ശമ്പളമായി 50000 വേണോ? കേരള ഹൈക്കോടതിയിൽ ഓഫീസ് അറ്റൻഡന്റാകാം

കേരള ഹൈക്കോടതിയിൽ ഓഫീസ് അറ്റൻഡന്റ് ഒഴിവുകളിലേക്ക് അപേക്ഷ ക്ഷണിച്ചു. എസ്എസ്എൽസി അല്ലെങ്കിൽ തത്തുല്യ പരീക്ഷ വിജയിച്ചവർക്ക് അപേക്ഷിക്കാം. ആകെ 34 ഒഴിവുകളാണുള്ളത്. അപേക്ഷിക്കുന്നവർക്ക് ബിരുദം ഉണ്ടായിരിക്കരുത്. 23000 രൂപ മുതൽ 50200 രൂപവരെയാണ് ശമ്പളമായി കിട്ടുക.

എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തിരഞ്ഞെടുപ്പ്. ഒബ്ജക്ടീവ് മാതൃകയിലായിരിക്കും എഴുത്തു പരീക്ഷ. 500 രൂപയാണ് അപേക്ഷ ഫീസ്. എസ്‌സി, എസ്ടി, തൊഴിൽരഹിതരായ ഭിന്നശേഷിക്കാർ എന്നിവർക്ക് ഫീസ് ഇല്ല. വൺ ടൈം രജിസ്ട്രേഷൻ പൂർത്തിയാക്കിയശേഷം ഓൺലൈനായാണ് അപേക്ഷിക്കേണ്ടത്. ജൂലൈ രണ്ടാണ് അപേക്ഷ സമർപ്പിക്കുന്നതിനുള്ള അവസാന തീയതി.

തിരുവനന്തപുരം, ആലപ്പുഴ, എറണാകുളം, തൃശൂർ, കോഴിക്കോട് എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. വിശദ വിവരങ്ങൾക്ക് hckrecruitment.keralacourts.in എന്ന വെബ്സൈറ്റ് കാണുക.

Read More

• ബിരുദക്കാർക്ക് അവസരം, ഗ്രാമീൺ ബാങ്കിൽ ഒഴിവുകൾ
• പരീക്ഷയില്ല, അഭിമുഖത്തിലൂടെ കേന്ദ്രസർക്കാർ ജോലി നേടാം; എൻസിഇആർടിയിൽ പ്രോജക്ട് സ്റ്റാഫ് ഒഴിവുകൾ
• കൊച്ചിൻ ഷിപ്‌യാർഡിൽ സേഫ്റ്റി അസിസ്റ്റന്റാകാം, ശമ്പളം 24,800 രൂപവരെ
• അവിവാഹിതരാണോ? വ്യോമസേനയിൽ ഓഫിസറാകാം, സ്ത്രീകൾക്കും അവസരം; ശമ്പളം 1,77,500 വരെ