ഒറ്റയടിക്ക് അ'കു'ബർ ട്രോളുകൾക്ക് പൂട്ടിട്ടു; സ്കോർ ചെയ്ത് ഷാനവാസ് ; Bigg Boss Malayalam Season 7

Bigg Boss malayalam Season 7:ബിഗ് ബോസ് മലയാളം സീസൺ 7 അവസാനിക്കാൻ ഇനി 26 ദിവസത്തോളമാണ് ബാക്കിയുള്ളത്. ബിഗ് ബോസ് ജേതാവാകാൻ ലക്ഷ്യമിട്ട് മത്സരാർഥികൾ തന്ത്രങ്ങൾ മാറ്റിയും മറിച്ചും മൂർച്ച കൂട്ടിക്കൊണ്ടിരിക്കുകയാണ്. അതിനിടയിൽ ഇന്ന് ബിഗ് ബോസ് നൽകിയ മോണിങ് ടാസ്കിൽ പലരും മനസ് തുറക്കുന്നതാണ് കണ്ടത്. ഹൗസിനുള്ളിലെ ഏറ്റവും പ്രിയപ്പെട്ട നിമിഷങ്ങൾ പങ്കുവയ്ക്കാനാണ് ബിഗ് ബോസ് മോണിങ് ടാസ്ക് ആയി നിർദേശിച്ചത്. 

ഷാനവാസിനൊപ്പം ജയിലിൽ കിടന്ന നിമിഷങ്ങൾ ആണ് ഹൗസിലെ തന്റെ ഏറ്റവും പ്രിയപ്പെട്ടത് എന്നാണ് അനീഷ് പറഞ്ഞത്. കോളജിൽ പഠിക്കുമ്പോൾ സുഹൃത്തുക്കൾക്കൊപ്പം ഇരിക്കുമ്പോഴുള്ളത് പോലെയാണ് ഷാനവാസിനൊപ്പം ആ സമയം നിന്നപ്പോൾ തോന്നിയത് എന്ന് അനീഷ് പറഞ്ഞു.

Also Read: ബിഗ് ബോസിലെ അടുത്ത കട്ടപ്പ ആദില? നൈസായി സ്കൂട്ടാവാൻ 'പെങ്ങളൂട്ടി' ; Bigg Boss Malayalam Season 7

ഇതിനിടയിൽ ഷാനവാസ് പറഞ്ഞത് ബിഗ് ബോസ് ഹൗസിലെ മത്സരാർഥികളും പ്രേക്ഷകരും പ്രതീക്ഷിക്കാത്ത സംഭവം ആയിരുന്നു. കാരണം ഷാനവാസ് എന്തിനും ഏതിനും കുറ്റം പറയുന്നത് അക്ബറിനെയാണ് എന്ന വിമർശനവും പരിഹാസവും സമൂഹമാധ്യമങ്ങളിൽ ശക്തമായിരുന്നു. അക്ബറിന് സ്ക്രീൻസ്പേസ് നൽകരുത് എന്നതുൾപ്പെടെയുള്ള ഇവർ പറഞ്ഞ വിഡിയോ വീക്കെൻഡ് എപ്പിസോഡിൽ കാണിച്ചിരുന്നു. ഇതിനെന്താ കാരണം എന്ന് മോഹൻലാൽ ചോദിച്ചപ്പോൾ അക്ബർ ഞങ്ങളെ ഒരുപാട് ഉപദ്രവിക്കുന്നു എന്നാണ് ഷാനവാസ് മറുപടി നൽകിയത്.

Also Read: ഡ്രസ്സിങ് റൂമിൽ മൂന്ന് പേരും ഒരുമിച്ച് കയറുന്നത് എന്തിനാണ്? ലാലേട്ടന്റെ താക്കീത് ; Bigg Boss Malayalam Season 7

എന്നാൽ ബിഗ് ബോസ് ഹൗസിലെ ഏറ്റവും പ്രിയപ്പെട്ട നിമിഷമായി ഷാനവാസ് പറഞ്ഞത് അക്ബറിനൊപ്പമുള്ള ഒരു നിമിഷം ആണ്. അക്ബറും ഷാനവാസും തമ്മിലുള്ള കൊമ്പുകോർക്കൽ സീസണിന്റെ തുടക്കത്തിൽ പതിവായിരുന്നു. ഇരുവരേയും കൺഫെഷൻ റൂമിലേക്ക് നിരവധി വട്ടം ബിഗ് ബോസിന് വിളിക്കേണ്ടി വന്നു. ഒടുവിൽ ഇനി നിങ്ങൾ അടിയുണ്ടാക്കിയാൽ ഹൗസിൽ നിന്ന് പുറത്താക്കും എന്ന് ബിഗ് ബോസ് ഇരുവരോടും വ്യക്തമാക്കി. ഇതിന് ശേഷം അക്ബർ തന്നെ വിളിച്ചുകൊണ്ടുപോയ സംഭവം ആണ് ഷാനവാസ് പറയുന്നത്.

Also Read: 'മോഹൻലാൽ അക്ബറിന്റെ പിആർ'! ഷാനവാസിനെ ട്രോളി കൊന്ന് ആരാധകരും ; Bigg Boss Malayalam Season 7

ഗാർഡൻ ഏരിയയിൽ ഇരിക്കുകയായിരുന്ന ഷാനവാസിനെ അക്ബർ വിളിച്ചുകൊണ്ടുപോയി മാറ്റിയിരുന്ന് സംസാരിച്ചു. ഇരുവരും മനസ് തുറന്ന് അവിടെ സംസാരിച്ചിരുന്നു. ഷാനവാസ് അസുഖങ്ങളെ കുറിച്ചും ഉമ്മയെ കുറിച്ചുമെല്ലാം പറഞ്ഞപ്പോൾ അക്ബറും വൈകാരികമായാണ് പ്രതികരിച്ചത്. ഈ സംഭവത്തെ കുറിച്ച് മോണിങ് ടാസ്കിൽ പറഞ്ഞ ഷാനവാസ് പറഞ്ഞു നിർത്തിയത് ഇങ്ങനെയാണ്, "വലിയൊരു മനുഷ്യന്റെ മനസിനകത്ത് ചെറിയൊരു മനസുണ്ട് എന്ന് ഞാനവിടെ മനസിലാക്കി.അത് ഒരിക്കലും മറക്കാൻ പറ്റില്ല," വൈകാരികമായാണ് ഷാനവാസ് ഇത് പറഞ്ഞ് നിർത്തിയത്.

Also Read:  കള്ളം പറയരുത്, ഞാൻ തെളിവുകൾ കാണിക്കും: അനീഷിന്റെ കള്ളത്തരം പൊളിച്ച് ലാലേട്ടൻ, Bigg Boss Malayalam 7