഎഫ്

• 16:16 (IST) 02 May 2021
  നേമത്തെ ശക്തന്‍ ശിവന്‍കുട്ടി

  നേമത്ത് എല്‍ഡിഎഫ് സ്ഥാനാര്‍ഥി വി ശിവന്‍കുട്ടി വിജയിച്ചു. ബിജെപിയുടെ അക്കൗണ്ട് പൂട്ടി. നേമം തിരിച്ച് പിടിച്ച് എല്‍ഡിഎഫ്

• 16:13 (IST) 02 May 2021
  ജനവിധിയില്‍ ഞെട്ടി മുല്ലപ്പള്ളി

  ജനവിധി തികച്ചും അപ്രതീക്ഷിതമെന്നും ഈ പരാജയം കോൺഗ്രസ് പ്രതീക്ഷിച്ചിരുന്നില്ലെന്നും കെപിസിസി ജനറൽ സെക്രട്ടറി മുല്ലപ്പള്ളി രാമചന്ദ്രൻ.

  "അസാധാരണമായ രാഷ്ട്രിയ സാഹചര്യം കേരളത്തിൽ നിലനിൽക്കുന്നില്ല എന്നതാണ് യാഥാർത്ഥ്യം. പരാജയത്തെ പരാജയമായി കാണുന്നു. പരാജയം എന്ന തരത്തിൽ അതിനെ പരിശോധിക്കും. കോൺഗ്രസ് തളരുമെന്ന് പരാജയം അർത്ഥമാക്കുന്നില്ല. തിരിച്ചടി ഉണ്ടായപ്പോഴെല്ലാം അത് പരിശോധിച്ച് തിരുത്തൽ ഉണ്ടായി മുന്നോട്ട് പോയ പാരമ്പര്യമാണ് കോൺഗ്രസ്സിനുള്ളത്," മുല്ലപ്പള്ളി പറഞ്ഞു.

• 16:05 (IST) 02 May 2021
  സ്വപ്നം കാണുന്നതിന് മര്യാദ വേണ്ടെ, ബിജെപിയ്ക്കെതിരെ കാനം

  "35 സീറ്റ് കിട്ടിയാല്‍ ഭരിക്കും, തൂക്ക് മന്ത്രി സഭയില്‍ നിര്‍ണായകമാകും. സ്വപ്നം കാണുന്നതിന് മര്യാദ വേണ്ടെ," ബിജെപിയ്ക്ക് പരിഹാസവുമായി സിപിഐ സംസ്ഥാന സെക്രട്ടറി കാനം രാജേന്ദ്രന്‍

• 16:00 (IST) 02 May 2021
  പിണറായി വിജയന്റെ വാര്‍ത്താസമ്മേളനം

  മുഖ്യമന്ത്രി പിണറായി വിജയന്റെ വാര്‍ത്താസമ്മേളനം 5.30ന്.

• 15:58 (IST) 02 May 2021
  ജനങ്ങള്‍ ജയിപ്പിച്ചതാണ്: ഷാഫി

  പാലക്കാട്ടെ ജനങ്ങള്‍ ജയിപ്പിച്ചതാണെന്ന് ഷാഫി പറമ്പില്‍. 3,000 വോട്ടിന്റെ ഭൂരിപക്ഷം 30,000 വോട്ടിന് തുല്യമെന്നും ഷാഫി. വാക്കില്‍ പറഞ്ഞാല്‍ തീരാത്ത നന്ദിയുണ്ട് പാലക്കാട്ട്കാരോടെന്നും സ്ഥാനാര്‍ഥി.

• 15:38 (IST) 02 May 2021
  പാലക്കാട് ഷാഫിയ്ക്കൊപ്പം

  പാലക്കാട് പിടിക്കാന്‍ ബിജെപിക്കായില്ല. ആദ്യ മുതല്‍ ലീഡ് നിലനിര്‍ത്തിയ ബിജെപി സ്ഥാനാര്‍ഥി ഇ ശ്രീധരന്‍ അവസാന റൗണ്ടില്‍ പരാജയപ്പെട്ടു. ഷാഫി പറമ്പിലിന് ഹാട്രിക്ക് വിജയം.

• 15:36 (IST) 02 May 2021
  അപ്രതീക്ഷിത പരാജയം: ചെന്നിത്തല

  "ജനവിധി അംഗീകരിക്കുന്നു. അപ്രതീക്ഷിത പരാജയമാണ്. കരുതിയതല്ല. ആദരവോടെ അംഗീകരിക്കുന്നു. പരാജയ കാരണങ്ങള്‍ വിലയിരുത്തും. പാളിച്ചകള്‍ പരിശോധിക്കും," പ്രതിപക്ഷ നേതാവ് രമേശ് ചെന്നിത്തല പറഞ്ഞു.

• 15:22 (IST) 02 May 2021
  ജനവിധിയെ മാനിക്കുന്നു എന്ന് ഉമ്മന്‍ ചാണ്ടി

  "പരാജയം വെല്ലുവിളിയോടെ ഏറ്റെടുക്കും. തോല്‍വിയുടെ കാരണം ചര്‍ച്ച ചെയ്യും. തുടര്‍ഭരണത്തിനുള്ളതൊന്നും കഴിഞ്ഞ 5 വര്‍ഷമായി എല്‍ഡിഎഫ് ചെയ്തിട്ടില്ല എന്നാണ് യുഡിഎഫ് വിശ്വാസം. അത് ജനങ്ങള്‍ക്ക് മനസിലാക്കിക്കൊടുക്കാന്‍ ശ്രമിച്ചു," ഉമ്മന്‍ ചാണ്ടി പറഞ്ഞു.

• 15:19 (IST) 02 May 2021
  പിണറായിക്ക് സെഞ്ചുറി

  എല്‍ഡിഎഫിന്റെ ലീഡ് 100 മണ്ഡലങ്ങളിലായി. യുഡിഎഫ് മുന്നേറ്റം 40 ല്‍ ഒതുങ്ങി. ബിജെപിയ്ക്ക് ഒരു മണ്ഡലത്തിലും ലീഡ് നേടാനായിട്ടില്ല.

• 15:16 (IST) 02 May 2021
  കുന്നത്തുനാട്ടില്‍ ഇടത് അട്ടിമറി ജയത്തിലേക്ക്

  ത്രികോണ മത്സരം നടന്ന കുന്നത്തുനാട്ടില്‍ അട്ടമറി ജയം കൊയ്യാനൊരുങ്ങി എല്‍ഡിഎഫ്. പിനി ശ്രീനിജന്‍ 2800 ലധികം വോട്ടുകള്‍ക്ക് ലീഡ് ചെയ്യുന്നു. സിറ്റിങ് എംഎല്‍എ വിപി സജീന്ദ്രന്‍ രണ്ടാമതാണ്.

• 15:03 (IST) 02 May 2021
  60,000 കടന്ന് ശൈലജ ടീച്ചറിന്റെ ഭൂരിപക്ഷം

  മട്ടന്നൂരില്‍ ആരോഗ്യമന്ത്രി കെകെ ശൈലജ വന്‍ വിജയത്തിലേക്ക്. വോട്ടെണ്ണല്‍ പുരോഗമിക്കുമ്പോള്‍ 61,000 കടന്നു കെകെ ശൈലജയുടെ ലീഡ്.

• 15:00 (IST) 02 May 2021
  നിയമസഭയിലേക്ക് ആദ്യമായി

  നിയമസഭയിലേക്ക് ആദ്യമായി തിരഞ്ഞെടുക്കപ്പെട്ട് എല്‍ഡിഎഫിന്റെ പ്രമുഖ സ്ഥാനാര്‍ഥികള്‍. കെഎന്‍ ബാലഗോപാല്‍ (കൊട്ടാരക്കര), എംബി രാജേഷ് (തൃത്താല), പി രാജീവ് (കളമശേരി) എന്നിവരാണ് നിയമസഭയിലേക്ക് എത്തുന്നത്.

• 14:58 (IST) 02 May 2021
  കോന്നി നിലനിര്‍ത്തി ജനീഷ് കുമാര്‍

  കോന്നിയില്‍ എല്‍ഡിഎഫ് സ്ഥാനാര്‍ഥി കെയു ജനീഷ് കുമാറിന് വിജയം. 7416 വോട്ടിന്റെ ഭൂരിപക്ഷത്തിനാണ് വിജയം. റോബിന്‍ പീറ്റര്‍ (യുഡിഎഫ്) രണ്ടാമതും ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ മൂന്നാം സ്ഥാനത്തേക്ക് പിന്തള്ളപ്പെട്ടു.

• 14:56 (IST) 02 May 2021
  പിണറായിക്ക് അഭിനന്ദനവുമായി കേജ്രിവാള്‍

  തിരഞ്ഞെടുപ്പ് വിജയത്തില്‍ പിണറായി വിജയന് അഭിനന്ദനവുമായി ഡല്‍ഹി മുഖ്യമന്ത്രി അരവിന്ദ് കേജ്രിവാള്‍ . ട്വിറ്ററിലൂടെയാണ് കേജ്രിവാള്‍ അഭിനന്ദനം അറിയിച്ചത്.

  Heartfelt congratulations @vijayanpinarayi sir.
  
  People of Kerala have reposed faith in you becoz of ur pro-people governance.

  — Arvind Kejriwal (@ArvindKejriwal) May 2, 2021

• 14:50 (IST) 02 May 2021
  തലസ്ഥാനം പിടിച്ച് എൽഡിഎഫ്

  തിരുവനന്തപുരം ജില്ലയിൽ 13 മണ്ഡലങ്ങളിൽ എൽഡിഎഫ് കുതിപ്പ്. 6 മണ്ഡലങ്ങളിൽ ഇടത് ലീഡ് പതിനായിരം കടന്നു

• 14:18 (IST) 02 May 2021
  പാലക്കാട് താമര വാടുന്നു

  പാലക്കാട് യുഡിഎഫ് സ്ഥാനാര്‍ഥി ഷാഫി പറമ്പിലിന് 500 വോട്ടുകളുടെ ലീഡ്.

• 14:15 (IST) 02 May 2021
  പാലക്കാട് താമര വാടുന്നു

  പാലക്കാട് യുഡിഎഫ് സ്ഥാനാര്‍ഥി ഷാഫി പറമ്പിലിന് 500 വോട്ടുകളുടെ ലീഡ്.

