/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/uploads/2019/11/university-announcement-3.jpg)
Kerala MG Kannur University Announcements 15 November 2024
University Announcements 15 November 2024: കേരളത്തിലെ വിവിധ യൂണിവേഴ്‌സിറ്റികളുടെ അറിയിപ്പുകളും പ്രധാന വിദ്യാഭ്യാസ വാർത്തകളും ഒറ്റനോട്ടത്തിൽ.
Kerala University announcements: കേരള സർവകലാശാല അറിയിപ്പുകൾ
ഒന്നാം വര്‍ഷ എം.എഡ് പ്രവേശനം 2024 ജനറല്‍/കമ്മ്യൂണിറ്റി ക്വാട്ട/എസ്.സി/എസ്.ടി/ഭിന്നശേഷിവിഭാഗക്കാര്‍/ മറ്റ് സംവരണ വിഭാഗങ്ങള്‍ക്ക് - രണ്ടാംഘട്ട സ്‌പോട്ട് അലോട്ട്‌മെന്റ്
കേരളസര്‍വകലാശാലയോട് അഫിലിയേറ്റ് ചെയ്തിട്ടുള്ള ഗവണ്മെന്റ്/എയ്ഡഡ്/ സ്വാശ്രയ കോളേജുകളിലെ ഒന്നാം വര്‍ഷ എം.എഡ് കോഴ്‌സിലേയ്ക്ക് രണ്ടാംഘട്ട സ്‌പോട്ട് അലോട്ട്‌മെന്റ് 2024 നവംബര്‍ 16ന് കേരളസര്‍വകലാശാല സെനറ്റ്ഹാള്‍ തിരുവനന്തപുരത്ത് വച്ച് നടത്തുന്നതാണ്.
വിദ്യാര്‍ത്ഥികള്‍ അപേക്ഷയുടെ പ്രിന്റൗട്ട്,യോഗ്യത തെളിയിക്കുന്ന മാര്‍ക്ക്‌ലിസ്റ്റ്, എലിജിബിലിറ്റി സര്‍ട്ടിഫിക്കറ്റ് (for candidates of other Universities), Non Creamy Layer Certificate (for SEBC Candidates), കമ്മ്യൂണിറ്റിസര്‍ട്ടിഫിക്കറ്റ് (SC, ST Candidates) EWS സര്‍ട്ടിഫിക്കറ്റ്, Medical certificate (for Differently Abled Candidates), മറ്റുയോഗ്യത തെളിയിക്കുന്ന സര്‍ട്ടിഫിക്കറ്റുകള്‍ എന്നിവ ഹാജരാക്കേണ്ടതാണ്. അലോട്ട്‌മെന്റ് സെന്ററുകളില്‍ വിദ്യാര്‍ത്ഥികള്‍ക്ക് മാത്രമേ പ്രവേശനം അനുവദിക്കുകയുള്ളു. ഏതെങ്കിലും കാരണത്താല്‍ ഹാജരാകാന്‍ സാധിക്കാത്ത വിദ്യാര്‍ത്ഥികള്‍ക്ക് സാക്ഷ്യപത്രം (authorization letter) നല്‍കി പ്രതിനിധിയെ അയക്കാവുന്നതാണ്.
ഒന്നാംഘട്ട സ്‌പോട്ടില്‍ പരിവര്‍ത്തനം ചെയ്യാത്ത സംവരണസീറ്റുകള്‍ . പ്രസ്തുത സംവരണ വിഭാഗത്തില്‍ വിദ്യാര്‍ഥികള്‍ ഇല്ലാത്ത പക്ഷം പ്രോസ്‌പെക്ട്‌സില്‍ പറഞ്ഞിരിക്കുന്നത് പ്രകാരം മറ്റു വിഭാഗങ്ങളിലേക്ക് പരിവര്‍ത്തനം ചെയ്യുന്നതാണ്. നിലവില്‍ സര്‍വകലാശാല അഡ്മിഷന്‍ പോര്‍ട്ടലില്‍ രജിസ്റ്റര്‍ ചെയ്തിട്ടില്ലാത്തവരെ, റാങ്ക്‌ലിസ്റ്റിലെ വിദ്യാര്‍ത്ഥികളെ പരിഗണിച്ചതിനു ശേഷം ഒഴിവുള്ള സീറ്റുകളിലേക്ക് പരിഗണിക്കുന്നതാണ്.
