ബിഗ് ബോസിലെ അടുത്ത കട്ടപ്പ ആദില? നൈസായി സ്കൂട്ടാവാൻ 'പെങ്ങളൂട്ടി' ; Bigg Boss Malayalam Season 7

Bigg Boss malayalam Season 7:ഷാനവാസിനെ എല്ലാ അർഥത്തിലും തകർത്താണ് മോഹൻലാൽ ശനിയാഴ്ചത്തെ എപ്പിസോഡ് അവസാനിപ്പിച്ചത്. ശനിയാഴ്ചത്തെ എപ്പിസോഡിന്റെ അവസാനം ആദിലയും നൂറയും തമ്മിൽ സംസാരിക്കുന്നത് ചൂണ്ടി ബിഗ് ബോസ് മലയാളത്തിലെ ഈ സീസണിലെ അടുത്ത കട്ടപ്പ ആദില എന്നാണ് പ്രതികരണങ്ങൾ വരുന്നത്. 

ഓരോരോ കാരണങ്ങൾ നിരത്തി ഷാനവാസിനെതിരെ മോഹൻലാൽ അത്രയും രോഷത്തോടെ സംസാരിച്ചതോടെ ഇനി ഷാനവാസിനൊപ്പം നിൽക്കില്ല എന്നാണ് ആദില പറയുന്നത്. ഷാനവാസിനോടുള്ള ഇമോഷണൽ അറ്റാച്ച്മെന്റ് ഇനി ഉണ്ടാവില്ല എന്നും ഷാനവാസ് മെയിൽ ഷോവനിസ്റ്റ് ആണെന്നും ആദില പറയുന്നു. ഷാനവാസ് മെയിൽ ഷോവനിസ്റ്റ് ആണെന്ന് ഇതിനും മുൻപും ആദിലയും നൂറയും പറഞ്ഞിട്ടുണ്ട്. വീക്കെൻഡ് എപ്പിസോഡിൽ ലാലേട്ടനിൽ നിന്നും ഷാനവാസിന് ഇത്രയും കേൾക്കേണ്ടി വന്നതോടെ ഇനി ഷാനവാസിനൊപ്പം തുടരുന്നത് അപകടമാണ് എന്ന തോന്നൽ ഇവർക്ക് വന്നു.

Also Read: കള്ളം പറയരുത്, ഞാൻ തെളിവുകൾ കാണിക്കും: അനീഷിന്റെ കള്ളത്തരം പൊളിച്ച് ലാലേട്ടൻ, Bigg Boss Malayalam 7

ഷാനവാസിൽ നിന്ന് അകന്ന് ആദില ഗെയിം മാറ്റാനാണ് സാധ്യത. എന്നാൽ ഒരു സഹോദരൻ എന്ന നിലയിൽ കണ്ടിരുന്ന ആളിൽ നിന്ന് അയാൾക്കൊരു വീഴ്ച ഉണ്ടായപ്പോൾ ആദില മാറുന്നു എന്നാണ് സമൂഹമാധ്യമങ്ങളിൽ ഉയരുന്ന പ്രതികരണങ്ങൾ. എന്നാൽ തങ്ങളുടെ ഗെയിമിനെ ബാധിക്കും എന്ന് വ്യക്തമായ സ്ഥിതിക്ക് ആദില സ്വതന്ത്രമായി കളിക്കുകയാണ് വേണ്ടത് എന്ന് വാദിക്കുന്നവരും ഉണ്ട്. 

Also Read: ഫ്ളാറ്റ് മാറാൻ പറഞ്ഞാൽ എന്ത് ചെയ്യും; അസുഖം വന്നാലോ; നമ്മുടേത് സർവൈവൽ ആണ്: ആദില ; Bigg Boss Malayalam Season 7

ആദിലയും ഷാനവാസും ഉൾപ്പെട്ട ഗ്രൂപ്പ് തകരുന്നതോടെ ഇവർക്ക് ലഭിക്കുന്ന വോട്ടുകളിൽ മാറ്റമുണ്ടാകുമോ എന്നതാണ് മറ്റൊരു ചോദ്യം. ആദില, നൂറ, അനുമോൾ, ഷാനവാസ് എന്നിവർ സ്വതന്ത്രമായി ഗെയിം കളിക്കാൻ തുടങ്ങിയാൽ ആരുടെ വോട്ട് ബാങ്കിലാണ് വിള്ളൽ വീഴുന്നത് എന്ന് അറിയണം. ആദിലയ്ക്ക് തിരിച്ചടിയാവാനാണ് സാധ്യതകളെല്ലാം.

Also Read: അനീഷ് കോമണർ അല്ല; യഥാർഥ കോമണർ ആദിലയും നൂറയും: സാബുമോൻ ; Bigg Boss Malayalam Season 7

ഷാനവാസിൽ നിന്ന് അകലുന്നതോടെ ആദിലയുടെ ഫെയ്ക്ക് മുഖമാണ് പുറത്ത് വരുന്നത് എന്ന വിലയിരുത്തലുകൾ ശക്തമാണ്. നെവിനെതിരെ ഷാനവാസ് ആരോപണം ഉന്നയിച്ചത് വലിയ വിവാദമായിരുന്നു. പക്ഷേ അത് ആദിലയെ രക്ഷിക്കാൻ വേണ്ടിയായിരുന്നു എന്ന് പിന്നീട് ഷാനവാസ് വെളിപ്പെടുത്തി. പക്ഷേ തിരിച്ച് ഇപ്പോൾ ആദിലയുടെ ഭാഗത്ത് നിന്ന് ഉണ്ടാകുന്നത് ചതിയാണ് എന്നാണ് സമൂഹമാധ്യമങ്ങളിലൂടെയുള്ള പ്രേക്ഷകരുടെ പ്രതികരണങ്ങൾ.

Read More: ക്യാമറ സ്പേസ് കിട്ടുന്നില്ല; നെവിനെ വലിച്ചുമാറ്റി അനീഷ്; ജയിലിലുമായി Bigg Boss Malayalam Season 7