• 14:13 (IST) 02 May 2021
  തൃശൂരില്‍ പി ബാലചന്ദ്രന് ജയം

  തൃശൂര്‍ നിലനിര്‍ത്തി എല്‍ഡിഎഫ്. ഫോട്ടോഫിനിഷിലേക്ക് നീങ്ങിയ മണ്ഡലത്തില്‍ അവസാന റൗണ്ടിലാണ് പി ബാലചന്ദ്രന്റെ വിജയം. ഭൂരിപക്ഷം 300 വോട്ടുകള്‍. രണ്ടാം സ്ഥാനത്ത് പത്മജ വേണുഗോപാല്‍. ബിജെപി സ്ഥാനാര്‍ഥി സുരേഷ് ഗോപി മുന്നാം സ്ഥാനത്തേക്ക് പിന്തള്ളപ്പെട്ടു.

• 14:10 (IST) 02 May 2021
  എല്ലാ കണ്ണുകളും പാലക്കാടിലേക്ക്

  പാലക്കാട് ഇ ശ്രീധരന്റെ ലീഡ് 200 ആയി കുറഞ്ഞു. അവസാന റൗണ്ടില്‍ ഷാഫി പറമ്പിലിന് മുന്നേറ്റം. 5,000 വോട്ടിന് മുകളില്‍ ശ്രീധരന്‍ ലീഡ് ചെയ്തിരുന്നു. നിലവില്‍ ബിജെപി ലീഡ് ചെയ്യുന്ന ഏക മണ്ഡലമാണ് പാലക്കാട്

• 14:09 (IST) 02 May 2021
  പാലയുടെ ഹൃദയം കാപ്പനൊപ്പം

  പാലയില്‍ മാണി സി കാപ്പന് അനായാസ ജയം. കാപ്പന്റെ ലീഡ് 13,000 കടന്നു. ജോസ് കെ മാണിയുടെ രാഷ്ടീയ ജീവതത്തിലെ ഏറ്റവും വലിയ തിരിച്ചടി.

• 14:08 (IST) 02 May 2021
  എല്ലാ കണ്ണുകളും പാലക്കാടിലേക്ക്

  പാലക്കാട് ഇ ശ്രീധരന്റെ ലീഡ് 200 ആയി കുറഞ്ഞു. അവസാന റൗണ്ടില്‍ ഷാഫി പറമ്പിലിന് മുന്നേറ്റം. 5,000 വോട്ടിന് മുകളില്‍ ശ്രീധരന്‍ ലീഡ് ചെയ്തിരുന്നു

• 14:07 (IST) 02 May 2021
  എല്ലാ കണ്ണുകളും പാലക്കാടിലേക്ക്

  പാലക്കാട് ഇ ശ്രീധരന്റെ ലീഡ് 200 ആയി കുറഞ്ഞു. അവസാന റൗണ്ടില്‍ ഷാഫി പറമ്പിലിന് മുന്നേറ്റം.

• 14:07 (IST) 02 May 2021
  എല്ലാ കണ്ണുകളും പാലക്കാടിലേക്ക്

  പാലക്കാട് ഇ ശ്രീധരന്റെ ലീഡ് 200 ആയി കുറഞ്ഞു. അവസാന റൗണ്ടില്‍ ഷാഫി പറമ്പിലിന് മുന്നേറ്റം. 5,000 വോട്ടിന് മുകളില്‍ ശ്രീധരന്‍ ലീഡ് ചെയ്തിരുന്നു. നിലവില്‍ ബിജെപി ലീഡ് ചെയ്യുന്ന ഏക മണ്ഡലമാണ് പാലക്കാട്

• 14:05 (IST) 02 May 2021
  ആന്റണി രാജുവിന് അട്ടിമറി ജയം

  തിരുവനന്തപുരത്ത് സിറ്റിങ് എംഎല്‍എ വിഎസ് ശിവകുമാറിന് തോല്‍വി.

• 14:04 (IST) 02 May 2021
  താനൂരില്‍ പികെ ഫിറോസിന് തോല്‍വി

  താനൂര്‍ നിലനിര്‍ത്തി എല്‍ഡിഎഫ്. വി അബ്ദുറഹ്മാന് ജയം.

• 14:01 (IST) 02 May 2021
  തൃശൂരിന് പിന്നാലെ തവനൂരും ഫോട്ടൊഫിനിഷിലേക്ക്

  തവനൂരില്‍ വോട്ടെണ്ണല്‍ അവസാന റൗണ്ടിലേക്ക്. ഫിറോസ് കുന്നുംപറമ്പിലിന് 100 വോട്ടിന്റെ ലീഡ്. ഇനി എണ്ണാനുള്ളത് എല്‍ഡിഎഫ് കേന്ദ്രങ്ങളില്‍

• 13:56 (IST) 02 May 2021
  ഇ ശ്രീധരന്റെ ലീഡ് കുറയുന്നു

  പാലക്കാട് ഈ ശ്രീധരന്റെ ലീഡ് 5000 ത്തില്‍ നിന്ന് 1700 ലേക്ക് ഇടിഞ്ഞു. അവസാന റൗണ്ടില്‍ ഷാഫി പറമ്പിലിന്റെ മുന്നേറ്റം.

• 13:55 (IST) 02 May 2021
  തോല്‍വി അംഗീകരിച്ച് ബല്‍റാം

  തൃത്താലയില്‍ തോല്‍വി അംഗീകരിച്ച് യുഡിഎഫ് സ്ഥാനാര്‍ഥി വിടി ബല്‍റാം. ഫേസ്ബുക്കിലൂടെയാണ് ബല്‍റാമിന്റെ പ്രതികരണം.

  https://www.facebook.com/vtbalram/posts/10158490915929139

• 13:48 (IST) 02 May 2021
  പിസി ജോര്‍ജ് എന്ന വന്മരം വീണു

  പൂഞ്ഞാറില്‍ പിസി ജോര്‍ജിന് തോല്‍വി. കേരള കോണ്‍ഗ്രസ് എം സ്ഥാനാര്‍ഥി സെബാസ്റ്റ്യന്‍ കുളത്തിനാല്‍ 11,404 വോട്ടിനാണ് വിജയിച്ചത്.

• 13:46 (IST) 02 May 2021
  പിസി ജോര്‍ജ് എന്ന വന്മരം വീണു

  പൂഞ്ഞാറില്‍ പിസി ജോര്‍ജിന് തോല്‍വി. കേരള കോണ്‍ഗ്രസ് എം സ്ഥാനാര്‍ഥി സെബാസ്റ്റ്യന്‍ കുളത്തിനാല്‍ 11,404 വോട്ടിനാണ് വിജയിച്ചത്.

• 13:43 (IST) 02 May 2021
  ഉമ്മന്‍ ചാണ്ടി വിയര്‍ത്ത് ജയിച്ചു

  മുന്‍ മുഖ്യമന്ത്രി ഉമ്മന്‍ ചാണ്ടി വിജയിച്ചു. കേവലം 7426 വോട്ടുകളുടെ ഭൂരിപക്ഷം മാത്രമാണ് ഉമ്മന്‍ ചാണ്ടിക്ക് നേടാനായത്. കഴിഞ്ഞ തവണ 25,000 ത്തിന് മുകളില്‍ ആയിരുന്നു ഭൂരിപക്ഷം.

• 13:30 (IST) 02 May 2021
  അവസാന റൗണ്ടില്‍ എല്‍ഡിഎഫ്

  യുഡിഎഫ് ലീഡ് നിലനിര്‍ത്തിയ തൃത്താല, തവനൂര്‍ മണ്ഡലങ്ങളില്‍ എല്‍ഡിഎഫ് ലീഡിലേക്ക്.

• 13:26 (IST) 02 May 2021
  പീരുമേട്ടില്‍ എല്‍ഡിഎഫിന് ജയം

  പീരുമേട്ടില്‍ അവസാന റൗണ്ടില്‍ മണ്ഡലം നിലനിര്‍ത്തി എല്‍ഡിഎഫ്. 1608 വോട്ടിന്റെ ഭൂരിപക്ഷത്തിനായിരുന്നു ജയം. അവസാന റൗണ്ട് വരെ യുഡിഎഫിനായിരുന്നു മേല്‍ക്കൈ.

• 13:24 (IST) 02 May 2021
  ജനങ്ങള്‍ക്ക് നന്ദി പറഞ്ഞ് യെച്ചൂരി

  എല്‍ഡിഎഫ് സര്‍ക്കാരില്‍ വിശ്വാസം അര്‍പ്പിച്ച ജനങ്ങള്‍ക്ക് നന്ദി പറഞ്ഞ് സിപിഎം ജനറല്‍ സെക്രട്ടറി സിതാറാം യെച്യൂരി. എല്ലാ ദുര്‍ഘട സാഹചര്യത്തിലും ജനങ്ങള്‍ക്ക് ഒപ്പം നില്‍ക്കാനും അതിജീവിക്കാനും കേരളത്തെ സഹായിക്കാന്‍ സര്‍ക്കാരിനായി. എല്ലാ പ്രിയപ്പെട്ട സഖാക്കള്‍ക്കും ലാല്‍സലാം. യെച്ചൂരി പറഞ്ഞു.

• 13:22 (IST) 02 May 2021
  നേമത്ത് ശിവന്‍കുട്ടി മുന്നില്‍

  ത്രികോണ മത്സരം നടക്കുന്ന നേമത്ത് സിപിഎം സ്ഥാനാര്‍ഥി വി ശിവന്‍കുട്ടി മുന്നില്‍. 1,800 കടന്നു ശിവന്‍കുട്ടിയുടെ ഭൂരിപക്ഷം.

• 13:14 (IST) 02 May 2021
  ജനങ്ങള്‍ക്ക് നന്ദി പറഞ്ഞ് യെച്ചൂരി

  എല്‍ഡിഎഫ് സര്‍ക്കാരില്‍ വിശ്വാസം അര്‍പ്പിച്ച ജനങ്ങള്‍ക്ക് നന്ദി പറഞ്ഞ് സിപിഎം ജനറല്‍ സെക്രട്ടറി സിതാറാം യെച്യൂരി. എല്ലാ ദുര്‍ഘട സാഹചര്യത്തിലും ജനങ്ങള്‍ക്ക് ഒപ്പം നില്‍ക്കാനും അതിജീവിക്കാനും കേരളത്തെ സഹായിക്കാന്‍ സര്‍ക്കാരിനായി. എല്ലാ പ്രിയപ്പെട്ട സഖാക്കള്‍ക്കും ലാല്‍സലാം. യെച്ചൂരി പറഞ്ഞു.

