സംസ്കൃത സർവ്വകലാശാല പരീക്ഷകൾ നവംബർ നാലിന് തുടങ്ങും

ഒക്ടോബർ 21ന് ആരംഭിക്കുവാൻ നിശ്ചയിച്ചിരുന്ന ശ്രീശങ്കരാചാര്യ സംസ്കൃത സർവ്വകലാശാലയുടെ സെമസ്റ്റർ പരീക്ഷകൾ നവംബർ നാലിന് ആരംഭിക്കുമെന്ന് സർവ്വകലാശാല അറിയിച്ചു. പുതുക്കിയ ടൈംടേബിൾ പിന്നീട് പ്രസിദ്ധീകരിക്കും.

സ്പോട്ട് അഡ്മിഷൻ

തിരുവനന്തപുരം കോളജ് ഓഫ് എൻജിനീയറിങ്ങിലെ (സി.ഇ.ടി) ബി.ടെക്/ ബി.ആർക്ക് സ്പോട്ട് അഡ്മിഷൻ ഒക്ടോബർ 18ന് നടക്കും. വിശദവിവരങ്ങൾക്ക്: www.cetlac.in.  

ചാല ഐ ടി ഐ പ്രവേശനം : 17 വരെ അപേക്ഷിക്കാം

പുതുതായി ആരംഭിച്ച ചാല ഐ ടി ഐ യിലേക്ക്  അഡിറ്റീവ് മാനുഫാക്ചറിങ്ങ് ടെക്‌നിഷ്യൻ (3D പ്രിന്റിങ്ങ്), മൾട്ടീമീഡിയ അനിമേഷൻ ആൻഡ് സ്‌പെഷ്യൽ എഫക്ട്‌സ് എന്നീ കോഴ്സുകളിലേക്ക് അപേക്ഷകൾ ക്ഷണിച്ചു. എസ്.എസ്.എൽ.സി.യാണ് യോഗ്യത. www.det.Kerala.gov.in വെബ്‌സൈറ്റിൽ അപേക്ഷ ഫോം ഡൗൺലോഡ് ചെയ്യാം. ചാക്ക ഐ ടി ഐ, ചാല ഐ ടി ഐ എന്നിവിടങ്ങളിലും അപേക്ഷാ ഫോം ലഭിക്കും. അപേക്ഷ സമർപ്പിക്കേണ്ട അവസാന തീയതി ഒക്ടോബർ 17.   കൂടുതൽ വിവരങ്ങൾക്ക്: 8547898921, 9387812235.

ബി.ഫാം കോഴ്സിലേയ്ക്കുളള പ്രവേശനം: വേക്കൻസി ഫില്ലിംഗ് അലോട്ട്മെന്റ് പ്രസിദ്ധീകരിച്ചു

2024 ലെ ബി.ഫാം കോഴ്സിലേയ്ക്കുളള  വേക്കൻസി ഫില്ലിംഗ് അലോട്ട്മെന്റ് www.cee.kerala.gov.in എന്ന വെബ് സൈറ്റിൽ  പ്രസിദ്ധീകരിച്ചു.  ഈ ഘട്ടത്തിൽ അലോട്ട്‌മെന്റ് ലഭിച്ച വിദ്യാർഥികൾ ഒക്ടോബർ 14ന്  വൈകിട്ട് 4 മണിക്ക് മുമ്പായി അതത് കോളേജുകളിൽ പ്രവേശനം നേടണം. അലോട്ട്‌മെന്റ് ലഭിച്ച വിദ്യാർഥികൾക്ക്  അവരുടെ ഹോം പേജിലെ 'Data Sheet' എന്ന മെനു ക്ലിക്ക് ചെയ്ത് ഡാറ്റാ ഷീറ്റ് ഡൗൺലോഡ് ചെയ്‌തെടുക്കാം. പ്രവേശനം നേടുന്ന സമയത്ത് വിദ്യാർഥികൾ ഈ ഘട്ടത്തിലെ  ഡാറ്റാ ഷീറ്റും അലോട്ട്‌മെന്റ് മെമ്മോയും മറ്റ് രേഖകളും കോളേജ് അധികാരികൾക്ക് മുന്നിൽ ഹാജരാക്കണം. വിശദ വിവരങ്ങൾക്ക്: www.cee.kerala.gov.in.

Read More

• കെ.ജി.റ്റി പരീക്ഷാഫലം പ്രസിദ്ധീകരിച്ചു
• ഗേറ്റ് 2025-ന് അപേക്ഷിക്കാനുള്ള തീയതി വീണ്ടും നീട്ടി
• ഗസ്റ്റ് ലക്ചറർ, ജൂനിയർ ഇൻസ്ട്രക്ടർ ഒഴിവുകൾ
• വയനാട് മെഡിക്കൽ കോളേജിൽ ഒഴിവുകൾ; പരീക്ഷ ഇല്ല, അഭിമുഖം മാത്രം