അക്ബറിന്റെ നോട്ടം ശരിയല്ലെന്ന് പറയാൻ എന്താ കാരണം? അനുമോൾക്കും കിട്ടി ഏഴിന്റെ പണി- Bigg Boss Malayalam Season 7

Bigg Boss malayalam Season 7: അക്ബർ ഖാന്റെ നോട്ടം ശരിയല്ല എന്ന് അനുമോൾ ആദിലയോട് പറഞ്ഞത് വീക്കെൻഡ് എപ്പിസോഡിൽ ചർച്ചയാക്കി മോഹൻലാൽ. ഞായറാഴ്ചത്തെ എപ്പിസോഡിന്റെ പ്രൊമോയിൽ എന്തുകൊണ്ടാണ് അക്ബറിനെ കുറിച്ച് അങ്ങനെ പറഞ്ഞത് എന്ന് അനുമോളോട് മോഹൻലാൽ ചോദിക്കുന്ന് കാണാം. ഈ ചോദ്യം കേട്ട് അനുമോളുടെ മുഖം വല്ലാതെയാവുന്നതും പ്രൊമോയിൽ വ്യക്തമാണ്. ഇതോടെ ഇന്നത്തെ എപ്പിസോഡിനായി കാത്തിരിക്കുകയാണ് പ്രേക്ഷകർ. 

അക്ബറിന്റെ നോട്ടം ശരിയല്ല എന്ന് അനുമോൾ പറഞ്ഞതായി മോഹൻലാൽ പറയുമ്പോൾ എന്താണ് ഉദ്ദേശിച്ചത് എന്ന് അനുമോളോട് ചോദിക്കുമോ എന്നാണ് ലാലേട്ടനോട് അക്ബർ പറയുന്നത്. അനുമോൾ അങ്ങനെ പറഞ്ഞോ എന്ന് മോഹൻലാൽ വീണ്ടും ചോദിക്കുമ്പോൾ താൻ അങ്ങനെയല്ല ഉദ്ദേശിച്ചത് എന്ന നിലയിൽ പ്രതികരിക്കാനാണ് അനുമോൾ ശ്രമിക്കുന്നത്. 

Also Read: Bigg Boss: പണി വരുന്നുണ്ട് അക്ബറേ! ക്ഷുഭിതനായി മോഹൻലാൽ

"എന്താണ് അങ്ങനെ പറയാൻ കാരണം? എത്രയോ സെക്കന്റ് ഒക്കെയെ ഒരാളെ നോക്കാൻ പാടുള്ളു എന്നെല്ലാം ഉണ്ട്. ഞാനിപ്പോൾ കള്ളം പറഞ്ഞത് പോലെ ആയല്ലോ. എന്തായാലും നമുക്ക് ആ വിഡിയോ ഒന്ന് കാണാം," ഇങ്ങനെയാണ് പ്രൊമോയിൽ മോഹൻലാലിന്റെ വാക്കുകൾ. 

View this post on Instagram

A post shared by Asianet (@asianet)

Also Read: Bigg Boss: "പേക്കോലം കെട്ടി ആടാനുള്ളതല്ല ബിഗ് ബോസ്"; തീപ്പൊരിയായി ബിൻസി; മാസ് എന്ന് ഫാൻസ്

"അക്ബറിന്റെ മുഖം കാണുന്നത് തന്നെ എനിക്ക് ഭയമാണ്"

അക്ബർ ഖാന്റെ നോട്ടം ശരിയല്ല എന്ന് അനുമോൾ ഏതാനും ദിവസം മുൻപ് ഹൗസിൽ പറഞ്ഞിരുന്നു. "അനീഷേട്ടനെ പിന്നെയും സഹിക്കാം. എന്നാൽ അക്ബറിന്റെ മുഖം കാണുന്നത് തന്നെ എനിക്ക് ഭയമാണ്. ഹൗസിൽ സഹിക്കാൻ പറ്റാത്ത കുറേപ്പേരുണ്ട്. അക്ബർ ഇക്കയും അങ്ങനെയാണ്. പുള്ളിയുടെ സ്വഭാവം എനിക്ക് ഇഷ്ടം അല്ല. അക്ബറിന്റെ നോട്ടവും എനിക്ക് ഇഷ്ടമല്ല. എന്നെ അക്ബർ നോക്കുന്നത് കാണുമ്പോൾ എനിക്ക് പേടി ആകുന്നു," അക്ബറിനെതിരെ അനുമോൾ പറഞ്ഞത് ഇങ്ങനെയായിരുന്നു.

Also Read: "അക്ബർ നോക്കുമ്പോൾ എനിക്ക് പേടി ആകുന്നു"; അക്ബറിനെ ടാർഗറ്റ് ചെയ്ത് അനുമോൾ? - Bigg Boss Malayalam Season 7

ഈ വിഡിയോ മറ്റ് മത്സരാർഥികളുടെ മുൻപിൽ ബിഗ് ബോസ് കാണിക്കുമ്പോൾ എങ്ങനെയാവും അനുമോളുടെ പ്രതികരണം എന്നത് ആകാംക്ഷയുണർത്തുന്നതാണ്. അക്ബർ ഖാനെ അനുമോൾ ടാർഗറ്റ് ചെയ്ത് കളിക്കാൻ തുടങ്ങിയതിന്റെ ഭാഗമായാണ് അനുമോളിൽ നിന്ന് അങ്ങനെ വാക്കുകൾ വന്നത് എന്നാണ് പ്രേക്ഷകർക്കിടയിൽ വിലയിരുത്തലുകൾ ഉയർന്നത്. എന്നാൽ അതിപ്പോൾ അനുമോൾക്ക് തിരിച്ചടിയായി മാറുകയാണോ?  

Also Read: ലാലേട്ടനെ നമ്പാതെ എന്ന് നെവിൻ; നല്ലോളം കിട്ടി തൃപ്തിയായല്ലേ എന്ന് ട്രോളന്മാർ- Bigg Boss Malayalam Season 7 Trolls