• 13:05 (IST) 02 May 2021
  അഴിക്കോട് ഇടത്തോട്ട്

  അഴിക്കോട് സിപിഎം സ്ഥാനാര്‍ഥി കെവി സുമേഷിന്റെ ഭൂരിപക്ഷം 5,407 കടന്നു. സിറ്റിങ് എംഎല്‍എ കെഎം ഷാജിയാണ് രണ്ടാം സ്ഥാനത്ത്.

• 13:01 (IST) 02 May 2021
  വിജയാഘോഷങ്ങൾക്ക് തിങ്കളാഴ്ചയും വിലക്ക്

  വോട്ടെണ്ണലിനെത്തുടർന്നുള്ള രാഷ്ട്രീയ പാർട്ടികളുടെ വിജയാഹ്ളാദ പ്രകടനങ്ങൾക്കും ആഘോഷങ്ങൾക്കും തിങ്കളാഴ്ചയും വിലക്കേർപ്പെടുത്തി. ആൾക്കൂട്ടമുണ്ടാക്കുന്ന തരത്തിൽ ഒരു പരിപാടികളും നടത്താൻ അനുവാദമുണ്ടാവില്ല. നിയന്ത്രണം ലംഘിക്കുന്നവർക്കെതിരെ കർശന നടപടി സ്വീകരിക്കും.

• 13:01 (IST) 02 May 2021
  വിജയാഘോഷങ്ങൾക്ക് തിങ്കളാഴ്ചയും വിലക്ക്

  വോട്ടെണ്ണലിനെത്തുടർന്നുള്ള രാഷ്ട്രീയ പാർട്ടികളുടെ വിജയാഹ്ളാദ പ്രകടനങ്ങൾക്കും ആഘോഷങ്ങൾക്കും തിങ്കളാഴ്ചയും വിലക്കേർപ്പെടുത്തി. ആൾക്കൂട്ടമുണ്ടാക്കുന്ന തരത്തിൽ ഒരു പരിപാടികളും നടത്താൻ അനുവാദമുണ്ടാവില്ല. നിയന്ത്രണം ലംഘിക്കുന്നവർക്കെതിരെ കർശന നടപടി സ്വീകരിക്കും.

• 12:58 (IST) 02 May 2021
  ഉമ്മന്‍ ചാണ്ടിയ്ക്ക് വീണ്ടും തിരിച്ചടി

  പാമ്പാടി പഞ്ചായത്തിലും ഉമ്മന്‍ ചാണ്ടി പിന്നോട്ട്. പഞ്ചായത്തില്‍ ജെയ്ക് സി തോമസിന്റെ മുന്നേറ്റം. മുന്‍ മുഖ്യമന്ത്രിക്ക് 2,850 വോട്ടിന്റെ ഭൂരിപക്ഷം മാത്രം.

  

• 12:55 (IST) 02 May 2021
  സ്വന്തം ബൂത്തിലും ജോസ് വീണു

  സ്വന്തം ബൂത്തിലും ജോസ് കെ മാണിക്ക് തിരിച്ചടി. 8 വോട്ട് ലീഡ് മാണി സി കാപ്പന്‍ ജോസിന്റെ ബൂത്തില്‍ നേടി. നിലവില്‍ മാണി സി കാപ്പന്റെ ഭൂരിപക്ഷം 11,000 കടന്നു.

• 12:52 (IST) 02 May 2021
  കെഎന്‍ ബാലഗോപാല്‍ വിജയിച്ചു

  കൊട്ടാരക്കരയില്‍ കെഎന്‍ ബാലഗോപാല്‍ വിജയിച്ചു. 6336 വോട്ടിന്റെ ഭൂരിപക്ഷത്തിനാണ് വിജയം

• 12:50 (IST) 02 May 2021
  നേമത്ത് താമര വാടുന്നു

  നേമത്ത് കുമ്മനം രാജശേഖരന്റെ ലീഡ് 1400 ആയികുറഞ്ഞു. ഇടതുപക്ഷത്തിന്റെ ശക്തിമേഖലകളിലേക്കാണ് ഇനി വോട്ടെണ്ണല്‍ നീങ്ങുന്നത്. രണ്ടാമത് എല്‍ഡിഎഫ് സ്ഥാനാര്‍ഥി വി ശിവന്‍കുട്ടിയും മൂന്നാമതാണ് യുഡിഎഫിന്റെ കെ മുരളിധരന്‍.

• 12:42 (IST) 02 May 2021
  പിപി ചിത്തരഞ്ജന് മിന്നും ജയം

  ആലപ്പുഴയില്‍ എല്‍ഡിഎഫ് സ്ഥാനാര്‍ഥി പിപി ചിത്തരഞ്ജന് വന്‍ വിജയം. 12,803 വോട്ടിന്റെ ഭൂരിപക്ഷത്തിലാണ് ജയം.

• 12:38 (IST) 02 May 2021
  സുരേഷ് ഗോപി പിന്നോട്ട്

  തൃശൂരില്‍ 3000 വോട്ടിന്റെ ലീഡ് നേടി വിജയത്തിലേക്ക് മുന്നേറിയ സുരേഷ് ഗോപി മൂന്നാം സ്ഥാനത്തേക്ക് പിന്തള്ളപ്പെട്ടു. സിപിഐയുടെ പി ബാലചന്ദ്രന്‍ 200 വോട്ടിന്റെ ലീഡ് നേടി ഒന്നാം സ്ഥാനത്ത്.

• 12:36 (IST) 02 May 2021
  സുരേഷ് ഗോപിക്ക് ലീഡ്

  തൃശൂരില്‍ ബിജെപി സ്ഥാനാര്‍ഥി സുരേഷ് ഗോപിക്ക് ലീഡ്. പത്മജ വേണുഗോപാല്‍ രണ്ടാം സ്ഥാനത്ത്

• 12:35 (IST) 02 May 2021
  തുടര്‍ ഭരണം ഇടതുപക്ഷം ഉറപ്പാക്കിയെന്ന് വിഎസ്

  "ഇടതുപക്ഷ ജനാധിപത്യമുന്നണി തുടര്‍ ഭരണം ഉറപ്പാക്കിയിരിക്കുകയാണ്. വലതുപക്ഷരാഷ്ട്രീയത്തിന്റെ ജീര്ണത തിരിച്ചറിഞ്ഞ ജനങ്ങള് ഇടതുപക്ഷമാണ് ശരി എന്ന് വിധിയെഴുതിക്കഴിഞ്ഞു. സംഘപരിവാര് രാഷ്ട്രീയത്തിന് കേരളത്തിന്റെ മണ്ണില് ഇടമില്ല എന്നാണ് മനസ്സിലാക്കാന് കഴിയുന്നത്. വന് ഭൂരിപക്ഷത്തോടെ ഇടതുപക്ഷത്തെ പിന്തുണച്ച കേരളത്തിലെ ജനങ്ങളോടുള്ള കൃതജ്ഞത രേഖപ്പെടുത്തുന്നു," വിഎസ് അച്യുതാനാന്ദന്‍ ഫേസ്ബുക്കില്‍ കുറിച്ചു

  https://www.facebook.com/OfficialVSpage/posts/2761754154135406

• 12:32 (IST) 02 May 2021
  മൂന്നിടത്തും കൈവിടാതെ ബിജെപി

  നേമം, തൃശൂര്‍, പാലക്കാട് മണ്ഡലങ്ങളില്‍ ബിജെപി ലീഡ് നിലനിര്‍ത്തുന്നു. നേമത്തും പാലക്കാടും തുടക്കം മുതല്‍ മുന്‍തൂക്കം നിലനിര്‍ത്താന്‍ ബിജെപിക്കായിരുന്നു. എന്നാല്‍ തൃശൂരില്‍ സിപിഐ സ്ഥാനാര്‍ഥി പി ബാലചന്ദ്രന് പിന്നില്‍ നിന്ന ശേഷമാണ് സുരേഷ് ഗോപിയുടെ തിരിച്ചു വരവ്

• 12:29 (IST) 02 May 2021
  മുന്നേറുന്ന സ്ത്രീകള്‍

  മട്ടന്നൂരില്‍ ആരോഗ്യമന്ത്രി കെകെ ശൈലജ അനായാസം വിജയത്തിലേക്ക് നീങ്ങുകയാണ്. കായംകുളത്ത് യു പ്രതിഭയും ചടയമംഗലത്ത് ചിഞ്ചു റാണിയും എതിര്‍ സ്ഥാനാര്‍ഥികളേക്കാള്‍ ബഹുദൂരം മുന്നിലാണ്. വൈക്കത്ത് സിറ്റിങ് എംഎല്‍എ സികെ ആശയുടെ ഭൂരിപക്ഷം 20,000 ത്തിലേക്ക് എത്തുകയാണ്. അരൂര് ഷാനിമോള്‍ ഉസ്മാനും ലീഡ് നിലനിര്‍ത്തുന്നുണ്ട്. കോങ്ങാട് കെ ശാന്തകുമാരിയും വിജയത്തോട് അടുക്കുകയാണ്

• 12:27 (IST) 02 May 2021
  ദേവികുളത്ത് എല്‍ഡിഎഫിന് വിജയം

  ദേവികുളത്ത് എല്‍ഡിഎഫ് സ്ഥാനാര്‍ഥി എ രാജ വിജയിച്ചു

• 12:23 (IST) 02 May 2021
  രണ്ടിടത്തും അടിതെറ്റി സുരേന്ദ്രന്‍

  തിരഞ്ഞെടുപ്പില്‍ രണ്ട് മണ്ഡലത്തില്‍ മത്സരിച്ച ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രന് കനത്ത തിരിച്ചടി. മഞ്ചേശ്വരത്ത് രണ്ടാം സ്ഥാനത്തും കോന്നിയില്‍ മൂന്നാം സ്ഥാനത്തുമാണ് നിലവില്‍ സുരേന്ദ്രന്റെ സ്ഥാനം. അതേസമയം മുന്‍ ഡിജിപി ജേക്കബ് തോമസ് ഇരിഞ്ഞാലക്കുടയില്‍ മൂന്നാം സ്ഥാനത്താണ്.