MG University announcements: എംജി സർവകലാശാല അറിയിപ്പുകൾ
പരീക്ഷാ ഫലം
ഒന്നാം സെമസ്റ്റര്‍ ഇന്‍റഗ്രേറ്റഡ് മാസ്റ്റര്‍ ഓഫ് കമ്പ്യൂട്ടര്‍ അപ്ലിക്കേഷന്‍ (2023 അഡ്മിഷന്‍ റെഗുലര്‍, 2017 മുതല്‍ 2022 വരെ അഡ്മിഷനുകള്‍ സപ്ലിമെന്ററി മാര്‍ച്ച് 2024) പരീക്ഷകളുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും നിശ്ചിത ഫിസ് അടച്ച് നവംബര്‍ 29 വരെ ഓണ്‍ലൈനില്‍ അപേക്ഷിക്കാം.
സമയപരിധി നീട്ടി
മൂന്നാം സെമസ്റ്റര്‍ ബാച്ച്ലര്‍ ഓഫ് ഹോട്ടല്‍ മാനേജ്മെന്‍റ് (2023 അഡ്മിഷന്‍ റെഗുലര്‍, 2022 അഡ്മിഷന്‍ ഇംപ്രൂവ്മെന്റ്, 2020 മുതല്‍ 2022 വരെ അഡ്മിഷനുകള്‍ സപ്ലിമെന്ററി പുതിയ സ്കീം) പരീക്ഷയ്ക്ക് അപേക്ഷ സമര്‍പ്പിക്കുന്നതിനുള്ള സമയപരിധി നീട്ടി. നവംബര്‍ 19 വരെ ഫീസ് അടച്ച് അപേക്ഷിക്കാം. ഫൈനോടുകൂടി നവംബര്‍ 20 വരെയും സൂപ്പര്‍ ഫൈനോടുകൂടി നവംബര്‍ 21 വരെയും അപേക്ഷ സ്വീകരിക്കും.
മുന്നാം സെമസ്റ്റര്‍ എംസിഎ (2023 അഡ്മിഷന്‍ റെഗുലര്‍, 2021,2022 അഡ്മിഷനുകള്‍ സപ്ലിമെന്ററി, 2020 അഡ്മിഷന്‍ ആദ്യ മെഴ്സി ചാന്‍സ്) പരീക്ഷയ്ക്ക് അപേക്ഷ സമര്‍പ്പിക്കുന്നതിനുള്ള സമയപരിധി നീട്ടി. നവംബര്‍ 19 വരെ ഫീസ് അടച്ച് അപേക്ഷിക്കാം. ഫൈനോടുകൂടി നവംബര്‍ 20 വരെയും സൂപ്പര്‍ ഫൈനോടുകൂടി നവംബര്‍ 21 വരെയും അപേക്ഷ സ്വീകരിക്കും.
പരീക്ഷാ കേന്ദ്രം അനുവദിച്ചു
നവംബര്‍ 18 ന് ആരംഭിക്കുന്ന പ്രൈവറ്റ് രജിസ്ട്രേഷന്‍ അഞ്ചാം സെമസ്റ്റര്‍ ബിഎ, ബികോം (സിബിസിഎസ്എസ്) (2022 അഡ്മിഷന്‍ റെഗുലര്‍, 2018 മുതല്‍ 2021 വരെ അഡ്മിഷനുകള്‍ റീ അപ്പിയറന്‍സ്, 2017 അഡ്മിഷന്‍ മെഴ്സി ചാന്‍സ്) പരീക്ഷയ്ക്ക് കേന്ദ്രങ്ങള്‍ അനുവദിച്ചു. വിദശാംശങ്ങള്‍ വെബ് സൈറ്റില്‍. വിദ്യാര്‍ഥികള്‍ രജിസ്റ്റര്‍ ചെയ്ത സെന്‍ററില്‍ നിന്നും ഹാള്‍ ടിക്കറ്റുകള്‍ വാങ്ങി അനുവദിച്ചിരിക്കുന്ന കോളേജില്‍ പരീക്ഷയ്ക്ക് ഹാജരാകണം.
പരീക്ഷാ തീയതി
മൂന്നാം സെമസ്റ്റര്‍ ഇന്‍ഗ്രേറ്റഡ് എംഎസ്സി, എംഎ( 2023 അഡ്മിഷന്‍ റഗുലര്‍, 2022, 2021 അഡ്മിഷനുകള്‍ ഇംപ്രൂവ്മെന്റ്, 2020, 2021, 2022 അഡ്മിഷനുകള്‍ സപ്ലിമെന്ററി) പരീക്ഷകള്‍ നവംബര്‍ 26ന് ആരംഭിക്കും.
