നീ പാൽക്കുപ്പി, എനിക്കിഷ്ടം നല്ല ആണത്തമുള്ള ആണുങ്ങളെ: ആര്യനോട് അനുമോൾ- Bigg Boss Malayalam Season 7

Bigg Boss malayalam Season 7: മിനിസ്ക്രീൻ പ്രേക്ഷകരുടെ പ്രിയതാരമാണ് അനുമോൾ. നിരവധി സീരിയലുകളിൽ​ അഭിനയിച്ചിട്ടുണ്ടെങ്കിലും ‘ടമാർ പടാർ’, 'സ്റ്റാർ മാജിക്' എന്നീ ഷോകളിലൂടെയാണ് അനുമോൾ  മിനിസ്ക്രീൻ പ്രേക്ഷകരുടെ പ്രിയങ്കരിയായത്. ബിഗ് ബോസ് മലയാളം ഏഴാം സീസണിലെ മത്സരാർത്ഥിയാണ് അനുമോൾ ഇപ്പോൾ.  

ഓരോ ബിഗ് ബോസിലും ലവ് ട്രാക്ക് പിടിക്കുന്ന മത്സരാർത്ഥികളിൽ ആരെങ്കിലും ഉണ്ടാവാറുണ്ട്. എന്നാൽ ഈ സീസണിൽ ഇതുവരെ അത്തരത്തിലുള്ള കണക്ഷൻ ഒന്നും മത്സരാർത്ഥികൾക്കിടയിൽ ഉണ്ടായിട്ടില്ല. അതേസമയം, അനുമോളിന് ലവ് ട്രാക്ക് പിടിക്കാൻ താൽപ്പര്യമുണ്ടെന്നും അനുമോൾ- ആര്യൻ സൗഹൃദത്തിൽ അതിനുള്ള സാധ്യതയുണ്ട് എന്നുമൊക്കെ ബിഗ് ബോസ് പ്രേക്ഷകർ സമൂഹമാധ്യമങ്ങളിൽ ചർച്ച ചെയ്യുന്നുണ്ട്.

Also Read: ബിഗ്‌ബോസിന്റെ അടിമയായി നിൽക്കാൻ കഴിയില്ല: ഷോ ക്വിറ്റ് ചെയ്ത് നെവിൻ, Bigg Boss Malayalam Season 7

എന്നാൽ അതിനൊരു സാധ്യതയുമില്ലെന്ന് വ്യക്തമാക്കിയിരിക്കുകയാണ് അനുമോൾ. ആര്യനോട് തനിക്ക് അത്തരത്തിലൊരു താൽപ്പര്യമില്ലെന്നാണ് അനുമോൾ പറഞ്ഞിരിക്കുന്നത്. "നീ പാൽക്കുപ്പി, എനിക്കിഷ്ടം നല്ല മാൻലി ആയിട്ടുള്ള ആണുങ്ങളെ," എന്നാണ് അനുമോൾ ആര്യനോട് പറഞ്ഞത്.

Also Read: Bigg Boss: ബിഗ് ബോസ് ഏഴാം സീസണിനായി മോഹൻലാൽ വാങ്ങുന്ന പ്രതിഫലം എത്രയാണെന്നറിയാമോ?

അതേസമയം, മുൻപും ലവ് ട്രാക്ക് സ്ട്രാറ്റജിയെ കുറിച്ച് അനുമോൾ സംസാരിച്ചിരുന്നു. ബിഗ് ബോസ് വീടിനകത്ത് ലവ് ട്രാക്ക് പിടിക്കാൻ താൽപ്പര്യമില്ലെന്നും ഇനി അങ്ങനെ ഉണ്ടായാൽ അത് വിവാഹത്തിൽ എത്തുന്ന രീതിയിലേ മുന്നോട്ടു കൊണ്ടുപോവൂ എന്നുമായിരുന്നു അനുമോൾ പറഞ്ഞത്.  "ലവ് ട്രാക്ക് പിടിക്കാൻ എനിക്ക് താൽപ്പര്യമില്ല. അതിനു പറ്റിയ ആരും ഇല്ല ഇവിടെ. നമുക്ക് ഇഷ്ടമുള്ള ആരെങ്കിലും വേണ്ടേ? അങ്ങനത്തെ ടീംസ് ഒന്നും ഇവിടെയില്ല. ഇനി അങ്ങനെ പിടിക്കുകയാണെങ്കിലും ശ്രീനിഷും പേളിയും കല്യാണം കഴിച്ചതു പോലെ ആയിരിക്കും ഞാൻ. അല്ലാതെ ഷോയ്ക്ക് വേണ്ടിയോ ചുമ്മാ ടൈം പാസിനു വേണ്ടിയോ ചെയ്യില്ല,"  ആദിലയോട് സംസാരിക്കുന്നതിനിടയിലായിരുന്നു അനുമോളുടെ തുറന്നു പറച്ചിൽ. 

Also Read: ബിഗ് ബോസിൽ ഇതുവരെ ഏറ്റവും കൂടുതൽ പ്രതിഫലം കൈപ്പറ്റിയ മത്സരാർത്ഥികൾ ഇവർ: Bigg Boss Malayalam

ബിഗ് ബോസ് മലയാളത്തിന്റെ ആദ്യ സീസണിലെ മത്സരാർത്ഥികളായിരുന്നു പേളിയും ശ്രീനിഷും. ഹൗസിൽ വച്ച് പരിചയപ്പെട്ട ഇവർ പ്രണയത്തിലാവുകയായിരുന്നു. പിന്നീട് ഇരുവരും വിവാഹിതരാവുകയും ചെയ്തു.

മഴവിൽ മനോരമയിലെ ‘അനിയത്തി’ എന്ന സീരിയലിലൂടെയായിരുന്നു അനുമോളുടെ മിനിസ്ക്രീൻ അരങ്ങേറ്റം. തിരുവനന്തപുരത്തെ നെടുമങ്ങാട് ആര്യനാട് സ്വദേശിയാണ് അനുമോള്‍. 'ഒരിടത്ത് ഒരു രാജകുമാരി,' 'സീത' തുടങ്ങിയ പരമ്പരകളിലും ശ്രദ്ധേയമായ കഥാപാത്രങ്ങളെ അനുമോൾ അവതരിപ്പിച്ചിരുന്നു. 

Also Read: ജിസേലിന്റെ പിറകെ നടക്കുന്ന മൊണ്ണകളാണ് ഇവിടുത്തെ ആണുങ്ങളെന്ന് അനുമോൾ; മുട്ടൻ പണികൊടുത്ത് മോഹൻലാൽ: Bigg Boss Malayalam Season 7