കുളിച്ച് കുളിച്ച് ലക്ഷ്മി ഇല്ലാതാവുമോ? എട്ടിന്റെ പണി കൊടുത്ത് ശോഭ: Bigg Boss Malayalam Season 7

Bigg Boss malayalam Season 7: ബിഗ് ബോസ് വീട്ടിൽ ആവേശകരമായ ഹോട്ടൽ ടാസ്ക് നടന്നുകൊണ്ടിരിക്കുകയാണ് ഇപ്പോൾ. ബിഗ് ബോസ് മുൻ സീസണുകളിലെ ഫൈനലിസ്റ്റുകളായ ശോഭ വിശ്വനാഥ്, ഷിയാസ് കരീം എന്നിവരാണ് ഹോട്ടൽ ടാസ്കിൽ അതിഥികളായി ബിഗ് ബോസ് വീട്ടിലേക്ക് എത്തിയിരിക്കുന്നത്. 

Also Read:  ഞാന്‍ എന്റെ വീട്ടില്‍ കയറ്റുമല്ലോ അവരെ: എന്തുകൊണ്ട് മോഹൻലാലിന്റെ ആ വാക്കുകൾ പ്രസക്തമാവുന്നു? Bigg Boss Malayalam Season 7

മത്സരാർത്ഥികളിൽ പലർക്കും എട്ടിന്റെ പണിയുമായാണ് അതിഥികൾ വീട്ടിൽ എത്തിയിരിക്കുന്നത്. അതിഥിയായി എത്തിയ ശോഭയുടെ പ്രധാന ഉന്നം ഹോട്ടലിന്റെ ജനറൽ മാനേജറായ ലക്ഷ്മിയാണ്.  

അടുത്തുവരുമ്പോൾ മണക്കുന്നു എന്നു പറഞ്ഞ് ഇതിനകം തന്നെ മൂന്നു തവണ ലക്ഷ്മിയെ കുളിക്കാൻ വിട്ടു കഴിഞ്ഞു. നിലം തുടക്കാനുള്ള ജോലിയും ലക്ഷ്മിയെ ഏൽപ്പിച്ചു. ഹോമോ സെക്ഷ്വാലിറ്റിയെ അംഗീകരിക്കാൻ ബുദ്ധിമുട്ട് ഉണ്ടെന്നു പറഞ്ഞ ലക്ഷ്മിയ്ക്കു മുന്നിൽ വച്ച്, ആദിലയോട് നൂറയെ പ്രൊപ്പോസ് ചെയ്യാൻ പറയുകയും ചെയ്തു. എന്തായാലും, ശോഭയുടെ ഈ റോസ്റ്റിംഗിനോട് ലക്ഷ്മി എങ്ങനെ പ്രതികരിക്കുമെന്ന് കണ്ടറിയാം. 

Also Read:  ഏഴിന്റെ പണിയുമായി ശോഭ വിശ്വനാഥും ഷിയാസ് കരീമും ബിഗ് ബോസ് വീട്ടിൽ: Bigg Boss Malayalam Season 7

അതേസമയം, അനുവിന്റെ പ്ലാച്ചിയെ എടുത്തു കളയുകയായിരുന്നു ഷിയാസ് കരീം. ബിഗ് ബോസ് വീട്ടിൽ ഏറെ സ്ക്രീൻ സ്പേസ് അപഹരിക്കുന്ന ഒന്നാണ് അനുവിന്റെ  പ്രിയപ്പെട്ട പാവയായ പ്ലാച്ചി. അതേസമയം, അനുവിന്റെ ഈ പ്ലാച്ചി പ്രേമം പ്രേക്ഷകർക്കിടയിൽ നെഗറ്റീവ് ആവുന്നുണ്ട് എന്ന് മനസ്സിലാക്കിയ ഷിയാസ് ബുദ്ധിപൂർവ്വം അനു പോലും അറിയാതെ  അനുവിനെ സേവ് ചെയ്യുകയാണെന്നും അഭിപ്രായം ഉയരുന്നുണ്ട്.

എന്തായാലും, ഹോട്ടൽ ടാസ്ക് തീരും വരെ ബിഗ് ബോസ് വീട്ടിലെ സ്ഥിതിഗതികൾ തീരുമാനിക്കുന്നത് ഈ അതിഥികളായിരിക്കും. മത്സരാർത്ഥികൾക്ക് പരമാവധി വെല്ലുവിളി സമ്മാനിക്കാൻ ഇരുവരും ശ്രമിക്കുകയും ചെയ്യും.

View this post on Instagram

A post shared by Asianet (@asianet)

Also Read: ഹൗസിലെ പൊട്ടിത്തെറി; ഷാനവാസിനെ ചേർത്ത് പിടിച്ച് അനീഷ്; ഞെട്ടി പ്രേക്ഷകരും ഹൗസ്മേറ്റ്സും Bigg Boss Malayalam Season 7

ഓരോ സീസണിലും ഹോട്ടൽ ടാസ്കിൽ ഗസ്റ്റുകളായി മുൻ സീസണിലെ മത്സരാർത്ഥികൾ ബിഗ് ബോസ് വീടിനകത്തേക്ക് എത്താറുണ്ട്. കഴിഞ്ഞ സീസണിൽ സാബുമോനും ശ്വേത മേനോനുമായിരുന്നു ഹോട്ടൽ ടാസ്കിലെ അതിഥികൾ. മുൻ വർഷങ്ങളിൽ രജത് കുമാർ, റോബിൻ രാധാകൃഷ്ണൻ, റിയാസ് സലിം, ഫിറോസ് ഖാൻ എന്നിവരും ഗസ്റ്റായി വീടിനകത്ത് എത്തിയിരുന്നു.

Also Read:  നെവിനിൽ നിന്ന് ബാഡ് ടച്ച് ഉണ്ടായി; ആരോപണവുമായി ഷാനവാസ്; പൊട്ടക്കിണറ്റിലെ തവളയെന്ന് നെവിൻ; Bigg Boss Malayalam Season 7