റിയാസ് വന്നു പോയതേയുള്ളൂ; ഒറ്റയടിക്ക് സ്റ്റാറായി ലക്ഷ്മി: Bigg Boss Malayalam Season 7

Bigg Boss malayalam Season 7: ബിഗ് ബോസ് മലയാളം സീസൺ 7ൽ വൈൽഡ് കാർഡ് എൻട്രിയായി എത്തിയ മത്സരാർത്ഥിയാണ് ലക്ഷ്മി. ഹൗസിലെത്തി രണ്ടാഴ്ചകൾക്കുള്ളിൽ തന്നെ ലക്ഷ്മി വിവാദ നായികയായി. ആദിലയെയും നൂറയെയും കുറിച്ച് നടത്തിയ പരാമർശങ്ങൾ വീടിനകത്തും പുറത്തും വലിയ ചർച്ചയായി. കൂടാതെ, മസ്താനിയെ ഒനീൽ മോശമായി സ്പർശിച്ചു എന്ന് വരുത്തിത്തീർക്കാനുള്ള ലക്ഷ്മിയുടെ ശ്രമവും വലിയ വിമർശനം ഏറ്റുവാങ്ങി. കഴിഞ്ഞ വാരാന്ത്യ എപ്പിസോഡിൽ മോഹൻലാലിന്റെ പക്കൽ നിന്ന് ശക്തമായ വിമർശനം നേരിട്ടതും ലക്ഷ്മിയായിരുന്നു.

Also Read: അനീഷിനേയും ഷാനവാസിനേയും പ്രകോപിപ്പിക്കാൻ തന്ത്രം; വേറെ ലെവൽ കളി; Bigg Boss Malayalam Season 7

എന്നാൽ ഹോട്ടൽ ടാസ്ക് കഴിഞ്ഞതോടെ ലക്ഷ്മിയുടെ പിന്തുണ വർധിച്ചു. മുൻ ബിഗ് ബോസ് മത്സരാർത്ഥികളായ ശോഭ വിശ്വനാഥ്, ഷിയാസ് കരീം, റിയാസ് സലിം എന്നിവർ അതിഥികളായി എത്തിയപ്പോൾ അവരുടെ ലക്ഷ്യം ലക്ഷ്മി ആയിരുന്നു. പക്ഷേ അവരാരും ലക്ഷ്മിയെ വെല്ലുവിളിക്കുന്നതിൽ വിജയിച്ചില്ല.

പ്രത്യേകിച്ച്, റിയാസ് സലിമുമായി നടന്ന വാഗ്വാദം  ശ്രദ്ധേയമായിരുന്നു. തന്നോട് സംസാരിക്കാൻ എന്തെങ്കിലും പ്രശ്നമുണ്ടോ എന്ന് റിയാസ് ചോദിച്ചപ്പോൾ, ഇല്ലെന്ന് ലക്ഷ്മി മറുപടി നൽകി. അതിഥികളോട് ബഹുമാനത്തോടെ പെരുമാറണമെന്ന് റിയാസ് പറഞ്ഞപ്പോൾ, താൻ ബഹുമാനത്തോടെയാണ് സംസാരിക്കുന്നതെന്ന് ലക്ഷ്മി ഉറച്ച നിലപാടെടുത്തു. തന്റെ അഭിപ്രായങ്ങളിൽ ലക്ഷ്മി ഇപ്പോഴും ഉറച്ചുനിൽക്കുന്നു.

Also Read: എന്തൊരു പെണ്ണാണ്, ചെറിയ ചങ്കൂറ്റമല്ല അത്, പവർഫുൾ ലേഡി: ലക്ഷ്മിയെ അഭിനന്ദിച്ച് ഫിറോസ് ഖാൻ: Bigg Boss Malayalam Season 7

ലക്ഷ്മിയെ പിന്തുണയ്ക്കുന്നവരുടെ എണ്ണത്തിലും ഈ ആഴ്ച വർധനവുണ്ടായി. ഇൻസ്റ്റഗ്രാമിൽ 30,000-നടുത്ത് ഫോളോവേഴ്സ് ഉണ്ടായിരുന്ന ലക്ഷ്മിക്ക് ഇപ്പോൾ 67,000-ത്തിന് അടുത്ത് ഫോളോവേഴ്സുണ്ട്. വോട്ടിംഗിലും വലിയ മുന്നേറ്റമാണ് ലക്ഷ്മി നടത്തുന്നത്.

