ബ്രേക്കപ്പിനു ശേഷം ജീവനെ മുഖാമുഖം കണ്ടപ്പോൾ; അമ്പരന്ന് അനുമോൾ, Bigg Boss Malayalam 7

Bigg Boss malayalam Season 7: ബിഗ് ബോസ് വീട്ടിലെത്തിയ അനുമോളിന് അടിമുടി ഷോക്ക് നൽകുന്നൊരു​ അനുഭവമാണ് ഇന്ന് ഉണ്ടായത്. അപ്രതീക്ഷിതമായി ബിഗ് ബോസ് വീട്ടിലേക്ക് എത്തിയ അതിഥികളിൽ ഒരാളെ കണ്ട് അക്ഷരാർത്ഥത്തിൽ അമ്പരക്കുകയായിരുന്നു അനുമോൾ.

Also Read: അനീഷിന്റെ മുതുകിൽ ഇടിച്ച് ആദില? നടപടി വേണമെന്ന ആവശ്യം ശക്തം ; Bigg Boss Malayalam Season 7

മറ്റാരുമല്ല,  നടൻ ജീവൻ ഗോപാൽ ആണ് ബിഗ് ബോസ് വീട്ടിലേക്ക് അതിഥിയായി എത്തിയത്. പുതിയ സിറ്റ്കോം പരമ്പരയായ 'ഹാപ്പി കപ്പിൾസി'ൻ്റെ പ്രൊമോഷൻ്റെ ഭാഗമായിട്ടായിരുന്നു ജീവനും പരമ്പരയിലെ  നായികയും ബിഗ് ബോസ് ഹൗസിലേക്ക് അതിഥികളായി എത്തിയത്.

Also Read: ബേബിയുടെ ദേഷ്യം എനിക്ക് സഹിക്കാൻ പറ്റില്ല; ആദിലയോട് കയർത്ത് നൂറ, ഇരുവരും  വഴിപിരിയുന്നോ? Bigg Boss Malayalam 7

വർഷങ്ങളോളം അനുമോളുടെ അടുത്ത സുഹൃത്തായിരുന്നു ജീവൻ. ഇരുവരും പ്രണയത്തിലാണ്, വിവാഹിതരാവാൻ പോവുന്നു എന്ന രീതിയിൽ വാർത്തകളും ഉണ്ടായിരുന്നു. എന്നാൽ പിന്നീട് ഇരുവരും വേർപിരിയുകയായിരുന്നു. ഇപ്പോൾ നല്ല സ്വരചേർച്ചയിൽ അല്ല ജീവനും അനുമോളും. അതിനിടയിലാണ് ബിഗ് ബോസ് വീട്ടിലേക്ക് ജീവന്റെ മിന്നൽ സന്ദർശനം.

ബിഗ് ബോസ് വീട്ടിൽ അതിഥിയായി എത്തിയ ജീവനെ കണ്ട് അനുമോൾ ഞെട്ടി. ഇരുവരും മുൻപ് പരിചയക്കാരാണെങ്കിലും, ഹൗസിൽ അപരിചിതരെ പോലെയാണ് ജീവനും അനുമോളും പെരുമാറിയത്. പരസ്പരം നോക്കാൻ പോലും ശ്രമിക്കാതെ   ഒഴിഞ്ഞുമാറുകയായിരുന്നു അനുമോൾ.  ​ഇടയ്ക്ക് അബദ്ധത്തിൽ ഇരുവരുടെയും  കണ്ണുകൾ ഇടഞ്ഞപ്പോൾ, ജീവൻ ഉടൻ തന്നെ മറ്റൊരിടത്തേക്ക് നോക്കുകയും, അനുമോൾ വേഗം അവിടുന്ന് മാറിപോവുകയും ചെയ്തു.

Also Read: നിന്റെ ഡ്രാമ എന്റെയടുത്ത് ഇറക്കരുത്; ജിസേലിനോട് പൊട്ടിത്തെറിച്ച് ആര്യൻ | Bigg Boss Malayalam Season 7

​ജീവനെ ഒഴിവാക്കാനായി അനുമോൾ വീട്ടിലെ വിവിധ സ്ഥലങ്ങളിലേക്ക് മാറി സഞ്ചരിക്കുന്നതും കാണാമായിരുന്നു. ജീവൻ ലിവിംഗ് റൂമിൽ നിൽക്കുമ്പോൾ അനു ബെഡ്‌റൂമിലേക്കും, ബെഡ്‌റൂമിൽ വരുമ്പോൾ കിച്ചണിലേക്കും, ഒടുവിൽ ആദിലയെ വിളിച്ച് ഡ്രസ്സിംഗ് റൂമിലേക്കും പോകുന്ന കാഴ്ചയാണ് ലൈവിൽ കണ്ടത്. പോകാൻ നേരം ജീവൻ  മുൻകൈ എടുത്ത് അനുമോളോട് സംസാരിച്ചെന്നു വരുത്തിയതിനു ശേഷമാണ് വീട് വിട്ടിറങ്ങിയത്.

ഏഷ്യാനെറ്റിൽ സംപ്രേക്ഷണം ചെയ്ത ‘അലാവുദ്ദീന്റെ അത്ഭുതവിളക്ക്’ എന്ന പരമ്പരയിൽ ‘ജീം ബൂ ബാ’ എന്ന ജിന്നായി എത്തിയാണ് ജീവൻ ജീവൻ മിനിസ്ക്രീൻ പ്രേക്ഷകർക്ക് ഏറെ സുപരിചിതനായത്. അമ്മ, ദേവി മഹാത്മ്യം, അനന്തം, മക്കൾ തുടങ്ങിയ സീരിയലുകളിലും ശ്രദ്ധേയമായ കഥാപാത്രങ്ങളെ അവതരിപ്പിച്ച മാസ്റ്റർ ജീവൻ ഇപ്പോൾ ജീവൻ ഗോപാൽ ആണ്. രാപ്പകൽ, മൈ ബോസ്, മമ്മി ആൻഡ് മീ എന്നീ ചിത്രങ്ങളിലും ജീവൻ ശ്രദ്ധേയമായ കഥാപാത്രങ്ങളെ അവതരിപ്പിച്ചിട്ടുണ്ട്.

Also Read:  പിന്നിൽ നിന്ന് ഒനീലിന്റെ കുത്ത്; ടാസ്കിൽ നിന്ന് ഇറങ്ങിപ്പോയി നെവിൻ ; Bigg Boss Malayalam Season 7