സ്‌ട്രേ വേക്കൻസി അലോട്ട്‌മെന്റ് പ്രസിദ്ധീകരിച്ചു

2024 ലെ ആയൂർവേദ/ഹോമിയോ/സിദ്ധ/യുനാനി/മെഡിക്കൽ അനുബന്ധ കോഴ്‌സുകളിലേയ്ക്കുള്ള സ്‌ട്രേ വേക്കൻസി അലോട്ട്‌മെന്റ് പ്രവേശന പരീക്ഷാ കമ്മീഷണറുടെ www.cee.Kerala.gov.in എന്ന വെബ്‌സൈറ്റിൽ പ്രസിദ്ധീകരിച്ചു.

അലോട്ട്‌മെന്റ് സംബന്ധിച്ച വിവരങ്ങൾ വിദ്യാർത്ഥികൾക്കുള്ള ഹോം പേജിൽ ലഭ്യമാണ്. അലോട്ട്‌മെന്റ് ലഭിച്ച വിദ്യാർത്ഥികൾക്ക് ഹോം പേജിൽ നിന്ന് അലോട്ട്‌മെന്റ് മെമ്മോ  പ്രിന്റ് എടുക്കാവുന്നതാണ്.   വിദ്യാർത്ഥിയുടെ പേര്, റോൾ നമ്പർ, അലോട്ട്‌മെന്റ് ലഭിച്ച കോഴ്‌സ്, കോളേജ്, അലോട്ട്‌മെന്റ് ലഭിച്ച കാറ്റഗറി, ഫീസ് സംബന്ധമായ വിവരങ്ങൾ എന്നിവ വിദ്യാർത്ഥിയുടെ അലോട്ട്‌മെന്റ് മെമ്മോയിൽ രേഖപ്പെടുത്തിയിട്ടുണ്ട്.

സ്‌ട്രേ വേക്കൻസി അലോട്ട്‌മെന്റ് പ്രകാരം അലോട്ട്‌മെന്റ് ലഭിച്ച വിദ്യാർത്ഥികൾ അലോട്ട്‌മെന്റ് മെമ്മോയിൽ രേഖപ്പെടുത്തിയിട്ടുള്ള ഫീസ് അടച്ചതിനുശേഷം അലോട്ട്‌മെന്റ് ലഭിച്ച കോഴ്‌സ്/കോളേജിൽ നവംബർ 12 വൈകുന്നേരം 4 മണിക്ക് മുമ്പ്  പ്രോസ്‌പെക്ടസ് ക്ലോസ് 11.7.1 പ്രകാരമുള്ള രേഖകളുമായി ഹാജരാകണം. നിശ്ചിത സമയത്തിനുള്ളിൽ കോളേജുകളിൽ ഹാജരായി പ്രവേശനം നേടാത്ത വിദ്യാർത്ഥികളുടെ അലോട്ട്‌മെന്റ് റദ്ദാകുന്നതാണ്. വിശദവിവരങ്ങൾക്ക് പ്രവേശന പരീക്ഷാ കമ്മീഷണറുടെ www.cee.kerala.gov.in വെബ്‌സൈറ്റ് കാണുക.   ഹെൽപ് ലൈൻ നമ്പർ : 0471 2525300.

പ്രൊഫൈൽ പരിശോധിക്കുന്നതിനും തിരുത്തുന്നതിനുമുള്ള അവസരം

2024-25  അധ്യയന വർഷത്തെ പി.ജി. ആയുർവേദ കോഴ്സുകളിലെ സ്ട്രേ  വേക്കൻസി പ്രവേശനത്തിനായി അപേക്ഷ നൽകിയ വിദ്യാർത്ഥികൾക്ക് അവരുടെ പ്രൊഫൈലിലെ വിവരങ്ങൾ പരിശോധിക്കുന്നതിനും, ന്യൂനതകൾ തിരുത്തുന്നതിനുമുള്ള അവസരം നവംബർ 12 ഉച്ചയ്ക്ക് 12 മണി വരെ ലഭ്യമാകും. അപേക്ഷയിൽ ന്യൂനതയുള്ള വിദ്യാർത്ഥികൾക്ക് ആവശ്യമായ സർട്ടിഫിക്കറ്റുകൾ/രേഖകൾ എന്നിവ പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിലൂടെ അപ്‌ലോഡ്‌ ചെയ്യാം.  വിശദമായ വിജ്ഞാപനം പ്രവേശന പരീക്ഷാ കമ്മീഷണറുടെ www.cee.kerala.gov.in വെബ്സൈറ്റിൽ ലഭ്യമാണ്. ഹെൽപ് ലൈൻ നമ്പർ : 0471 2525300.