View this post on Instagram

A post shared by Ved Lakshmi (@lakshmically)

കഴിഞ്ഞ ദിവസം മുൻ ബിഗ് ബോസ് താരങ്ങളായ അഖിൽ മാരാരും ഫിറോസ് ഖാനും ലക്ഷ്മിയെ പിന്തുണച്ച് രംഗത്തെത്തി. ബിഗ് ബോസിന്റെ ഏഴ് സീസണുകളിലും ഇത്രയും ശക്തയായ ഒരു സ്ത്രീയെ കണ്ടിട്ടില്ലെന്നാണ് ഫിറോസ് ഖാൻ പറഞ്ഞത്.

Also Read: ഫ്രണ്ടിനേക്കാൾ മുകളിലാണ്, പക്ഷേ ലവർ അല്ല; ജിസേലിനെ കുറിച്ച് റിയാസിനോട് ആര്യൻ ; Bigg Boss Malayalam Season 7

"ഷോ ഇത്തവണ മൊത്തം കൊണ്ടുപോയത് ലാലേട്ടനാണ്. പക്ഷേ അങ്ങനെയിരിക്കുമ്പോഴാണ് ഒരു പുലിക്കുട്ടി അവിടെ വന്നത്. ഞാൻ എൽജിബിടിക്യു കമ്മ്യൂണിറ്റിക്കെതിരായി സംസാരിക്കുകയല്ല. ഇവിടെ എല്ലാ മനുഷ്യർക്കും ജീവിക്കാനുള്ള അവകാശമുണ്ട്. അതല്ല വിഷയം. യുകെ ലക്ഷ്മി എന്തൊരു പെണ്ണാണ്. ഒരു കാര്യം പറഞ്ഞാൽ അതിൽ ഉറച്ചു നിൽക്കുന്നു. ബിഗ് ബോസ് പല രീതിയിൽ അവളെ മാറ്റാൻ നോക്കിയിട്ടും അവൾ അതിൽ തന്നെ നിന്നു എന്നത് ചെറിയ കാര്യമല്ല. ഭയങ്കര പവർഫുളായ ലേഡിയാണ്. ചെറിയ ചങ്കൂറ്റമല്ല അത്. അത്രയേറെ ലാലേട്ടൻ ഫയർ ചെയ്തു, എങ്ങനെയൊക്കെ ഇമോഷൻ ബ്രേക്ക് ചെയ്യാൻ നോക്കിയിട്ടും ആ നിലപാടിൽ അവൾ ഉറച്ചുനിന്നു. അത് കഴിഞ്ഞ് എൽജിബിടിക്യുവിനെ പ്രതിനിധീകരിക്കുന്ന റിയാസിനെ ഇറക്കിവിട്ടു. ഇവളെ ടാർഗറ്റ് ചെയ്തിട്ടാണ് വിടുന്നത്. വന്ന മറ്റ് രണ്ട് അതിഥികളും ഇവളെ തന്നെയാണ് ടാർഗറ്റ് ചെയ്തത്. ഏതൊക്കെ രീതിയിൽ നോക്കിയിട്ടും ലക്ഷ്മിയെ ഒതുക്കാൻ പറ്റുന്നില്ല. ബിഗ് ബോസിന്റെ ഒന്നും മുതൽ ഏഴുവരെയുള്ള സീസണുകളിൽ ഇത്രയും പവർഫുളായിട്ടുള്ളൊരു ലേഡിയെ ഞാൻ വേറെ കണ്ടിട്ടില്ല. അടിപൊളി" - ഫിറോസ് ഖാൻ പറഞ്ഞു.

Also Read: ആരോപണങ്ങൾ മാനസികമായി ബാധിച്ചു, പക്ഷേ പിന്മാറാൻ ഉദ്ദേശിക്കുന്നില്ല: മസ്താനി, Bigg Boss Malayalam Season 7