• 12:17 (IST) 02 May 2021
  വിജയിച്ചത് ടിപി ചന്ദ്രശേഖരനെന്ന് കെകെ രമ

  വടകരയില്‍ വിജയിച്ചത് ടിപി ചന്ദ്രശേഖരനാണെന്ന് കെകെ രമയുടെ ആദ്യ പ്രതികരണം. ടിപിയുടെ ശബ്ദം തന്നെയാണ് ഇനി വടകരയില്‍ ഉയരാന്‍ പോകുന്നതെന്നും രമ ഏഷ്യാനെറ്റ് ന്യൂസിനോട്.

• 12:12 (IST) 02 May 2021
  മുന്നേറുന്ന സ്ത്രീകള്‍

  മട്ടന്നൂരില്‍ ആരോഗ്യമന്ത്രി കെകെ ശൈലജ അനായാസം വിജയത്തിലേക്ക് നീങ്ങുകയാണ്. കായംകുളത്ത് യു പ്രതിഭയും ചടയമംഗലത്ത് ചിഞ്ചു റാണിയും എതിര്‍ സ്ഥാനാര്‍ഥികളേക്കാള്‍ ബഹുദൂരം മുന്നിലാണ്. വൈക്കത്ത് സിറ്റിങ് എംഎല്‍എ സികെ ആശയുടെ ഭൂരിപക്ഷം 20,000 ത്തിലേക്ക് എത്തുകയാണ്. അരൂര് ഷാനിമോള്‍ ഉസ്മാനും ലീഡ് നിലനിര്‍ത്തുന്നുണ്ട്. കോങ്ങാട് കെ ശാന്തകുമാരിയും വിജയത്തോട് അടുക്കുകയാണ്

• 12:06 (IST) 02 May 2021
  പിന്നിലായ വനിതകള്‍

  ലതിക സുഭാഷിന്റെ ഒറ്റയാള്‍ പോരാട്ടം പരാജയത്തിലേക്ക്. ഏറ്റുമാനൂരില്‍ കേരള കോണ്‍ഗ്രസ് ജോസഫ് വിഭാഗം സ്ഥാനാര്‍ഥി പ്രിന്‍സ് ലൂക്കോസാണ് മുന്നില്‍. കായംകുളത്ത് യുഡിഎഫ് സ്ഥാനാര്‍ഥി അരിതാ ബാബുവും തൃശൂരില്‍ പത്മജ വേണുഗോപാലും പിന്നിലാണ്. കൊല്ലത്തെ ഡിസിസി പ്രസിഡന്റ് ബിന്ദു കൃഷ്ണയേക്കാള്‍ എല്‍ഡിഎഫ് സ്ഥാനാര്‍ഥി എം മുകേഷിന് വ്യക്തമായ ഭൂരിപക്ഷം ഉണ്ട്.

• 12:05 (IST) 02 May 2021
  പുതുപ്പള്ളിയില്‍ ഉമ്മന്‍ ചാണ്ടി വിയര്‍ക്കുന്നു

  പുതുപ്പള്ളിയില്‍ ഉമ്മന്‍ ചാണ്ടിക്ക് ഭൂരിപക്ഷം കുറയുന്നു. 2,800 വോട്ടുകള്‍ക്ക് മാത്രമാണ് മുന്‍ മുഖ്യമന്ത്രി മുന്നില്‍. മണര്‍കാട് പഞ്ചായത്തില്‍ ആയിരത്തിലധികം വോട്ടിന്റെ ഭൂരിപക്ഷം എല്‍ഡിഎഫ് സ്ഥാനാര്‍ഥി ജെയ്ക് സി തോമസ് നേടി.

• 11:59 (IST) 02 May 2021
  കൊടുവള്ളിയില്‍ മുനീറിന് കടുപ്പം

  കൊടുവള്ളിയില്‍ എല്‍ഡിഎഫ് സ്ഥാനാര്‍ഥി കരാട്ട് റസാഖ് മുന്നില്‍. പ്രതിപക്ഷ ഉപനേതാവായ എംകെ മുനീര്‍ രണ്ടാം സ്ഥാനത്തേക്ക് പിന്തള്ളപ്പെട്ടു.

• 11:57 (IST) 02 May 2021
  പുതുപ്പള്ളിയില്‍ ഉമ്മന്‍ ചാണ്ടി വിയര്‍ക്കുന്നു

  പുതുപ്പള്ളിയില്‍ ഉമ്മന്‍ ചാണ്ടിക്ക് ഭൂരിപക്ഷം കുറയുന്നു. 2,800 വോട്ടുകള്‍ക്ക് മാത്രമാണ് മുന്‍ മുഖ്യമന്ത്രി മുന്നില്‍. മണര്‍കാട് പഞ്ചായത്തില്‍ ആയിരത്തിലധികം വോട്ടിന്റെ ഭൂരിപക്ഷം എല്‍ഡിഎഫ് സ്ഥാനാര്‍ഥി ജെയ്ക് സി തോമസ് നേടി.

• 11:52 (IST) 02 May 2021
  9 ജില്ലകളില്‍ എല്‍ഡിഎഫ് മുന്നേറ്റം

  സംസ്ഥാനത്ത് ഇടതുപക്ഷ ജനാധിപത്യ മുന്നണിക്ക് വ്യക്തമായ മുന്നേറ്റം. ഒന്‍പത് ജില്ലകളില്‍ എല്‍ഡിഎഫിന് വന്‍ മുന്നേറ്റം. മലപ്പുറം, വയനാട്, എറണാകുളം ജില്ലകളിലാണ് യുഡിഎഫിന് മേല്‍ക്കൈ നേടാനായത്.

• 11:50 (IST) 02 May 2021
  മുന്നണി മാറിയത് വിനയായോ?

  പാലയില്‍ മുന്നിണി മാറ്റം നടത്തിയത് ജോസ് കെ മാണിക്ക് തിരിച്ചടിയായതായി സൂചന. മാണി സി കാപ്പന്റെ ലീഡ് 5,000 കടന്നു. ഇടത് ശക്തി മേഖലകളില്‍ പോലും കാപ്പന് പിന്തുണ. രാമപുരത്ത് മാത്രം ജോസിന് ലീഡ്.

  

• 11:50 (IST) 02 May 2021
  പിന്നിലായ വനിതകള്‍

  ലതിക സുഭാഷിന്റെ ഒറ്റയാള്‍ പോരാട്ടം പരാജയത്തിലേക്ക്. ഏറ്റുമാനൂരില്‍ കേരള കോണ്‍ഗ്രസ് ജോസഫ് വിഭാഗം സ്ഥാനാര്‍ഥി പ്രിന്‍സ് ലൂക്കോസാണ് മുന്നില്‍. കായംകുളത്ത് യുഡിഎഫ് സ്ഥാനാര്‍ഥി അരിതാ ബാബുവും തൃശൂരില്‍ പത്മജ വേണുഗോപാലും പിന്നിലാണ്. കൊല്ലത്തെ ഡിസിസി പ്രസിഡന്റ് ബിന്ദു കൃഷ്ണയേക്കാള്‍ എല്‍ഡിഎഫ് സ്ഥാനാര്‍ഥി എം മുകേഷിന് വ്യക്തമായ ഭൂരിപക്ഷം ഉണ്ട്.

• 11:42 (IST) 02 May 2021
  ആദ്യ ജയവും എല്‍ഡിഎഫിന്

  പേരാമ്പ്രയില്‍ മന്ത്രി ടിപി രാമകൃഷ്ണന്‍ വിജയിച്ചു. 5,033 വോട്ടിന്റെ ഭൂരിപക്ഷത്തിലാണ് ജയം.

  

• 11:23 (IST) 02 May 2021
  തൃശൂര്‍ എടുക്കാന്‍ സുരേഷ് ഗോപി

  തൃശൂരിന്‍ ലീഡ് വര്‍ദ്ധിപ്പിച്ച് സുരേഷ് ഗോപി. 2,800 കടന്നു ബിജെപി സ്ഥാനാര്‍ഥിയുടെ ലീഡ്. സിപിഐയുടെ പി ബാലചന്ദ്രനാണ് രണ്ടാമത്.

• 11:19 (IST) 02 May 2021
  അരുവിക്കരയില്‍ ആശ്വാസം

  അരുവിക്കരയില്‍ കെ ശബരിനാഥന്‍ മുന്നില്‍. നേരിയ ലീഡ് മാത്രമാണ് ശബരിനാഥിനുള്ളത്. ജി സ്റ്റീഫനാണ് എല്‍ഡിഎഫ് സ്ഥാനാര്‍ഥി.

• 11:12 (IST) 02 May 2021
  തൃപ്പൂണിത്തുറില്‍ പൊരിഞ്ഞ പോരാട്ടം

  തൃപ്പൂണിത്തുറയില്‍ എം സ്വരാജും കെ ബാബുവും തമ്മില്‍ ഇഞ്ചോടിഞ്ച്. സ്വരാജിന് 9 വോട്ടിന്റെ ലീഡ്.

• 11:04 (IST) 02 May 2021
  സുരേഷ് ഗോപി മുന്നില്‍

  തൃശൂരില്‍ ബിജെപി സ്ഥാനാര്‍ഥി സുരേഷ് ഗോപിക്ക് അപ്രതീക്ഷിത മുന്നേറ്റം. ലീഡ് നില 1,500 കടന്നു. ഇടത് സ്ഥാനാര്‍ഥി പി ബാലചന്ദ്രന്‍ രണ്ടാം സ്ഥാനത്തേക്ക് പിന്തള്ളപ്പെട്ടു. പത്മജ വേണുഗോപാല്‍ മൂന്നാമതാണ്

• 11:03 (IST) 02 May 2021
  വടകരയില്‍ ഇടതിന് അടി

  വടകരയില്‍ ആര്‍എംപിയുടെ കെകെ രമ ലീഡ് വര്‍ദ്ധിപ്പിച്ചു. രമയുടെ ലീഡ് 5,000 കടന്നു. മനയത്ത് ചന്ദ്രനാണ് എല്‍ഡിഎഫ് സാരഥി

• 11:01 (IST) 02 May 2021
  സുരേഷ് ഗോപി മുന്നില്‍

  തൃശൂരില്‍ ബിജെപി സ്ഥാനാര്‍ഥി സുരേഷ് ഗോപിക്ക് അപ്രതീക്ഷിത മുന്നേറ്റം. ലീഡ് നില 1,500 കടന്നു. ഇടത് സ്ഥാനാര്‍ഥി പി ബാലചന്ദ്രന്‍ രണ്ടാം സ്ഥാനത്തേക്ക് പിന്തള്ളപ്പെട്ടു. പത്മജ വേണുഗോപാല്‍ മൂന്നാമതാണ്

• 10:46 (IST) 02 May 2021
  പിസി ജോര്‍ജ് തിരിച്ചു വരുന്നു

  പൂഞ്ഞാറില്‍ പിസി ജോര്‍ജ് മൂന്നാ സ്ഥാനത്ത് നിന്ന് രണ്ടാം സ്ഥാനത്തേക്ക് എത്തി. എല്‍ഡിഎഫ് സ്ഥാനാര്‍ഥി സെബാസ്റ്റ്യന്‍ കുളത്തിനാലിന്റെ ലീഡ് 7000 കടന്നു.

