അനീഷിന്റെ മുതുകിൽ ഇടിച്ച് ആദില? നടപടി വേണമെന്ന ആവശ്യം ശക്തം ; Bigg Boss Malayalam Season 7

Bigg Boss malayalam Season 7:അനീഷും ആദിലയും തമ്മിലുള്ള വഴക്ക് ഹൗസിൽ ഏതാനും ദിവസമായി ചൂടുപിടിക്കുകയായിരുന്നു. ആദിലയെ നെവിന്റെ പേരിൽ എവിക്ഷൻ നോമിനേഷനിലേക്ക് അനീഷ് പറഞ്ഞത് മുതലാണ് അനീഷിനെതിരെ ആദില തിരിഞ്ഞത്. അനീഷ് ക്യാപ്റ്റനായ വെസൽ ടീമിലെ അംഗമായിരുന്നു ആദില. എന്നാൽ പാത്രം കഴുകുന്നതുമായി ബന്ധപ്പെട്ട് അനീഷും ആദിലയും തമ്മിലുള്ള തർക്കം അതിരുവിട്ടിരുന്നു. ഇതിന് പിന്നാലെയാണ് ആദില അനീഷിനെ ഇടിച്ചു എന്ന് പറഞ്ഞ് മറ്റ് മത്സരാർഥികളെല്ലാം ആദിലയെ ജയിലിലേക്ക് നോമിനേറ്റ് ചെയ്തിരിക്കുന്നത്. 

അനീഷ് തള്ളിയത് കൊണ്ടാണ് താൻ ഇടിച്ചത് എന്നാണ് ആദില ജയിൽ നോമിനേഷന്റെ സമയത്ത് പറയുന്നത്. അനീഷിനെതിരെ ഒരു മോശം വാക്ക് താൻ പറഞ്ഞതായും ആദില സമ്മതിക്കുന്നു. അതിൽ ക്ഷമ ചോദിക്കുന്നതായും ആദില പറഞ്ഞു. അനീഷ് എന്നെ ട്രിഗർ ചെയ്തപ്പോൾ ഞാൻ അതിൽ വീണ് പോയി എന്ന് ആദില പറഞ്ഞപ്പോൾ ഞാൻ ആദിലയെ ട്രിഗർ ചെയ്യാനൊന്നും പോയില്ല, എനിക്ക് വേറെ പണിയില്ലേ എന്നെല്ലാമാണ് അനീഷ് തിരിച്ചു പറഞ്ഞത്. 

Also Read: ബേബിയുടെ ദേഷ്യം എനിക്ക് സഹിക്കാൻ പറ്റില്ല; ആദിലയോട് കയർത്ത് നൂറ, ഇരുവരും  വഴിപിരിയുന്നോ? Bigg Boss Malayalam 7

അനീഷിനെ ആദില തല്ലുന്ന ദൃശ്യങ്ങൾ ലൈവിൽ കാണിച്ചിട്ടില്ല. ജയിൽ നോമിനേഷനിൽ മത്സരാർഥികൾ പറഞ്ഞതോടെയാണ് ഇത് പ്രേക്ഷകരുടെ ശ്രദ്ധയിലേക്കും എത്തിയത്. പാത്രം കഴുകണം എന്ന് അനീഷ് പറഞ്ഞുകൊണ്ടിരുന്നത് ആദിലയെ അലോസരപ്പെടുത്തിയിരുന്നു. ഞാൻ പാത്രം കഴുകിക്കോളാം എന്ന് പറഞ്ഞ് അനീഷ് പോയതോടെ അനീഷിന്റെ ബെഡ് ഷീറ്റും പില്ലോയുമെല്ലാം ആദില വലിച്ചെറിഞ്ഞിരുന്നു. അനീഷിന്റെ ദേഹത്തേക്ക് ആദില വെള്ളം കുടഞ്ഞിടുക ഉൾപ്പെടെ ചെയ്തു. 

Also Read: നോമിനേഷൻ കടുപ്പം തന്നെ; 11 പേര് ഡേഞ്ചർ സോണിൽ, ആരാവും ഈ ആഴ്ച പുറത്തുപോവുക? Bigg Boss Malayalam 7

നൂറയും ആദിലയെയാണ് ജയിലിലേക്ക് നോമിനേറ്റ് ചെയ്തത്. ആദിലയേയും അനീഷിനേയുമാണ് ഷാനവാസ് ജയിലിലേക്ക് നോമിനേറ്റ് ചെയ്തത്. ജയിലിൽ കിടന്ന് ഇരുവരും തമ്മിലുള്ള പ്രശ്നങ്ങൾ പരിഹരിക്കട്ടെ എന്നാണ് ജയിലേക്ക് നോമിനേറ്റ് ചെയ്തുകൊണ്ട് ഷാനവാസ് പറഞ്ഞത്. ജയിലിൽ ഇരുന്ന് തങ്ങളുടെ ജീവിതത്തെ കുറിച്ച് സംസാരിക്കുന്ന ആദിലയേയും അനീഷിനേയുമാണ് കാണുന്നത്. 

Also Read: ഞാൻ ആ മത്സരാർത്ഥിയുടെ ഫാനാണ്; വെളിപ്പെടുത്തി ആസിഫ് അലി- Bigg Boss Malayalam 7

ആദില അനീഷിനെ അടിച്ചതിന്റെ പേരിൽ അനീഷിന് ആദിലയ്ക്ക് എതിരെ പരാതി നൽകാവുന്നതാണെന്ന് പ്രേക്ഷകർ പറയുന്നു. സമൂഹമാധ്യമങ്ങളിലും ഈ വാദം ശക്തമാണ്. എന്നാൽ അങ്ങനെയൊരു പരാതി ഉന്നയിച്ച് ഒരു മത്സരാർഥിയെ പുറത്താക്കാൻ അനീഷ് ആഗ്രഹിക്കുന്നില്ല എന്നത് അനീഷിന്റെ പോസിറ്റീവ് ഗെയിമിന്റെ ഭാഗമാണെന്നും പ്രേക്ഷകർ പറയുന്നു.

Read More: ചെറിയൊരു വീട്; കട്ടിലിനടിയിൽ കിടന്നാണ് ഉറങ്ങിയിരുന്നത്; വിശപ്പ് സഹിക്കാനയിരുന്നില്ല: അക്ബർ ; Bigg Boss Malayalam Season 7