'ചിലപ്പോൾ നിങ്ങളെ നോമിനേറ്റ് ചെയ്തേക്കാം'; അനീഷിനെ കുറിച്ച് ഷാനവാസ്; Bigg Boss Malayalam Season 7

Bigg Boss malayalam Season 7:ബിഗ് ബോസിൽ കഴിഞ്ഞ ഏതാനും ആഴ്ചകളായി അനീഷും ആദിലയും തമ്മിലുള്ള കൊമ്പുകോർക്കലാണ് നിറഞ്ഞുനിന്നത്. ജയിലിൽ വെച്ച് ഇരുവരും പിണക്കങ്ങളെല്ലാം പറഞ്ഞു തീർത്തിരുന്നു. ആദിലയും അനീഷും ജയിലിൽ കിടക്കുമ്പോൾ നൂറയും അനുമോളും ഷാനവാസും പുറത്തിരുന്നത് സംസാരിച്ച നിമിഷങ്ങളെല്ലാം പ്രേക്ഷകർക്ക് കൗതുകമായിരുന്നു. വീക്കെൻഡ് എപ്പിസോഡിൽ ആദില-അനീഷ് തർക്കത്തെ കുറിച്ച് മോഹൻലാൽ ചോദിക്കുകയും ചെയ്തു. വീക്കെൻഡ് എപ്പിസോഡ് കഴിഞ്ഞതിന് പിന്നാലെ അനീഷിൽ നിന്ന് എന്താണ് പ്രതീക്ഷിക്കേണ്ടത് എന്ന് ആദിലയോട് വ്യക്തമായി പറയുകയാണ് ഷാനവാസ്. 

അനീഷിനെ കുറിച്ച് ആദിലയോട് ഷാനവാസ് പറയുമ്പോൾ അനീഷിനെ എത്രമാത്രം ഷാനവാസ് മനസിലാക്കിയിട്ടുണ്ട് എന്നും അവിടെ വ്യക്തമാകുന്നു . ഞാൻ നിങ്ങളുടെ കൂടെ നിൽക്കുന്നത് പോലെ ആയിരിക്കില്ല അനീഷ് നിങ്ങൾക്കൊപ്പം നിൽക്കുന്നത്. നിങ്ങളോട് അഭിപ്രായ വ്യത്യാസമോ മറ്റെന്തിങ്കിലുമോ പറയാൻ ഉണ്ടെങ്കിൽ അനീഷ് അത് തുറന്ന് പറയും. ചിലപ്പോൾ നോമിനേഷനിലും നിങ്ങളുടെ പേര് ഒരു മടിയും കൂടാതെ അനീഷ് പറയും, ആദിലയോട് ഷാനവാസ് പറഞ്ഞു. 

Also Read: എന്റെ ജീവിതം നശിപ്പിച്ച, ഒരിക്കലും കാണരുതെന്ന് ആഗ്രഹിച്ച ആളാണ് കൈ തന്നിട്ട് പോയത്: ജീവനെ കുറിച്ച് അനുമോൾ: Bigg Boss Malayalam 7

അനീഷിന്റെ ഉള്ളിൽ സ്നേഹം ഉണ്ട്

അങ്ങനെയൊക്കെ ചെയ്താലും അനീഷിന്റെ ഉള്ളിൽ സ്നേഹം ഉണ്ടാവും. മറ്റൊരു തരത്തിലും അതിനെ കാണേണ്ടതില്ലെന്നും ഷാനവാസ് പറഞ്ഞു. അനീഷിന്റെ ഉള്ളിൽ സ്നേഹം ഉണ്ട് എന്ന് തനിക്ക് അറിയാം എന്നാണ് ആദിലയുടെ മറുപടി. സ്നേഹം പ്രകടിപ്പിക്കാൻ അനീഷിന് അറിയില്ല. ചിലപ്പോൾ അദ്ദേഹം കടന്നു വന്ന വഴികളെ തുടർന്നാവാം ഇങ്ങനെ ഒരു പരുഷമായ ക്യാരക്റ്ററായി മാറിയത് എന്നും ആദില പറഞ്ഞു., 

Also Read: ബ്രേക്കപ്പിനു ശേഷം ജീവനെ മുഖാമുഖം കണ്ടപ്പോൾ; അമ്പരന്ന് അനുമോൾ, Bigg Boss Malayalam 7

"അനീഷ് ഇങ്ങനെ പെരുമാറുന്നതിൽ എനിക്ക് പ്രശ്നങ്ങളൊന്നുമില്ല. ഇമ്യൂണിറ്റിയുടെ കാര്യത്തിൽ അനീഷിന്ഉണ്ടായിരുന്ന തെറ്റിദ്ധാരണകളെല്ലാം ഞാൻ മാറ്റിയിരുന്നു. നമ്മൾ എല്ലാം പ്ലാൻ ചെയ്തു. പിന്നെ വൈൽഡ് കാർഡ് വന്നതിന് ശേഷമാണ് നമ്മുടെ അടുപ്പത്തിൽ മാറ്റമുണ്ടായത് എന്നെല്ലാം അനീഷ് വിശ്വസിച്ചിരുന്നു. അതിനെ കുറിച്ചെല്ലാം ഞാൻ അനീഷിനോട് സംസാരിച്ചു. അനീഷിന് അതെല്ലാം വ്യക്തമായിട്ടുണ്ട്," ഷാനവാസിനോട് ആദില പറഞ്ഞു.

Also Read: എന്തുകൊണ്ട് ആദില തല്ലിയിട്ട് വലിയ വിഷയമാക്കിയില്ല? അനീഷ് കാരണം പറയുന്നു; Bigg Boss Malayalam Season 7

ഞായറാഴ്ചത്തെ എപ്പിസോഡിൽ മോഹൻലാൽ ആദ്യം ചോദിച്ചത് ആദിലയുടെ ദേഷ്യത്തെ കുറിച്ചായിരുന്നു. അനീഷും ആദിലയും തമ്മിലുള്ള ഈ പ്രശ്നം കണ്ട് ബോറടിച്ചു എന്ന ഷാനവാസിന്റെ വാക്കുകൾ ശരിയാണ് എന്ന് മോഹൻലാലും പറഞ്ഞിരുന്നു. തനിക്ക് ഇഷ്ടമുള്ള ആളുകളോടാണ് ഇങ്ങനെ പെരുമാറുന്നത് എന്നാണ് ആദില പറയുന്നത്. തന്നോട് ആദിലയ്ക്ക് വ്യക്തി വിരോധം ഉള്ളത് പോലെ തോന്നുന്നതായി അനീഷ് മോഹൻലാലിനോട് പറഞ്ഞിരുന്നു. ഈ വീക്കെൻഡ് എപ്പിസോഡ് കഴിഞ്ഞതോടെ അനീഷും ആദിലയും തമ്മിലുള്ള ഗെയിം എങ്ങനെയാവും എന്നത് പ്രേക്ഷകർക്ക് ആകാംക്ഷ ഉണർത്തുന്നതാണ്. 

Also Read: 30 ലക്ഷത്തിന്റെ കടം; വിവാഹത്തിനായി തുക കണ്ടെത്തണം: അനുമോൾ ; Bigg Boss Malayalam Season 7