• 10:44 (IST) 02 May 2021
  കെഎം ഷാജി പിന്നില്‍

  അഴിക്കോട് സിറ്റിങ് എംഎല്‍എ കെഎം ഷാജി പിന്നില്‍. എല്‍ഡിഎഫിന്റെ കെവി സുമേഷ് മുന്നിലെത്തി. തപാല്‍ വോട്ടിലെ തര്‍ക്കത്തില്‍ വോട്ടെണ്ണല്‍ നിര്‍ത്തി വെച്ചിരുന്നു.

• 10:39 (IST) 02 May 2021
  നാല് റൗണ്ട് പൂര്‍ത്തിയായി

  സംസ്ഥാനത്ത് വോട്ടെണ്ണല്‍ നാല് റൗണ്ട് പൂര്‍ത്തിയായി. ഇടതുപക്ഷ ജനാധിപത്യ മുന്നണിക്ക് വ്യക്തമായ മുന്നേറ്റം. 91 സീറ്റുകളില്‍ ലീഡ് ചെയ്യുന്നു. യുഡിഎഫിന് 47 മണ്ഡലങ്ങളില്‍ ലീഡ്. പാലക്കാടും, നേമത്തും ബിജെപിക്ക് മുന്നേറ്റം.

• 10:37 (IST) 02 May 2021
  മുന്നണി മാറിയത് വിനയായോ

  പാലയില്‍ മുന്നിണി മാറ്റം നടത്തിയത് ജോസ് കെ മാണിക്ക് തിരിച്ചടിയായതായി സൂചന. മാണി സി കാപ്പന്റെ ലീഡ് 5,000 കടന്നു. ഇടത് ശക്തി മേഖലകളില്‍ പോലും കാപ്പന് പിന്തുണ. രാമപുരത്ത് മാത്രം ജോസിന് ലീഡ്.

  

• 10:28 (IST) 02 May 2021
  സീറ്റ് നില

  എല്‍ഡിഎഫ് - 92

  യുഡിഎഫ് - 46

  ബിജെപി - 2

  

• 10:25 (IST) 02 May 2021
  ഈ ശ്രീധരന്റെ ലീഡ് കുറയുന്നു

  പാലക്കാട് ബിജെപി സ്ഥാനാര്‍ഥി ഇ ശ്രീധരന്റെ ലീഡ് കുറയുന്നു. 3,500 കടന്ന ലീഡ് 2000ത്തിലേക്ക് താഴ്ന്നു.

  

• 10:22 (IST) 02 May 2021
  കൊച്ചിയില്‍ കെജി മാക്സി

  കൊച്ചിയില്‍ സിറ്റിങ് എംഎല്‍എ കെജെ മാക്സിക്ക് വന്‍ ലീഡ്. ലീഡ് 5,000 പിന്നിട്ടു. ടോണി ചെമ്മണിയാണ് യുഡിഎഫ് സ്ഥാനാര്‍ഥി.

• 10:20 (IST) 02 May 2021
  വികെ പ്രശാന്തിന് മുന്‍തൂക്കം

  വട്ടിയൂര്‍ക്കാവ് മണ്ഡലത്തില്‍ സിപിഎം സ്ഥാനാര്‍ഥി വി.കെ. പ്രശാന്ത് 3040 വോട്ടിനു മുന്നില്‍. രണ്ടാം റൗണ്ട് വോട്ടെണ്ണല്‍ പൂര്‍ത്തിയായി.

• 10:17 (IST) 02 May 2021
  തിരുവനന്തപുരത്ത് എല്‍ഡിഎഫ് തേരോട്ടം

  തിരുവനന്തപുരത്ത് 11 മണ്ഡലങ്ങളില്‍ എല്‍ഡിഎഫിന് ലീഡ്. അരുവിക്കര, കോവളം മണ്ഡലങ്ങളില്‍ മാത്രമാണ് യുഡിഎഫ് മുന്നിലുള്ളത്. നേമത്ത് കുമ്മനം രാജശേഖരന്‍ ലീഡ് നിലനിര്‍ത്തുന്നു.

• 10:12 (IST) 02 May 2021
  മാണി സി കാപ്പന് വന്‍ ലീഡ്

  പാലായില്‍ യുഡിഎഫ് സ്ഥാനാര്‍ഥി മാണി സി കാപ്പന്‍ ലീഡ് ഉയര്‍ത്തി. മൂന്നാം റൗണ്ടിലേക്ക് വോട്ടണ്ണെല്‍ കടക്കുകയാണ്.

  

• 10:05 (IST) 02 May 2021
  പിസി വിഷ്ണുനാഥ് മുന്നില്‍

  കുണ്ടറയില്‍ പിസി വിഷ്ണുനാഥിന് അപ്രതീക്ഷിത മുന്നേറ്റം. തുടക്കം മുതല്‍ ലീഡ് നിലനിര്‍ത്തി വിഷ്ണുനാഥ്.

• 10:01 (IST) 02 May 2021
  ബിജെപി മൂന്നിടത്ത് മുന്നില്‍

  നേമം, പാലക്കാട്, തൃശൂര്‍ മണ്ഡലങ്ങളില്‍ ബിജെപി ലീഡ് നിലനിര്‍ത്തുന്നു

• 09:59 (IST) 02 May 2021
  മെട്രോ മാന്‍ അതിവേഗം മുന്നോട്ട്

  പാലക്കാട് ഇ ശ്രീധരന്റെ ലീഡ് 3000 കടന്നു. ഷാഫി പറമ്പില്‍ രണ്ടാം സ്ഥാനത്ത്

• 09:49 (IST) 02 May 2021
  സുരേന്ദ്രന് തിരിച്ചടി

  ബിജെപി സംസ്ഥാന അധ്യക്ഷൻ കെ സുരേന്ദ്രൻ കോന്നിയിലും മഞ്ചേശ്വരത്തും പിന്നിലാണ്

• 09:48 (IST) 02 May 2021
  80 കടന്ന് ഇടതുമുന്നണി

  എല്‍ഡിഎഫ് - 89

  യുഡിഎഫ് - 48

  ബിജെപി - 3

• 09:46 (IST) 02 May 2021
  കണ്ണൂര്‍ ഇത്തവണയും ചുവക്കുന്നു

  എല്‍ഡിഎഫ് - 10

  യുഡിഎഫ് - 1

• 09:44 (IST) 02 May 2021
  തിരുവനന്തപുരത്ത് കാറ്റ് ഇടത്തേക്ക്

  എല്‍ഡിഎഫ് - 10

  യുഡിഎഫ് - 2

  ബിജെപി - 1

• 09:43 (IST) 02 May 2021
  രമ ബഹുദൂരം മുന്നില്‍

  വടകരയില്‍ കെകെ രമയുടെ ലീഡ് 2,000 കടന്നു

• 09:42 (IST) 02 May 2021
  പിജെ ജോസഫ് മുന്നില്‍

  തൊടുപുഴയില്‍ പിജെ ജോസഫിന്റെ ലീഡ് ഉയരുന്നു.

• 09:40 (IST) 02 May 2021
  പൂഞ്ഞാറില്‍ പിസി വീഴുമോ?

  പൂഞ്ഞാറില്‍ പിസി ജോര്‍ജ് മൂന്നാം സ്ഥാനത്ത്. എല്‍ഡിഎഫ് ലീഡ് 2,000 കടന്നു

• 09:37 (IST) 02 May 2021
  സുരേഷ് ഗോപിക്ക് ലീഡ്

  തൃശൂരില്‍ ബിജെപി സ്ഥാനാര്‍ഥി സുരേഷ് ഗോപിക്ക് ലീഡ്. പത്മജ വേണുഗോപാല്‍ രണ്ടാം സ്ഥാനത്ത്

• 09:36 (IST) 02 May 2021
  പത്തനംതിട്ടയില്‍ ഇടത് തരംഗം

  പത്തനംതിട്ടയില്‍ അഞ്ച് മണ്ഡലങ്ങളിലും എല്‍ഡിഎഫിന് ലീഡ്

• 09:33 (IST) 02 May 2021
  കാസര്‍കോഡ് സീറ്റ് നില

  യുഡിഎഫ് - 2

  എല്‍ഡിഎഫ് - 3

• 09:24 (IST) 02 May 2021
  തൃത്താലയില്‍ പോരാട്ടം കടുക്കുന്നു

  തൃത്താലയില്‍ ലീഡ് തിരിച്ചു പിടിച്ച് വിടി ബല്‍റാം

• 09:21 (IST) 02 May 2021
  വയനാട് സീറ്റ് നില

  യുഡിഎഫ് - 3

  എല്‍ഡിഎഫ് - 0

• 09:19 (IST) 02 May 2021
  തൃശൂര്‍ സീറ്റ് നില

  എല്‍ഡിഎഫ് - 9

  യുഡിഎഫ് - 2

• 09:19 (IST) 02 May 2021
  ആലപ്പുഴ സീറ്റ് നില

  എല്‍ഡിഎഫ് - 8

  യുഡിഎഫ് - 1

• 09:16 (IST) 02 May 2021
  എറണാകുളത്ത് യുഡിഎഫ് മുന്നേറ്റം

  ഏറണാകുളം ജില്ലയില്‍ യുഡിഎഫിന് ശക്തമായ മുന്നേറ്റം. 10 മണ്ഡലങ്ങളില്‍ ലീഡ് ചെയ്യുന്നു.

