എന്തുകൊണ്ട് ആദില തല്ലിയിട്ട് വലിയ വിഷയമാക്കിയില്ല? അനീഷ് കാരണം പറയുന്നു; Bigg Boss Malayalam Season 7

Bigg Boss malayalam Season 7:ആദിലയും അനീഷും തമ്മിലുള്ള തർക്കമായിരുന്നു കഴിഞ്ഞ കുറച്ച് ദിവസങ്ങളായി ബിഗ് ബോസ് ഹൗസിനെ പിടിച്ചു കുലുക്കിയിരുന്നത്. അനീഷിന്റെ മുതുകിൽ ആദില ദേഷ്യത്തിൽ ഇടിക്കുകയും മോശം വാക്ക് പറയുകയും ചെയ്തു. പക്ഷേ അനീഷ് അത് വലിയ വിഷയമാക്കിയില്ല. എന്തുകൊണ്ട് ഇത് വലിയ വിഷയമാക്കിയില്ല എന്ന് ആദിലയോടും ഷാനവാസിനോടും നൂറയോടും പറയുകയാണ് അനീഷ്. 

തൊപ്പി ടാസ്കിന് ഇടയിൽ ഷാനവാസിന്റെ കൈവിരൽ അനീഷ് കടിച്ച് മുറിച്ചിരുന്നു. അങ്ങനെയൊരു കാര്യം ചെയ്ത ഞാൻ ആദിലയുടെ ഈ അടി ഒരു വലിയ വിഷയമാക്കുമോ എന്നാണ് ചിരി നിറച്ച് അനീഷ് പറയുന്നത്. എന്റെ കണ്ണിലെ കരട് എടുക്കാതെ എനിക്ക് മറ്റുള്ളവരെ കുറ്റം പറയാനാവില്ലല്ലോ എന്നാണ് ജയിലിൽ കിടന്ന് അനീഷ് പറയുന്നത്. 

Also Read: നോമിനേഷൻ കടുപ്പം തന്നെ; 11 പേര് ഡേഞ്ചർ സോണിൽ, ആരാവും ഈ ആഴ്ച പുറത്തുപോവുക? Bigg Boss Malayalam 7

ആദിലയെ നെവിന്റെ പേരിൽ എവിക്ഷൻ നോമിനേഷനിലേക്ക് അനീഷ് പറഞ്ഞത് മുതലാണ് അനീഷിനെതിരെ ആദില തിരിഞ്ഞത്. അനീഷ് ക്യാപ്റ്റനായ വെസൽ ടീമിലെ അംഗമായിരുന്നു ആദില. എന്നാൽ പാത്രം കഴുകുന്നതുമായി ബന്ധപ്പെട്ട് അനീഷും ആദിലയും തമ്മിലുള്ള തർക്കം അതിരുവിട്ടിരുന്നു. ഇതിന് പിന്നാലെയാണ് ആദില അനീഷിനെ ഇടിച്ചു എന്ന് പറഞ്ഞ് മറ്റ് മത്സരാർഥികളെല്ലാം ആദിലയെ ജയിലിലേക്ക് നോമിനേറ്റ് ചെയ്തത്.

Also Read: ഞാൻ ആ മത്സരാർത്ഥിയുടെ ഫാനാണ്; വെളിപ്പെടുത്തി ആസിഫ് അലി- Bigg Boss Malayalam 7

അനീഷ് തള്ളിയത് കൊണ്ടാണ് താൻ ഇടിച്ചത് എന്നാണ് ആദില ജയിൽ നോമിനേഷന്റെ സമയത്ത് പറയുന്നത്. അനീഷിനെതിരെ ഒരു മോശം വാക്ക് താൻ പറഞ്ഞതായും ആദില സമ്മതിക്കുന്നു. അതിൽ ക്ഷമ ചോദിക്കുന്നതായും ആദില പറഞ്ഞു.

Read More: ചെറിയൊരു വീട്; കട്ടിലിനടിയിൽ കിടന്നാണ് ഉറങ്ങിയിരുന്നത്; വിശപ്പ് സഹിക്കാനയിരുന്നില്ല: അക്ബർ ; Bigg Boss Malayalam Season 7