ബിരുദക്കാർക്ക് അവസരം, ഗ്രാമീൺ ബാങ്കിൽ ഒഴിവുകൾ

രാജ്യത്തെ വിവിധ റീജണൽ റൂറൽ ബാങ്കുകളിലെ ഒഴിവുകളിലേക്ക് അപേക്ഷ ക്ഷണിച്ചു. ഓഫീസർ, ഓഫീസ് അസിസ്റ്റന്റ് തസ്തികകളിലെ ഒഴിവുകളിലേക്കാണ് നിയമനം. ഇന്ത്യൻ ബാങ്കിങ് പേഴ്സണൽ സെലക്ഷൻ (ഐബിപിഎസ്) നടത്തുന്ന 2024 ലെ പൊതുപരീക്ഷയ്ക്കാണ് അപേക്ഷ ക്ഷണിച്ചത്. ആകെ 9995 ഒഴിവുകളാണുള്ളത്. കേരള ഗ്രാമീൺ ബാങ്കിൽ 330 ഒഴിവുകളാണുള്ളത്.

ബിരുദധാരികൾക്കും സിഎ/എംബിഎ യോഗ്യതയുളളവർക്കുമാണ് അപേക്ഷിക്കാൻ അവസരം. ഓൺലൈനായാണ് അപേക്ഷിക്കേണ്ടത്. ഓഗസ്റ്റ് മാസത്തിൽ പരീക്ഷ നടക്കും. അപേക്ഷ സ്വീകരിക്കുന്ന അവസാന തീയതി ജൂൺ 27 ആണ്. ഒരാൾക്ക് രണ്ടു തസ്തികയ്ക്കുവരെ അപേക്ഷിക്കാം.

കേരളത്തിൽ പ്രിലിമിനറി പരീക്ഷയ്ക്ക് ആലപ്പുഴ, കണ്ണൂർ, കൊച്ചി, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തിരുവനന്തപുരം, തൃശൂർ എന്നിവിടങ്ങളിൽ കേന്ദ്രമുണ്ടാകും. മെയിൻ പരീക്ഷയ്ക്ക് കൊച്ചി, കോഴിക്കോട്, തിരുവനന്തപുരം എന്നിവിടങ്ങളിലാണ് കേന്ദ്രങ്ങൾ. വിശദ വിവരങ്ങൾക്ക് www.ibps.in എന്ന വെബ്സൈറ്റ് സന്ദർശിക്കുക.

Read More

• പരീക്ഷയില്ല, അഭിമുഖത്തിലൂടെ കേന്ദ്രസർക്കാർ ജോലി നേടാം; എൻസിഇആർടിയിൽ പ്രോജക്ട് സ്റ്റാഫ് ഒഴിവുകൾ
• കൊച്ചിൻ ഷിപ്‌യാർഡിൽ സേഫ്റ്റി അസിസ്റ്റന്റാകാം, ശമ്പളം 24,800 രൂപവരെ
• അവിവാഹിതരാണോ? വ്യോമസേനയിൽ ഓഫിസറാകാം, സ്ത്രീകൾക്കും അവസരം; ശമ്പളം 1,77,500 വരെ
• നവോദയ വിദ്യാലയങ്ങളിൽ കൗൺസലർ, കേരളത്തിലും ഒഴിവുകൾ; ശമ്പളം 44,900