• 09:14 (IST) 02 May 2021
  കോഴിക്കോട് സൗത്തില്‍ എല്‍ഡിഎഫ്

  കോഴിക്കോട് സൗത്തില്‍ ബിജെപിക്ക് ലീഡ് നഷ്ടപ്പെട്ടു. എല്‍ഡിഎഫ് സാരഥി അഹമ്മദ് ദേവര്‍കോവില്‍ മുന്നില്‍

• 09:12 (IST) 02 May 2021
  പീരുമേട്ടില്‍ ഇടതിന് തിരിച്ചടി

  പീരുമേട്ടില്‍ ഇടതുപക്ഷം പിന്നില്‍. യുഡിഎഫ് സ്ഥാനാര്‍ഥി സിറിയക് തോമസ് മുന്നില്‍

• 09:11 (IST) 02 May 2021
  തൃത്താലയില്‍ എംബി രാജേഷിന് ലീഡ്

  തൃത്താലയില്‍ വിടി ബല്‍റാമിനെ പിന്നിലാക്കി എംബി രാജേഷ്

• 09:09 (IST) 02 May 2021
  കെ സുരേന്ദ്രന്‍ പിന്നില്‍

  കെ സുരേന്ദ്രന്‍ മഞ്ചേശ്വരത്തും കോന്നിയിലും പിന്നില്‍

• 09:08 (IST) 02 May 2021
  പാലയില്‍ ഒപ്പത്തിനൊപ്പം

  പാലയില്‍ ജോസ് കെ മാണിയെ പിന്നിലാക്കി മാണി സി കാപ്പന്‍

• 09:08 (IST) 02 May 2021
  ജനീഷിന്റെ ലീഡ് 1000 കടന്നു

  കോന്നിയില്‍ എല്‍ഡിഎഫ് സ്ഥാനാര്‍ഥി കെയു ജനീഷ് കുമാറിന്റെ ലീഡ് 1000 കടന്നു.

• 09:07 (IST) 02 May 2021
  വടകരയില്‍ രമയുടെ മുന്നേറ്റം

  വടകരയില്‍ യുഡിഎഫ് പിന്തുണയോടെ മത്സരിക്കുന്ന ആര്‍എംപി സ്ഥാനാര്‍ഥി കെകെ രമ ലീഡ് നിലനിര്‍ത്തി.

• 09:04 (IST) 02 May 2021
  ജലീല്‍ പിന്നില്‍

  തവനൂര്‍ ഫിറോസ് കുന്നംപറമ്പിലിന് ലീഡ്

• 09:01 (IST) 02 May 2021
  ബിജെപിയ്ക്ക് മൂന്ന് സീറ്റില്‍ ലീഡ്

  നേമം, പാലക്കാട്, കോഴിക്കോട് സൗത്ത് മണ്ഡലങ്ങളില്‍ ബിജെപിയ്ക്ക് ലീഡ്.

• 09:00 (IST) 02 May 2021
  ധര്‍മ്മടത്ത് പിണറായി വിജയന്‍ ലീഡ് ഉയര്‍ത്തി

  നേമം, പാലക്കാട്, കോഴിക്കോട് സൗത്ത് മണ്ഡലങ്ങളില്‍ ബിജെപിയ്ക്ക് ലീഡ്.

• 08:59 (IST) 02 May 2021
  ലീഡ് ഉയര്‍ത്തി പിണറായി

  ധര്‍മ്മടത്ത് പിണറായി വിജയന്‍ ലീഡ് ഉയര്‍ത്തി

• 08:55 (IST) 02 May 2021
  ആലപ്പുഴയില്‍ ഇടത് തരംഗം

  ആലപ്പുഴയില്‍ എട്ട് മണ്ഡലങ്ങളില്‍ എല്‍ഡിഎഫിന് ലീഡ്.

• 08:53 (IST) 02 May 2021
  സിറ്റ് നില

  എല്‍ഡിഎഫ് - 79

  യുഡിഎഫ് - 59

  ബിജെപി - 2

• 08:53 (IST) 02 May 2021
  പാലക്കാട് ബിജെപി മുന്നില്‍

  പാലക്കാട് ഇ ശ്രീധരന് ലീഡ്. ഷാഫി പറമ്പില്‍ പിന്നില്‍

• 08:51 (IST) 02 May 2021
  പാലയില്‍ ജോസിന് ലീഡ്

  പാലയില്‍ ലീഡ് നിലനിര്‍ത്തി എല്‍ഡിഎഫ് സ്ഥാനാര്‍ഥി ജോസ് കെ മാണി

• 08:46 (IST) 02 May 2021
  പത്തനംതിട്ടയിലും എല്‍ഡിഎഫ്

  കോന്നിയിലും ആറന്മുളയിലും എല്‍ഡിഎഫ് മുന്നില്‍

• 08:42 (IST) 02 May 2021
  70 കടന്ന് എല്‍ഡിഎഫ്

  എല്‍ഡിഎഫ് കേവല ഭൂരിപക്ഷം കടന്നു. 73 സീറ്റില്‍ ലീഡ് ചെയ്യുന്നു. യു‍ഡിഎഫിന് 54 മണ്ഡലങ്ങളില്‍ ലീഡ്.

• 08:41 (IST) 02 May 2021
  കുണ്ടറയില്‍ മേഴ്സിക്കുട്ടിയമ്മ പിന്നില്‍

  കുണ്ടറയില്‍ മന്ത്രി മേഴ്സിക്കുട്ടിയമ്മ പിന്നില്‍. പിസി വിഷ്ണുനാഥിന് ലീഡ്

• 08:37 (IST) 02 May 2021
  തവനൂരില്‍ ജലീല്‍ പിന്നില്‍

  തവനൂരില്‍ എല്‍ഡിഎഫ് സ്ഥാനാര്‍ഥി കെടി ജലീല്‍ പിന്നില്‍. ഫിറോസ് കുന്നുംപറമ്പിലിന് ലീഡ്

• 08:36 (IST) 02 May 2021
  രമേശ് ചെന്നിത്തല മുന്നില്‍

  ഹരിപ്പാട് പ്രതിപക്ഷ നേതാവ് രമേശ് ചെന്നിത്തല ലീഡ് ചെയ്യുന്നു

• 08:34 (IST) 02 May 2021
  കുന്നത്തുനാട്ടില്‍ യുഡിഎഫ് മുന്നില്‍

  ട്വന്റി 20 ശക്തമായ പോരാട്ടം കാഴ്ച വെക്കുന്ന കുന്നത്തുനാട്ടില്‍ സിറ്റിങ് എംഎല്‍എ വിപി സജീന്ദ്രന് ലീഡ്

• 08:33 (IST) 02 May 2021
  50 കടന്ന് എല്‍ഡിഎഫ്

  പോസ്റ്റല്‍ വോട്ടുകള്‍ പുരോഗമിക്കുമ്പോള്‍ 58 സീറ്റില്‍ എല്‍ഡിഎഫിന് ലീഡ്. 40 മണ്ഡലങ്ങളിലാണ് യുഡിഎഫ് മുന്നില്‍.

• 08:31 (IST) 02 May 2021
  കൊല്ലത്ത് മുകേഷിന് ലീഡ്

  കൊല്ലത്ത് ബിന്ദു കൃഷ്ണയെ പിന്തള്ളി എല്‍ഡിഎഫ് സ്ഥാനാര്‍ഥി മുകേഷ്

• 08:29 (IST) 02 May 2021
  വടകരയില്‍ കെകെ രമ മുന്നില്‍

  വോട്ടിങ് യന്ത്രത്തിലെ വോട്ടുകള്‍ എണ്ണി തുടങ്ങി. കെകെ രമയ്ക്ക് ലീഡ്

• 08:28 (IST) 02 May 2021
  കുമ്മനത്തിന്റെ ലീഡ് 100 ലേക്ക്

  നേമത്ത് കുമ്മനം രാജശേഖരന്റെ ലീഡ് 98 ആയി ഉയര്‍ന്നു

• 08:27 (IST) 02 May 2021
  നിലമ്പൂരില്‍ അന്‍വര്‍

  നിലമ്പൂരില്‍ പിവി അന്‍വറിന് ലീഡ്

• 08:26 (IST) 02 May 2021
  സീറ്റ് നില

  എല്‍ഡിഎഫ് - 42

  യുഡിഎഫ് - 28

  ബിജെപി - 1

• 08:24 (IST) 02 May 2021
  37 മണ്ഡലത്തില്‍ എല്‍ഡിഎഫ്

  പോസ്റ്റല്‍ വോട്ടുകള്‍ എണ്ണുമ്പോള്‍ ഇടതുപക്ഷ ജനാധിപത്യ മുന്നണിക്ക് ലീഡ്. 37 മണ്ഡലങ്ങളില്‍ മുന്നില്‍

• 08:22 (IST) 02 May 2021
  കുമ്മനത്തിന് വീണ്ടും ലീഡ്

  നേമത്ത് വീണ്ടും ബിജെപി മുന്നില്‍. വി ശിവന്‍കുട്ടിയെ പിന്തള്ളി കുമ്മനം രാജശേഖരന്‍

• 08:21 (IST) 02 May 2021
  തപാല്‍ വോട്ടില്‍ ഇടതിന് മേല്‍ക്കൈ

  എല്‍ഡിഎഫ് - 31

  യുഡിഎഫ് - 21

  എന്‍ഡിഎ - 1

• 08:20 (IST) 02 May 2021
  നേമത്ത് മാറിമറിഞ്ഞ് ലീഡ്

  ത്രികോണ മത്സരം നടക്കുന്ന നേമത്ത് കുമ്മനം രാജശേഖരനെ പിന്തള്ളി വി ശിവന്‍കുട്ടി

• 08:16 (IST) 02 May 2021
  പിണറായി വിജയന്‍ മുന്നില്‍

  ധര്‍മ്മടത്ത് മുഖ്യമന്ത്രി പിണറായി വിജയന് ലീഡ്

• 08:15 (IST) 02 May 2021
  മേയര്‍ ബ്രോയ്ക്ക് ലീഡ്

  വട്ടിയൂര്‍ക്കാവില്‍ വികെ പ്രശാന്തിന് ലീഡ്

• 08:14 (IST) 02 May 2021
  പാലയില്‍ ജോസിന് മുന്‍തൂക്കം

  പാലായില്‍ എല്‍ഡിഎഫ് സ്ഥാനാര്‍ഥി ജോസ് കെ മാണിക്ക് ലീഡ്

• 08:13 (IST) 02 May 2021
  മഞ്ചേശ്വരത്ത് യുഡിഎഫ്

  മഞ്ചേശ്വരത്ത് യുഡിഎഫ് സ്ഥാനാര്‍ഥി എകെഎം അഷ്റഫിന് ലീഡ്

• 08:11 (IST) 02 May 2021
  വൈക്കത്ത് എല്‍ഡിഎഫ് മുന്നില്‍

  വൈക്കത്ത് സിപിഐ സ്ഥാനാര്‍ഥി സികെ ആശ മുന്നില്‍

• 08:02 (IST) 02 May 2021
  വോട്ടെണ്ണല്‍ തുടങ്ങി

  വോട്ടെണ്ണൽ തുടങ്ങി.ആദ്യം എണ്ണുന്നത് പോസ്റ്റൽ വോട്ടുകൾ. എട്ടരയോടെ ഇലക്ട്രോണിക് വോട്ടിങ് യന്ത്രങ്ങളിലെ വോട്ടുകളും എണ്ണിത്തുടങ്ങും. ഒമ്പതരയോടെ ആദ്യ റൗണ്ട് പൂർത്തിയാകുമെന്നാണു പ്രതീക്ഷ. ആദ്യ റൗണ്ട് പൂർത്തിയായ ശേഷമായിരിക്കും ആ റൗണ്ടിലെ ലീഡ് നില പുറത്തുവരുന്നത്.

