ബിഗ് ബോസ് വീട്ടിലേക്ക് പുതിയ 5 വൈൽഡ് കാർഡുകൾ എത്തി: Bigg Boss Malayalam Season 7

Bigg Boss malayalam Season 7:  ബി​ഗ് ബോസ് മലയാളം സീസൺ 7 അഞ്ചാം വാരത്തിലേക്ക് കടന്നിരിക്കുകയാണ്. ഓരോ ദിവസം കഴിയുന്തോറും സംഭവ ബഹുലമായ സംഭവങ്ങൾക്കാണ് ബി​ഗ് ബോസ് വീടിനകത്ത് നടന്നു കൊണ്ടിരിക്കുന്നത്. മുൻഷി രഞ്ജിത്ത്, ആർജെ ബിൻസി, കലാഭവൻ സരി​ഗ, ശാരിക എന്നിവർ ഇതിനകം തന്നെ ഷോയിൽ നിന്നും എവിക്റ്റായിരുന്നു. അതിനു പകരം അഞ്ചു പുതിയ മത്സരാർത്ഥികൾ  വൈൽഡ് കാർഡുകളായി വീടിനകത്തേക്ക് എത്തുകയാണ് ഇന്ന്.

Also Read: അമ്മയുടെ സഹോദരി മരിച്ചു; തളരാതെ ജിസേൽ ; ഇതാണ് പെൺകരുത്തെന്ന് പ്രേക്ഷകർ : Bigg Boss Malayalam Season 7

സീരിയൽ താരമായ ജിഷിൻ മോഹൻ, അവതാരക മസ്താനി, മാർക്കറ്റിംഗ് മല്ലു എന്ന പേരിൽ അറിയപ്പെടുന്ന സോഷ്യൽ മീഡിയ ഇൻഫ്ളുവൻസറായ പ്രവീൺ, ആർക്കിടെക്ടും മോഡലുമായ വേദ് ലക്ഷ്മി, സാബു മാൻ  എന്നിവർ ബിഗ് ബോസ് വീടിനകത്തേക്ക് പ്രവേശിച്ചു കഴിഞ്ഞു. 

Also Read: കാഴ്ചക്കാരുടെ ക്ഷമ പരീക്ഷിക്കുന്ന ചിത്രം: 'ഓടും കുതിര ചാടും കുതിര' റിവ്യൂ; Odum Kuthira Chaadum Kuthira Review

അടിമുടി അഴിച്ചുപണികളോടെയാണ് ഈ സീസൺ എത്തിയിരിക്കുന്നത്. 'ഏഴിന്റെ പണി'  എന്ന ടാഗ് ലൈനില്‍ തന്നെ പ്രകടമാണ് ഈ സീസണിന്റെ വ്യത്യസ്തത. പാരമ്പര്യ ഘടനയില്‍ നിന്ന് വിട്ട്, പുതിയ തന്ത്രപരമായ കളികളും, മാറ്റങ്ങളും കൊണ്ടുവന്ന സീസൺ ആണിത്. പ്രേക്ഷകരുടെ അഭിപ്രായം കൂടി പരിഗണിച്ച് രൂപകല്‍പ്പന ചെയ്‍ത പുതിയ ഫോർമാറ്റ്, ഇന്നുവരെ കണ്ടിട്ടില്ലാത്ത പരീക്ഷണങ്ങളിലൂടെയും ശക്തമായ മത്സരത്തിലൂടെയുമാണ് മത്സരാർത്ഥികൾക്കു മുന്നിൽ വെല്ലുവിളി ഉയർത്തുന്നത്.

Also Read: ബിഗ് ബോസ് താരങ്ങൾക്ക് ഒരു ദിവസം ലഭിക്കുന്ന പ്രതിഫലം എത്രയെന്നറിയാമോ?: Bigg Boss Malayalam Season7

പുറത്തുനിന്നു ഷോ കാണുകയും മത്സരാർത്ഥികൾക്ക് പൊതുസമൂഹത്തിന്റെ ഇടയിലുള്ള ഇമേജ് മനസ്സിലാക്കുകയുമൊക്കെ ചെയ്ത വൈൽഡ് കാർഡ് എൻട്രികൾ വീടിനകത്തേക്ക് എത്തുന്നതോടെ കളി അക്ഷരാർത്ഥത്തിൽ മാറുമെന്ന് ഉറപ്പാണ്. വീടിനകത്ത് പല ഗ്രൂപ്പുകൾ ഇതിനകം തന്നെ രൂപപ്പെട്ടു കഴിഞ്ഞിട്ടുണ്ട്. വൈൽഡ് കാർഡുകളിൽ ചിലരുടെയെങ്കിലും ലക്ഷ്യം ഈ ഗ്രൂപ്പുകളെ പൊളിച്ചടുക്കുക എന്നാവും. എന്തായാലും മത്സരം മുറുകുന്നതോടെ ബിഗ് ബോസ് വീടിന്റെ അന്തരീക്ഷവും കലുഷിതമാവും. 

Also Read: നീ പാൽക്കുപ്പി, എനിക്കിഷ്ടം നല്ല ആണത്തമുള്ള ആണുങ്ങളെ: ആര്യനോട് അനുമോൾ- Bigg Boss Malayalam Season 7