ഗുരുവായൂര്‍ ക്ഷേത്രത്തിലെ റീല്‍സ് ചിത്രീകരണം: വിവാദങ്ങൾക്കിടയിലും ജാസ്മിനെ ചേർത്തു പിടിച്ച് ഗബ്രി

ഗുരുവായൂര്‍ ക്ഷേത്രത്തില്‍ റീല്‍സ് ചിത്രീകരിച്ചതിന് ഫാഷന്‍ ഇന്‍ഫ്‌ളുവന്‍സറും ബിഗ് ബോസ് മത്സരാർത്ഥിയുമായ ജാസ്മിന്‍ ജാഫറിനെതിരെ  ദേവസ്വം അഡ്മിനിസ്‌ട്രേറ്റര്‍ ഒ.ബി അരുണ്‍കുമാർ ടെമ്പിള്‍ പോലീസില്‍ പരാതി നൽകിയിരുന്നു.  കോടതി വിലക്ക് ഏർപ്പെടുത്തിയുള്ള നടപ്പുരയിലും  നിരോധനം ഏർപ്പെടുത്തിയിട്ടുള്ള  ക്ഷേത്ര തീര്‍ത്ഥക്കുളത്തിലും ജാസ്മിൻ റീല്‍സ് ചിത്രീകരിച്ചെന്നാണ് പരാതി.  മൂന്ന് ദിവസം മുൻപ് ജാസ്മിൻ ഇൻസ്റ്റഗ്രാമിൽ പങ്കുവച്ച റീലാണ് പ്രശ്നങ്ങൾക്ക് തുടക്കം കുറിച്ചത്. സംഭവം വിവാദമായതോടെ ജാസ്മിൻ റീൽസ് നീക്കം ചെയ്തിരുന്നു.

Also Read: ഗുരുവായൂർ ക്ഷേത്രക്കുളത്തിൽ റീല്‍സ് ചിത്രീകരണം; മാപ്പ് പറഞ്ഞ് ജാസ്മിൻ ജാഫർ

സമൂഹമാധ്യമങ്ങളിലൂടെ സംഭവത്തിൽ ജാസ്മിൻ ഖേദം പ്രകടിപ്പിക്കുകയും ചെയ്തു.   "എന്നെ സ്നേഹിക്കുന്നവർക്കും മറ്റുള്ളവർക്കും ഞാൻ ചെയ്ത ഒരു വീഡിയോ ബുദ്ധിമുട്ടുണ്ടാക്കിയതായി മനസ്സിലാക്കുന്നു. ആരെയും വേദനിപ്പിക്കാൻ വേണ്ടിയോ പ്രശ്നങ്ങൾ ഉണ്ടാകുമെന്നു വിചാരിച്ചോ ചെയ്തതല്ല. അറിവില്ലായ്മ കൊണ്ട് എന്റെ ഭാഗത്തുനിന്നും ഉണ്ടായ തെറ്റിന് ഞാൻ എല്ലാവരോടും ആത്മാർത്ഥമായി ക്ഷമ ചോദിക്കുന്നു," ജാസ്മിൻ ഇൻസ്റ്റഗ്രാം സ്റ്റോറിയിൽ കുറിച്ചതിങ്ങനെ.

ഇപ്പോഴിതാ, ഈ പ്രശ്നങ്ങൾക്കിടയിൽ ജാസ്മിനെ പിന്തുണച്ച് രംഗത്തു വന്നിരിക്കുകയാണ് ഗബ്രി. ജാസ്മിനെ ചേർത്തു പിടിച്ചുകൊണ്ടുള്ള ഒരു ചിത്രമാണ് ഗബ്രി ഷെയർ ചെയ്തിരിക്കുന്നത്. "വഴുതി വീഴുന്നത് മനുഷ്യസഹജമാണ്, അത് ഏറ്റുപറയാൻ ധൈര്യം വേണം, വളരാൻ അത് കരുത്തേകും," എന്നർത്ഥം വരുന്ന വരികളാണ് ഗബ്രി ചിത്രത്തിനൊപ്പം കുറിച്ചത്. 

Also Read: ഞാൻ കല്യാണം കഴിച്ചത് തന്നെ സിന്ദൂരം ഇടാനാണ്: സ്വാസിക

Also Read: ബിഗ് ബോസിൽ ഇതുവരെ ഏറ്റവും കൂടുതൽ പ്രതിഫലം കൈപ്പറ്റിയ മത്സരാർത്ഥികൾ ഇവർ: Bigg Bossmalayalam

ബിഗ് ബോസ് മലയാളം സീസൺ ആറിൽ ഏറ്റവും ചർച്ച ചെയ്യപ്പെട്ട കോമ്പോകളിൽ ഒന്നായിരുന്നു ജാസ്മിൻ ജാഫർ- ഗബ്രി ജോഡി. ഫാൻസിനോളം തന്നെ ഹേറ്റേഴ്സിനെയും സമ്പാദിച്ച ഈ കൂട്ടുക്കെട്ട് ബിഗ് ബോസിനകത്തും സോഷ്യൽ മീഡിയയിലും വലിയ ചർച്ചയായിരുന്നു. ബിഗ് ബോസ് വീടിനകത്തും പുറത്തും ഒട്ടേറെ വിമർശനങ്ങൾ നേരിട്ടപ്പോഴും പരസ്പരം ചേർത്തുപിടിക്കാൻ ഇവർ ശ്രദ്ധിച്ചിരുന്നു. ആ സൗഹൃദം ബിഗ് ബോസ് വീട്ടിൽ നിന്ന് ഇറങ്ങികഴിഞ്ഞും ഇരുവരും തുടരുകയാണ്. 

Also Read: മമ്മൂട്ടിയുടെ നായിക, വിനീതിന്റെയും; 2000 കോടിയുടെ ആസ്തിയുള്ള ഈ നടിയെ മനസ്സിലായോ?