• 08:01 (IST) 02 May 2021
  വോട്ടെണ്ണല്‍ തുടങ്ങി

  വോട്ടെണ്ണൽ തുടങ്ങി.ആദ്യം എണ്ണുന്നത് പോസ്റ്റൽ വോട്ടുകൾ. എട്ടരയോടെ ഇലക്ട്രോണിക് വോട്ടിങ് യന്ത്രങ്ങളിലെ വോട്ടുകളും എണ്ണിത്തുടങ്ങും. ഒമ്പതരയോടെ ആദ്യ റൗണ്ട് പൂർത്തിയാകുമെന്നാണു പ്രതീക്ഷ. ആദ്യ റൗണ്ട് പൂർത്തിയായ ശേഷമായിരിക്കും ആ റൗണ്ടിലെ ലീഡ് നില പുറത്തുവരുന്നത്.

• 07:49 (IST) 02 May 2021
  ശുഭ പ്രതീക്ഷയുണ്ടെന്ന് എസ്എസ് ലാല്‍

  ശുഭ പ്രതീക്ഷയുണ്ടെന്ന് കഴക്കൂട്ടത്തെ യുഡിഎഫ് സ്ഥാനാര്‍ഥി ഡോ. എസ്എസ് ലാല്‍. വിജയസാധ്യതയുള്ളതിനാലാണ് കഴക്കൂട്ട തിരഞ്ഞെടുത്തതെന്നും ലാല്‍ കൂട്ടിച്ചേര്‍ത്തു.

• 07:47 (IST) 02 May 2021
  അഴിക്കോട് ഇഞ്ചോടിഞ്ച്

  കണ്ണൂര്‍ അഴിക്കോട് യുഡിഎഫ് സ്ഥാനാര്‍ഥി കെഎം ഷാജിയും എല്‍ഡിഎഫിന്റെ കെവി സുമേഷും തമ്മില്‍ ശക്തമായ പോരാട്ടം. സിറ്റിങ് എംഎല്‍എയാണ് കെഎം ഷാജി.

• 07:45 (IST) 02 May 2021
  കേരളം ഭരണത്തുടർച്ചയുടെ ചരിത്രവഴികൾ

  കേരളത്തിൽ ഏതാനും വർഷങ്ങൾക്ക് ശേഷം കഴിഞ്ഞ നാലഞ്ച് മാസത്തിനുള്ളിൽ വീണ്ടും കേട്ടുതുടങ്ങിയ പ്രയോഗമാണ് ഭരണത്തുടർച്ച. ഇന്നത്തെ നിലയിലുള്ള എൽഡിഎഫ്, യുഡിഎഫ് എന്ന നിലയിൽ മുന്നണി സമവാക്യങ്ങൾ ഏതാണ്ട് രൂപ്പപ്പെട്ട 1980കളുടെ തുടക്കത്തിലാണ്. അത് മുതൽ ഇങ്ങോട്ട് കഴിഞ്ഞ നാല് ദശകത്തെ ചരിത്രമെടുത്താൽ ഇതാദ്യമായി കേൾക്കുന്ന വാക്കല്ല. 1986-87 ൽ കേട്ടു. പിന്നെ 1990-91ൽ കേട്ടു. 2010-11ലും 2015-16ലും കേട്ടു. ഇതിൽ 2011ൽ മാത്രമാണ് നേരിയ വ്യത്യാസത്തിൽ തുടർഭരണം നഷ്ടപ്പെട്ടത്ത്. അങ്ങനെയൊരു നേട്ടം അന്നത്തെ വിഎസ് മുഖ്യമന്ത്രിയായിരുന്ന എൽഡിഎഫ് സർക്കാരിനായിരുന്നു. അന്ന് കഷ്ടിച്ച് കേവല ഭൂരിപക്ഷത്തിലാണ് യുഡിഎഫ് സർക്കാർ അധികാരത്തിലെത്തിയത്.

  https://malayalam.indianexpress.com/election/kerala-assembly-election-results-2021-ldf-udf-bjp-government-second-consecutive-term-491262/

• 07:43 (IST) 02 May 2021
  ജനം യുഡിഎിനൊപ്പമെന്ന് സിദ്ദിഖ്

  എക്സിറ്റ് പോളുകളില്‍ വിശ്വാസമില്ല, ജനം യുഡിഎഫിനൊപ്പമെന്ന് കല്‍പ്പറ്റയിലെ യുഡിഎഫ് സ്ഥാനാര്‍ഥി ടി സിദ്ദിഖ്

• 07:34 (IST) 02 May 2021
  ആത്മവിശ്വസം പ്രകടിപ്പിച്ച് ഷാഫി പറമ്പില്‍

  പാലക്കാട്ടെ ജനങ്ങളില്‍ പൂര്‍ണ വിശ്വാസം ഉണ്ടെന്ന് യുഡിഎഫ് സ്ഥാനാര്‍ഥി ഷാഫി പറമ്പില്‍.

• 07:32 (IST) 02 May 2021
  മലപ്പുറം ആര്‍ക്കൊപ്പം, സമദാനിയോ സാനുവോ?

  സംസ്ഥാന ഭരണം ഇനിയാര്‍ക്കെന്ന ചോദ്യത്തിനൊപ്പം മലപ്പുറം ലോക്‌സഭാ മണ്ഡലം ആരെ തുണയ്ക്കുമെന്ന ചോദ്യത്തിനും ഏതാനും മണിക്കൂറുകള്‍ക്കകം ഉത്തരമാവും. എംപി അബ്ദുസമദ് സമദാനി (മുസ്ലിംലീഗ്), വിപി സാനു (സിപിഎം) എന്നിവര്‍ തമ്മിലാണു പ്രധാന മത്സരം. ദേശീയ വൈസ് പ്രസിഡന്റ് എപി അബ്ദുള്ളക്കുട്ടിയിലൂടെ ബിജെപി പുതിയൊരു രാഷ്ട്രീയ പരീക്ഷണത്തിനും മലപ്പുറത്തു തുനിഞ്ഞിരിക്കുകയാണ്.

  https://malayalam.indianexpress.com/election/malappurm-lok-sabha-constituency-by-election-2021-mp-abdussamad-samadani-vp-sanu-ap-abdullakutty-490838/

• 07:29 (IST) 02 May 2021
  മികച്ച വിജയം ഉണ്ടാകും

  തിരഞ്ഞെടുപ്പില്‍ എല്‍ഡിഎഫ് മികച്ച വിജയം നേടുമെന്ന് സിപിഎം ആക്ടിങ് സെക്രട്ടറി എ വിജയരാഘവന്‍. രാഷ്ടീയമായി യുഡിഎഫ് ദുര്‍ബലപ്പെട്ടെന്നും വിജയരാഘവന്‍.

• 07:29 (IST) 02 May 2021
  മികച്ച വിജയം ഉണ്ടാകും

  തിരഞ്ഞെടുപ്പില്‍ എല്‍ഡിഎഫ് മികച്ച വിജയം നേടുമെന്ന് സിപിഎം ആക്ടിങ് സെക്രട്ടറി എ വിജയരാഘവന്‍. രാഷ്ടീയമായി യുഡിഎഫ് ദുര്‍ബലപ്പെട്ടെന്നും വിജയരാഘവന്‍.

• 07:24 (IST) 02 May 2021
  2016 നിയമസഭ തിരഞ്ഞെടുപ്പ് സീറ്റ് നില

  എല്‍ഡിഎഫ് - 91

  യുഡിഎഫ് - 47

  ബിജെപി - 1

• 07:19 (IST) 02 May 2021
  നേമം നിലനിര്‍ത്തുമോ ബിജെപി

  കേരളത്തില്‍ ഏറ്റവും ശക്തമായ പോരാട്ടം നടക്കുന്ന മണ്ഡലമാണ് നേമം. ബിജെപിക്ക് നിയമസഭയിലേക്ക് ടിക്കറ്റ് നല്‍കിയ മണ്ഡലം. ഇത്തവണ മൂന്ന് മുന്നണികളും ശക്തരായ സ്ഥാനാര്‍ഥികളെയാണ് രംഗത്തിറക്കിയിരിക്കുന്നത്. വി ശിവന്‍കുട്ടി (എല്‍ഡിഎഫ്), കുമ്മനം രാജശേഖരന്‍ (ബിജെപി), കെ മുരളിധരന്‍ (യുഡിഎഫ്).

• 07:08 (IST) 02 May 2021
  വോട്ടെണ്ണല്‍ നടപടികള്‍ ഉടന്‍ ആരംഭിക്കും

  എട്ടുമണിയോടെ തപാല്‍ വോട്ടുകള്‍ എണ്ണിത്തുടങ്ങും. എല്ലാ മണ്ഡലങ്ങളിലും തന്നെ അയ്യായിരത്തോളം തപാല്‍ വോട്ടുകളാണ് ഉള്ളത്.