പ്രാക്ടിക്കല്‍
അഞ്ചാം സെമസ്റ്റ്ര്‍ ബിഎ അനിമേഷന്‍ ആന്‍റ് ഗ്രാഫിക് ഡിസൈന്‍, ബിഎ വിഷ്വല്‍ ആര്‍ട്സ്, ബിഎ അനിമേഷന്‍ ആന്‍റ് വിഷ്വല്‍ ഇഫ്ക്ടസ് (പുതിയ സ്കീം 2022 അഡ്മിഷന്‍ റഗുലര്‍, 2018 മുതല്‍ 2021 വരെ അഡ്മിഷനുകള്‍ റീഅപ്പിയറന്‍സ്, 2017 അഡ്മിഷന്‍ ആദ്യ മെഴ്സി ചാന്‍സ് ഒക്ടോബര്‍ 2024) പരീക്ഷയുടെ പ്രാക്ടിക്കല്‍ പരീക്ഷകള്‍ നവംബര്‍ 22ന് ആരംഭിക്കും. ടൈം ടേബിള്‍ വെബ് സൈറ്റില്‍.
പരീക്ഷക്ക് അപേക്ഷിക്കാം
നാലാം സെമസ്റ്റര്‍ പഞ്ചവത്സര ഇന്‍റഗ്രേറ്റഡ് ബി.എ എല്‍എല്‍ബി, ബി.ബിഎ എല്‍എല്‍ബി, ബികോം എല്‍എല്‍ബി (ഓണേഴ്സ് 2022 അഡ്മിഷന്‍ റെഗുലര്‍, 2016 മുതല്‍ 2021 വരെ അഡ്മിഷനുകള്‍ സപ്ലിമെന്ററി, 2015 അഡ്മിഷന്‍ ആദ്യ മെഴ്സി ചാന്‍സ്, 2014 അഡ്മിഷന്‍ രണ്ടാം മെഴ്സി ചാന്‍സ്, 2013 അഡ്മിഷന്‍ അവസാന മെഴ്സി ചാന്‍സ്) പരീക്ഷക്ക് നവംബര്‍ 25 വരെ ഫീസ് അടച്ച് അപേക്ഷിക്കാം. ഫൈനോടുകൂടി നവംബര്‍ 27 വരെയും സൂപ്പര്‍ ഫൈനോടുകൂടി നവംബര്‍ 29 വരെയും അപേക്ഷ സ്വീകരിക്കും.
Calicut University announcements: കാലിക്കറ്റ് സർവകലാശാല അറിയിപ്പുകൾ
കാലിക്കറ്റിൽ പി.ജി. ഗ്രാജ്വേഷൻ സെറിമണി 23-വരെ രജിസ്റ്റർ ചെയ്യാം
കാലിക്കറ്റ് സർവകലാശാലയ്ക്ക് കീഴിൽ 2024 - ൽ ബിരുദാനന്തര ബിരുദം വിജയകരമായി പൂർത്തീകരിച്ചവർക്ക് ഗ്രാജ്വേഷൻ സെറിമണി സംഘടിപ്പിക്കുന്നു. പ്രസ്തുത ചടങ്ങിന് ഓൺലൈനായി രജിസ്റ്റർ ചെയ്യുന്നതിനുള്ള സമയം നവംബർ 23 - ന് വൈകീട്ട് അഞ്ചു മണി വരെ ലഭ്യമാകും. രജിസ്ട്രേഷൻ പൂർത്തീകരിച്ചതിനു ശേഷം ലഭ്യമാകുന്ന പ്രിന്റ് ഔട്ട് സർവകലാശാലയിലേക്ക് അയക്കേണ്ടതില്ല. വിശദ വിവരങ്ങൾ സർവകലാശാലാ വെബ്സൈറ്റിൽ https://www.uoc.ac.in/ . ഫോൺ : 0494 2407200 / 2407267 / 2407239.
