1000 Babies Teaser: ത്രില്ലടിപ്പിക്കാൻ 1000 ബേബീസ്; ഭീതിപരത്തുന്ന ടീസർ പുറത്ത്

കേരള ക്രൈം ഫയൽസ്, മാസ്റ്റർപീസ്, പേരില്ലൂർ പ്രീമിയർ ലീഗ്, നാഗേന്ദ്രൻസ് ഹണിമൂൺസ് തുടങ്ങിയ വെബ് സീരീസുകൾക്ക് ശേഷം ഡിസ്നിപ്ലസ് ഹോട്ട്സ്റ്റാറിലൂടെ 'തൗസൻ്റ് ബേബീസ്' സ്ട്രീമിങിന് ഒരുങ്ങുന്നു. തെന്നിന്ത്യയുടെ പ്രിയതാരം റഹ്മാൻ ആദ്യമായി അഭിനയിക്കുന്ന വെബ് സീരീസിന്റെ ടീസർ പുറത്തിറക്കി. സൈക്കോളജിക്കൽ സസ്പെൻസ് ക്രൈം ത്രില്ലർ ജോണറിലുള്ള വ്യത്യസ്തമായ പ്രമേയത്തിലാണ് വെബ് സീരീസ് എത്തുന്നത്.

അപൂർവ രാഗം, ടു കൺഡ്രീസ്, ഫ്രൈഡേ , ഷെർലോക്  ടോം എന്നീ സിനിമകളുടെ രചയിതാവും 'കളി'യുടെ സംവിധായകനുമായ നജീം കോയയാണ് തൗസൻ്റ് ബേബീസിന്റെ സംവിധാനം. നജീം കോയ, അറൗസ് ഇർഫാൻ എന്നിവർ ചേർന്നാണ് രചന. ബോളിവുഡ് അഭിനേത്രിയും സംവിധായികയുമായ നീനാ ഗുപ്ത സീരീസിൽ മർമ്മ പ്രധാന കഥാപാത്രത്തെ അവതരിപ്പിക്കുന്നു. 

ഷാജി നടേശൻ, ആര്യ എന്നിവർ ചേർന്ന് ആഗസ്റ്റ് സിനിമാസിന്റെ ബാനറിലാണ് തൗസൻ്റ് ബേബീസിന്റെ നിർമ്മാണം. സഞ്ജു ശിവരാമൻ, രാധിക രാധാകൃഷ്ണൻ, ജോയ് മാത്യു, അശ്വിൻ കുമാർ, ഇർഷാദ് അലി, ഷാജു ശ്രീധർ, കലേഷ് രാമാനന്ദ്, ശ്രീകാന്ത് മുരളി തുടങ്ങിയവരാണ് പ്രധാന കഥാപാത്രങ്ങളായെത്തുന്നത്. ഫെയ്‌സ് സിദ്ധിഖാണ് വിഷ്വലുകൾക്ക് പ്രാധ്യാന്യം നൽകി ഒരുക്കുന്ന സീരീസിനായി ക്യാമറ ചലിപ്പിക്കുന്നത്. ശങ്കർ ശർമ്മയാണ് സംഗീതം.

ഹോട്സ്റ്റാറിൽ അവസാനം പുറത്തിറങ്ങിയ 'നാഗേന്ദ്രൻസ് ഹണിമൂൺസ്' ഏറെ ശ്രദ്ധനേടിയിരുന്നു. 'പേരല്ലൂർ പ്രീമിയര്‍ ലീഗി'ന്റെ വൻ വിജയത്തിന് പിന്നാലെ കോമഡിക്ക് പ്രാധാന്യം നൽകിയാണ് ഈ സീരീസും ഒരുക്കിയത്.

Read More

• പതിനഞ്ചംഗ സംഘം ഉണ്ടായിരിക്കാം, എന്നാൽ അത് മാത്രമല്ല സംഘം; വേണു
• ഒറ്റപ്പെട്ട സംഭവമാണെങ്കിലും അന്വേഷിക്കണം; സിദ്ദിഖിനോട് വിയോജിച്ച് ജഗദീഷ്
• കതക് തുറന്നില്ല: സീനുകൾ വെട്ടിച്ചുരുക്കിയെന്ന് വെളിപ്പെടുത്തലുമായി നടി
• ഹേമാ കമ്മിറ്റി റിപ്പോർട്ട്; നിർണായക ഭാഗങ്ങൾ വെട്ടിമാറ്റി
• നിശബ്ദത പരിഹാരമല്ല; ഹേമാ കമ്മിറ്റി റിപ്പോർട്ടിൽ പ്രതികരണവുമായി ലിജോ ജോസ് പെല്ലിശേരി
• പോലീസിൽ പരാതി നൽകേണ്ടതും ഇരകളോ? ചോദ്യവുമായി പാർവ്വതി തിരുവോത്ത്