  

• 07:05 (IST) 02 May 2021
  സ്ട്രോങ് റൂമുകള്‍ തുറന്നു

  ആദ്യ റൗണ്ട് വോട്ടെണ്ണല്‍ എട്ട് മണിക്ക് ആരംഭിക്കും. യന്ത്രങ്ങള്‍ ഉടന്‍ സജ്ജീകരിക്കും.

  

• 07:04 (IST) 02 May 2021
  ജനം തുടര്‍ഭരണം ആഗ്രഹിക്കുന്നു

  ജനം തുടര്‍ഭരണം ആഗ്രഹിക്കുന്നു എന്ന് മന്ത്രി കടകംപള്ളി സുരേന്ദ്രന്‍. തുടര്‍ഭരണത്തിന് കഴക്കൂട്ടവും ഒപ്പം നില്‍ക്കുമെന്ന ആത്മവിശ്വാസവും അദ്ദേഹം പങ്കുവെച്ചു.

• 07:03 (IST) 02 May 2021
  കരുത്ത് തെളിയിക്കാന്‍ കേരള കോണ്‍ഗ്രസ്

  മധ്യ കേരളത്തില്‍ ഇരു മുന്നണികള്‍ക്കും നിര്‍ണായകമാകുക കേരള കോണ്‍ഗ്രസ് വിഭാഗങ്ങള്‍. 11 സീറ്റിലാണ് കേരള കോണ്‍ഗ്രസ് (എം) മധ്യ കേരളത്തില്‍ മത്സരിക്കുന്നത്. ജോസഫ് വിഭാഗം ഒന്‍പത് സീറ്റുകളിലും മത്സരിക്കുന്നുണ്ട്.

• 07:02 (IST) 02 May 2021
  ആദ്യ ഫല സൂചന എട്ടരയോടെ

  വോട്ടെണ്ണല്‍ എട്ടു മണിക്ക് ആരംഭിക്കും. അരമണിക്കൂറിനുള്ളില്‍ ആദ്യ ഫലസൂചനകള്‍ ലഭ്യമാവും. കോവിഡ് പ്രോട്ടോകോളുകള്‍ പാലിച്ചാണ് വോട്ടെണ്ണല്‍. തപാല്‍ ബാലറ്റുകള്‍ രാവിലെ എട്ടു മുതലും ഇ.വി.എമ്മുകള്‍ 8.30 മുതലും എണ്ണിത്തുടങ്ങും. 7.59 വരെ ലഭിക്കുന്ന തപാല്‍ ബാലറ്റുകള്‍ സ്വീകരിക്കും.

• 06:56 (IST) 02 May 2021
  ആദ്യം എണ്ണുക തപാല്‍ വോട്ടുകള്‍

  കേരള തിരഞ്ഞെടുപ്പിന്റെ ചരിത്രത്തിലാദ്യമായി തപാല്‍ വോട്ടുകള്‍ നിര്‍ണായകമാകും. 4.54 ലക്ഷം തപാല്‍ വോട്ടുകളാണ് എണ്ണാനുള്ളത്. ഇത് തിരഞ്ഞെടുപ്പ് ഫലം വൈകാന്‍ കാരണമാകുമെന്ന് മുഖ്യ തിരഞ്ഞെടുപ്പ് ഓഫിസര്‍ ടിക്കാറാം മീണ പറഞ്ഞിരുന്നു.

• 06:52 (IST) 02 May 2021
  വോട്ടെണ്ണല്‍; അറിയേണ്ടതെല്ലാം

  വോട്ടെടുപ്പിന് വേണ്ടിയെടുക്കുന്ന തയ്യാറെടുപ്പുകൾ പോലെ തന്നെ വളരെയധികം തയ്യാറെടുപ്പുകളോടെയാണ് വോട്ടണ്ണെൽ നടത്തുന്നതും. വോട്ടെണ്ണൽ കേന്ദ്രങ്ങളിലേക്ക് ഉദ്യോഗസ്ഥരും പ്രതിനിധികളും എത്തുന്നത് മുതൽ വോട്ടെണ്ണൽ അവസാനിപ്പിച്ച് വിജയിയെ പ്രഖ്യാപിച്ച ശേഷം യന്ത്രങ്ങളും തപാൽ ബാലറ്റും ആസബെന്റീ വോട്ടുകളും സർവീസ് വോട്ടുമൊക്കെ തിരികെ ശേഖരിച്ച് സ്ര്ടോങ് റൂമിൽ ഒന്നര മാസം സൂക്ഷിക്കും. തിരഞ്ഞെടുപ്പ് കേസുകൾ ഈ കാലയളവിൽ വന്നില്ലെങ്കിൽ തിരഞ്ഞെടുപ്പ് കമ്മീഷന്റെ നിർദ്ദേശപ്രകാരം തുടർ നടപടികൾ സ്വീകരിക്കും.

  Read Here: Kerala Assembly Election Results 2021: All You Need To Know About Poll Results: വോട്ടെണ്ണൽ നടപടികൾ

• 06:52 (IST) 02 May 2021
  തികഞ്ഞ വിജയ പ്രതീക്ഷ

  പാലയില്‍ 100 ശതമാനവും വിജയിക്കുമെന്ന് എല്‍ഡിഎഫ് സ്ഥാനാര്‍ഥി ജോസ് കെ മാണി

• 06:43 (IST) 02 May 2021
  കേരളത്തിനൊപ്പം വിധിയെഴുതുന്നവര്‍

  കേരളത്തിനൊപ്പം തമിഴ്‌നാട്, പുതുച്ചേരി, അസം, പശ്ചിമബംഗാള്‍ നിയമസഭകളിലേക്കുള്ള ജനവിധിയുടെ ഫലവും ഇന്ന് അറിയാം. തമിഴ്‌നാട്ടില്‍ ഡിഎംകെ സംഖ്യം അധികാരത്തില്‍ തിരിച്ചെത്തുമെന്നും പുതുച്ചേരി ഓള്‍ ഇന്ത്യ എന്‍ആര്‍ കോണ്‍ഗ്രസ്-ബിജെപി സഖ്യം പിടിച്ചെടുക്കുമെന്നും അസം ബിജെപിയും ബംഗാളില്‍ തൃണമൂല്‍ കോണ്‍ഗ്രസ് നിലനിര്‍ത്തുമെന്നുമാണ് വിവിധ എക്‌സിറ്റ് പോള്‍ ഫലങ്ങള്‍ പറയുന്നത്.

  തത്സമയ വാര്‍ത്തകള്‍: West Bengal, Assam, Kerala, Tamil Nadu, Puthuchery Election Results 2021 Live Updates: തിരിച്ചു പിടിക്കുമോ മമത? തിരിച്ചു വരുമോ ഡിഎംകെ? അഞ്ചിടങ്ങളില്‍ ഇന്ന് വിധിയെഴുത്ത്

• 06:37 (IST) 02 May 2021
  തിരഞ്ഞെടുപ്പ് ഫലമറിയാൻ

  നാല് സംസ്ഥാനങ്ങളിലേക്കും കേന്ദ്രഭരണ പ്രദേശങ്ങളിലേക്കുമുള്ള വോട്ടെണ്ണൽ ഞായറാഴ്ച (മെയ് 2) പുലർച്ചെ ആരംഭിച്ച്, ഫലം അതേ ദിവസം തന്നെ പ്രഖ്യാപിക്കും. ഇലക്ഷൻ കമ്മീഷന്റെ വെബ്‌സൈറ്റുകളിൽ - eciresults.nic.in, eci.gov.in- തത്സമയ ഫലങ്ങൾ അറിയാന്‍ കഴിയും.

  കമ്മീഷന്റെ 'വോട്ടർ ഹെൽപ്‌ലൈൻ ആപ്പി'ലൂടെയും ഫലം അറിയാം. ആപ്പ് ഗൂഗിൾ പ്ലേ സ്‌റ്റോറിൽ നിന്ന് ഡൗൺലോഡ് ചെയ്യാം. ഇതിനു പുറമേ, മാധ്യമങ്ങൾക്ക് ജില്ലാ കേന്ദ്രങ്ങളിലും വോട്ടെണ്ണൽ കേന്ദ്രങ്ങളിലും സജ്ജീകരിച്ച മീഡിയ സെൻററുകളിൽ 'ട്രെൻറ് ടിവി' വഴിയും വോട്ടെണ്ണൽ പുരോഗതിയും ഫലവും അറിയാം.

• 06:25 (IST) 02 May 2021
  114 കേന്ദ്രങ്ങളില്‍ വോട്ടെണ്ണല്‍

  സംസ്ഥാനത്ത് ഇത്തവണ 114 കേന്ദ്രങ്ങളിലായി 633 കൗണ്ടിങ് ഹാളുകളാണ് സജ്ജമാക്കിയിരിക്കുന്നത്. 527 ഹാളുകളില്‍ ഇലക്ട്രോണിക് വോട്ടിങ് മെഷീനുകളിലെ വോട്ടുകളും 106 എണ്ണത്തില്‍ തപാല്‍ ബാലറ്റുകളും എണ്ണും. കഴിഞ്ഞ തവണ 140 ആയിരുന്നു വോട്ടെണ്ണല്‍ ഹാളുകളുടെ എണ്ണം. കോവിഡ് സാഹചര്യത്തില്‍ പോളിങ് ബൂത്തുകള്‍ 89 ശതമാനം വര്‍ധിപ്പിച്ചതിനാല്‍ ഇ.വി.എമ്മുകളിലും വര്‍ധനവുണ്ട്.

  

• 06:19 (IST) 02 May 2021
  ആദ്യ ഫല സൂചന എട്ടരയോടെ

  വോട്ടെണ്ണല്‍ എട്ടു മണിക്ക് ആരംഭിക്കും. അരമണിക്കൂറിനുള്ളില്‍ ആദ്യ ഫലസൂചനകള്‍ ലഭ്യമാവും. കോവിഡ് പ്രോട്ടോകോളുകള്‍ പാലിച്ചാണ് വോട്ടെണ്ണല്‍. തപാല്‍ ബാലറ്റുകള്‍ രാവിലെ എട്ടു മുതലും ഇ.വി.എമ്മുകള്‍ 8.30 മുതലും എണ്ണിത്തുടങ്ങും. 7.59 വരെ ലഭിക്കുന്ന തപാല്‍ ബാലറ്റുകള്‍ സ്വീകരിക്കും.