സി.എച്ച്. ചെയറിൽ വിവരാവകാശ ശില്പശാല
കാലിക്കറ്റ് സർവകലാശാലാ സി.എച്ച്. മുഹമ്മദ് കോയ ചെയറിൽ നവംബർ 26-ന് വിവരാവകാശ ശില്പശാല സംഘടിപ്പിക്കുന്നു. വിവരാവകാശ നിയമം നിലവിൽ വന്ന് 20 വർഷം പൂർത്തിയാവുന്നതിൻ്റെ ഭാഗമായാണ് പരിപാടി. ചെയർ ഹാളിൽ രാവിലെ 10.30-ന് നടക്കു ന്ന ചടങ്ങിൽ സംസ്ഥാന വിവരാവകാശ കമ്മീഷണർമാരായ ഡോ. എ. അബ്ദുൽ ഹക്കീം, അഡ്വ. ടി. കെ. രാമകൃഷ്ണൻ എന്നിവർ ശില്പശാലയിൽ സംസാരിക്കും. രജിസ്ട്രാർ ഡോ. ഇ. കെ. സതീഷ് അധ്യക്ഷത വഹിക്കും. കൂടുതൽ വിവരങ്ങൾക്ക് 9562579029.
കോഷൻ ഡെപ്പോസിറ്റ് കൈപ്പറ്റാം
കാലിക്കറ്റ് സർവകലാശാലാ മലയാള - കേരള പഠനവകുപ്പിലെ (2019 പ്രവേശനം) എം.എ. മലയാളം, എം.ഫിൽ മലയാളം കോഴ്സുകൾ പൂർത്തിയാക്കി ഇതുവരെ കോഷൻ ഡെപ്പോ സിറ്റ് കൈപറ്റിയിട്ടില്ലാത്തവർ നവംബർ 25 - നകം പഠനവകുപ്പിൽ നിന്നും കോഷൻ ഡെപ്പോസിറ്റ് കൈപ്പറ്റേണ്ടതാണ്.
പരീക്ഷ മാറ്റി
ഒക്ടോബർ 11 - ന് നടത്താനിരുന്ന ഒന്നാം വർഷ (2000 മുതൽ 2011 വരെ പ്രവേശനം) ബി.എസ് സി. മെഡിക്കൽ മൈക്രോബയോളജി സെപ്റ്റംബർ 2023 ഒറ്റത്തവണ റഗുലർ സപ്ലിമെന്ററി പരീക്ഷയും വിദൂര വിഭാഗം അവസാന വർഷ (1996 മുതൽ 2007 വരെ പ്രവേശനം) എം.എ. ഹിസ്റ്ററി ഏപ്രിൽ 2022 ഒറ്റത്തവണ റഗുലർ സപ്ലിമെന്ററി പരീക്ഷയും നവംബർ 28-ന് നടത്തും. സമയം ഉച്ചയ്ക്ക് 1.30.
സൂക്ഷ്മപരിശോധനാഫലം
വിദൂര വിഭാഗം രണ്ടാം സെമസ്റ്റർ എം.കോം. ഏപ്രിൽ 2024 പരീക്ഷയുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.
Kannur University announcements: കണ്ണൂർ സർവകലാശാല അറിയിപ്പുകൾ
ടെക്നിക്കൽ അസിസ്റ്റന്റ് : ഒഴിവ്
കണ്ണൂർ സർവകലാശാല പാലയാട് ഡോ. ജാനകി അമ്മാൾ ക്യാമ്പസിലെ ബയോടെക്നോളജി & മൈക്രോബയോളജി പഠന വകുപ്പിൽ ടെക്നിക്കൽ അസിസ്റ്റന്റ് തസ്തികയിലേക്ക് കരാർ അടിസ്ഥാനത്തിൽ ജോലി ചെയ്യുന്നതിന് ലൈഫ് സയൻസ് വിഷയങ്ങളിൽ ബിരുദാനന്തര ബിരുദ യോഗ്യതയുള്ളവരിൽ നിന്നും അപേക്ഷ ക്ഷണിക്കുന്നു. ഈ നിയമനം 60 ദിവസത്തേക്ക് അല്ലെങ്കിൽ മറ്റു രീതിയിൽ ഒഴിവ് നികത്തും വരെ ഇതിൽ ഏതാണോ ആദ്യം എന്ന വ്യവസ്ഥയിലായിരിക്കും. യോഗ്യരായ ഉദ്യോഗാർത്ഥികൾ അഭിമുഖ പരീക്ഷയ്ക്കായി അസ്സൽ പ്രമാണങ്ങൾ സഹിതം പഠന വകുപ്പിൽ നവംബർ 18ന് രാവിലെ 10:30ന് മുൻപായി ഹാജരാകണം. ഫോൺ : 9446870675
ഇംഗ്ലിഷ് ഫോർ പ്രാക്ടിക്കൽ പർപ്പസസ് : നവംബർ 22 വരെ അപേക്ഷിക്കാം