ഡിപ്ലോമ കോഴ്സുകളിലേയ്കുള്ള പ്രവേശനം

2024-25 അധ്യയന വർഷത്തെ ഡി.എൻ.ബി.പോസ്റ്റ് എം.ബി.ബി.എസ്. ഡി.എൻ. ബി.പോസ്റ്റ് ഡിപ്ലോമ, പ്രവേശനത്തിന് പ്രവേശന പരീക്ഷാ കമ്മീഷണർ ഓൺലൈൻ അപേക്ഷകൾ ക്ഷണിച്ചു. ഡി.എൻ.ബി.പോസ്റ്റ് എം.ബി.ബി.എസ്./ഡി.എൻ.ബി.പോസ്റ്റ് ഡിപ്ലോമ സീറ്റുകളിലേയ്ക്കുള്ള ഓപ്ഷൻ രജിസ്റ്റർ ചെയ്യുവാനുള്ള സൗകര്യവും വെബ്സൈറ്റിൽ ലഭ്യമാക്കിയിട്ടുണ്ട്.

ഡി.എൻ.ബി.പോസ്റ്റ് എം. ബി.ബി.എസ്. സീറ്റുകളിലേയ്ക്കുള്ള പ്രവേശനത്തിന് അപേക്ഷ  സമർപ്പിക്കുന്നവർ നാഷണൽ ബോർഡ് ഓഫ് എക്സാമിനേഷൻ നടത്തിയിട്ടുള്ള നീറ്റ് പി.ജി. 2024 പ്രവേശന പരീക്ഷ എഴുതി റാങ്ക് ലിസ്റ്റിൽ ഉൾപ്പെട്ടിട്ടുള്ളവരായിരിക്കണം. കൂടാതെ ഡി.എൻ. ബി.പോസ്റ്റ് എം.ബി.ബി.എസ്. 2024-25 സർക്കാർ അംഗീകൃത ഇൻഫർമേഷൻ ബുള്ളറ്റിനിൽ പ്രതിപാദിക്കുന്ന വിദ്യാഭ്യാസ യോഗ്യതയും/മറ്റ് യോഗ്യതകളും, നിബന്ധനകളും ബാധകമായിരിക്കും.

ഡി.എൻ. ബി.പോസ്റ്റ് ഡിപ്ലോമ സീറ്റുകളിലേയ്ക്കുള്ള പ്രവേശനത്തിന് അപേക്ഷാർത്ഥികൾ പോസ്റ്റ് ഗ്രാജുവേറ്റഡ് ഡിപ്ലോമയോടൊപ്പം നാഷണൽ ബോർഡ് ഓഫ് എക്സാമിനേഷൻ നടത്തിയിട്ടുള്ള DNB PDCET-2024ൽ യോഗ്യതയും നേടിയിരിക്കണം. കൂടാതെ ഡി.എൻ.ബി.പോസ്റ്റ് ഡിപ്ലോമ പ്രവേശനം സംബന്ധിച്ച 2024-25 സർക്കാർ അംഗീകൃത ഇൻഫർമേഷൻ ബുള്ളറ്റിനിൽ പ്രതിപാദിക്കുന്ന വിദ്യാഭ്യാസ യോഗ്യതയും/മറ്റ് യോഗ്യതകളും, നിബന്ധനകളും ബാധകമായിരിക്കും. നവംബർ 12 ന് ഉച്ചക്ക് 12 മണി വരെ അപേക്ഷ സമർപ്പിക്കാനും ഓപ്ഷൻ രജിസ്റ്റർ ചെയ്യാനും സാധിക്കും. സർട്ടിഫിക്കറ്റുകൾ നവംബർ 13 വരെ അപ്‌ലോഡ്‌ ചെയ്യാവുന്നതാണ്. വിശദവിവരങ്ങൾക്ക്: www.cee.kerala.gov.in, ഫോൺ : 0471 2525300.

Read More

• യുജിസി നെറ്റ് പരീക്ഷയിൽ ഇനി ആയുർവേദ ബയോളജിയും
• ചേലക്കര, വയനാട് ഉപതിരഞ്ഞെടുപ്പ്; പരീക്ഷകൾ മാറ്റിവച്ചു
• സ്കോളർഷിപ്പ് അപേക്ഷകൾക്കുള്ള തീയതി നീട്ടി
• സ്കോളർഷിപ്പ് പരീക്ഷ മാറ്റിവച്ചു