കണ്ണൂർ സർവ്വകലാശാല ഇംഗ്ലിഷ് പഠനവകുപ്പ് താവക്കര ക്യാംപസിൽ നടത്തുന്ന “ഇംഗ്ലിഷ് ഫോർ പ്രാക്ടിക്കൽ പർപ്പസസ് - English for Practical Purposes (EPP) ” എന്ന ത്രൈമാസ സർട്ടിഫിക്കറ്റ് കോഴ്സിലേക്ക് നവംബർ 22 വരെ ഓൺലൈൻ ആയി അപേക്ഷിക്കാം. യോഗ്യത: എച്ച്.എസ്.ഇ/ പ്ലസ്. ടു. കോഴ്സ് ഫീസ് 3,000 രൂപ. നിലവിൽ കണ്ണൂർ സർവ്വകലാശാലയുടെ കീഴിൽ മറ്റു കോഴ്സുകൾ പഠിക്കുന്നവർക്കും അപേക്ഷിക്കാം. ക്ലാസ്സുകൾ ശനിയാഴ്‌ചകളിലും അവധിദിവസങ്ങളിലും താവക്കര ക്യാംപസിൽ ആയിരിക്കും. അപേക്ഷയുടെ പ്രിന്റൗട്ടും അനുബന്ധ രേഖകളും നവംബർ 25 വൈകിട്ട് നാല് മണിക്കു മുൻപ് താവക്കര ക്യാംപസിലെ സ്‌കൂൾ ഓഫ് ലൈഫ് ലോങ് ലേണിങ് ഡയറക്ടർക്ക് സമർപ്പിക്കണം. വിശദവിവരങ്ങൾ വെബ്സൈറ്റിൽ (www.kannuruniversity.ac.in)
പുതുക്കിയ ടൈം ടേബിൾ
നവംബർ 25 ന് ആരംഭിക്കുന്ന വിധം പുനഃ ക്രമീകരിച്ച ഒന്നാം സെമസ്റ്റർ ബിരുദ (2018 മുതൽ 2023 അഡ്മിഷൻ വരെ -സപ്ലിമെന്ററി / ഇംപ്രൂവ്മെന്റ് ) നവംബർ 2024 പരീക്ഷകളുടെ പുതുക്കിയ ടൈം ടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
പ്രായോഗിക പരീക്ഷകൾ
മൂന്നാം സെമസ്റ്റർ എം. എസ്. ഡബ്ല്യൂ. ഡിഗ്രി (റെഗുലർ /സപ്ലിമെന്ററി) ഒക്ടോബർ 2024 പ്രായോഗിക പരീക്ഷകൾ 2024 നവംബർ 19, 20 തീയ്യതികളിലായി അതത് കോളേജുകളിൽ നടക്കുന്നതാണ്. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാക്കിയിട്ടുണ്ട്. രജിസ്റ്റർ ചെയ്ത വിദ്യാർത്ഥികൾ പരീക്ഷാകേന്ദ്രവുമായി ബന്ധപ്പെടേണ്ടതാണ്.
എ.ബി.സി. ഐ.ഡി സമർപ്പിക്കണം
സർവകലാശാലയുടെ അഫിലിയേറ്റഡ് കോളജുകളിൽ 2021 ,2022, 2023 വർഷങ്ങളിൽ പ്രവേശനം നേടിയ ബിരുദാനന്തര ബിരുദ വിദ്യാർഥികൾ അടിയന്തിരമായി എ.ബി.സി. ഐ.ഡി. സംബന്ധിച്ച വിശദാംശങ്ങൾ തങ്ങളുടെ കോളേജുകളിൽ നവംബർ 26ന് മുമ്പായി സമർപ്പിക്കേണ്ടതാണ്. ഇക്കാര്യത്തിൽ വീഴ്ച വരുത്തിയാൽ വിദ്യാർത്ഥികൾക്ക് പിന്നീട് ബുദ്ധിമുട്ടുണ്ടാകുകയും സർവകലാശാലക്ക് വിദ്യാർത്ഥികളെ സഹായിക്കാൻ പറ്റാത്ത സാഹചര്യം ഉണ്ടാവുകയും ചെയ്യും. അതിനാൽ വിദ്യാർഥികൾ പ്രത്യേകം ശ്രദ്ധിക്കണമെന്ന് അഭ്യർത്ഥിക്കുന്നു. എ.ബി.സി.ഐ.ഡി തയ്യാറാക്കുന്ന രീതി സംബന്ധിച്ച വിശദാംശങ്ങൾ സർവകലാശാല വെബ്സൈറ്റിൽ ലഭ്യമാണ്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.