ഞാനൊരു പുതപ്പിട്ടാൽ അത് കണ്ടന്റാവും, പ്രത്യേകിച്ചൊന്നും ചെയ്യേണ്ട, ഹോട്ട്നസ്സ് വാരി നടന്നാൽ മതി: ജിസേൽ, Bigg Boss Malayalam 7

Bigg Boss malayalam Season 7: മുറി മലയാളവുമായി ബിഗ് ബോസ് വീട്ടിലേക്ക് എത്തിയ പാതി മലയാളിയായ പെണ്‍കുട്ടി. അതായിരുന്നു ജിസേലിന് മലയാളി ടെലിവിഷൻ പ്രേക്ഷകർക്കിടയിലെ ആദ്യ ഐഡന്റിറ്റി. എന്നാൽ ഇന്ന് ബിഗ് ബോസ് പ്രേക്ഷകർക്കിടയിൽ വലിയ ഫാൻ ബേസ് തന്നെയുണ്ട് ജിസേലിന്.   

ജിസേലിന്റെ വസ്ത്രധാരണ രീതിയും ആര്യനുമായുള്ള സൗഹൃദവുമൊക്കെ പലകുറി ബിഗ് ബോസ് വീടിനകത്ത് മത്സരാർത്ഥികൾ വലിയ രീതിയിൽ ചർച്ചയാക്കിയിട്ടുള്ള വിഷയമാണ്. ഇപ്പോഴിതാ, മോണിംഗ് ടാസ്കിനിടെ തന്റെ ബിഗ് ബോസ് ജീവിതത്തെ കുറിച്ച് ജിസേൽ പറഞ്ഞ രസകരമായ ഒരു നിരീക്ഷണമാണ് ശ്രദ്ധ നേടുന്നത്. താൻ എന്ത് ചെയ്താലും അത് കണ്ടന്റ് ആണ് എന്നാണ് സർകാസം കലർത്തി ജിസേൽ പറയുന്നത്. 

Also Read: രണ്ട് കുട്ടികൾ വേണം; ഒരു കുഞ്ഞിനെ ദത്തെടുക്കും; ഒരു കുഞ്ഞിനെ പ്രഗ്നൻസിയിലൂടെയും: ആദില ; Bigg Boss Malayalam Season 7

" ഞാൻ ഈ വീടിന്റെ ചാട്ട് മസാല, കായം പൊടി അല്ലെങ്കിൽ ചിക്കൻ മസാലയാണ്.ഞാൻ വന്ന ദിവസം ഇവിടെ ആളുകൾക്ക് കണ്ടന്റ് ഇല്ല,  കണ്ടന്റ് ഉണ്ടാക്കാൻ കഴിയുന്നുമില്ല. ഞാനൊരു പുതപ്പിട്ടാൽ അത് കണ്ടന്റാവും. ഞാൻ ഒരാളോട് സംസാരിച്ചാൽ അത് കണ്ടന്റാവും. എനിക്കതിന് വലിയ എഫേർട്ടൊന്നും വേണ്ട. ഞാൻ ഒന്നും ചെയ്യേണ്ട. ഞാനെന്റെ ഹോട്ട്നസ്സ് വാരിയൊന്നു നടന്നാൽ മതി. എന്തുപറഞ്ഞാലും എല്ലാ ചെക്കന്മാരും എന്നെ നോക്കി മൊണ്ണൻമാരായി. എനിക്ക് അറിയില്ലായിരുന്നു. ഞാൻ ഒന്നും ചെയ്യേണ്ട," ജിസേലിന്റെ വാക്കുകളിങ്ങനെ. 

Also Read: New OTT Release: ഈ ആഴ്ച ഒടിടിയിലെത്തിയ 10 പുതിയ ചിത്രങ്ങളിതാ

View this post on Instagram

A post shared by JioHotstar Malayalam (@jiohotstarmalayalam)

ജിസേലിന്റെ ജീവിതത്തിലെ രണ്ടാമത്തെ ബിഗ് ബോസ് ഷോ ആണിത്. സല്‍മാന്‍ ഖാന്‍ അവതാരകനായെത്തുന്ന ഹിന്ദി ബിഗ് ബോസ് ഷോയുടെ ഒന്‍പതാം സീസണിലെ ഒരു മത്സരാര്‍ഥിയായിരുന്നു ജിസേല്‍. ഇന്‍സ്റ്റഗ്രാമില്‍ 1.4 മില്യണ്‍ ആരാധകരുള്ള ജിസേല്‍, മോഡലും നടിയും സംരംഭകയുമാണ്. ജിസേലിന്റെ അമ്മ ആലപ്പുഴക്കാരിയും അച്ഛന്‍ പഞ്ചാബിയുമാണ്. മുംബൈയില്‍ താമസമാക്കിയ ജിസേല്‍ ജനിച്ചതും വളര്‍ന്നതുമെല്ലാം ഉത്തരേന്ത്യയിലാണ്. 

Also Read: വണ്ടികളുടെ ഇഎംഐ മാത്രം ഒന്നരലക്ഷം വരും; ഒരുമാസം ജീവിക്കാൻ മൂന്നര ലക്ഷം വേണം: അഖിൽ മാരാർ

പതിനാലാം വയസ്സില്‍ മോഡലിങ് കരിയര്‍ ആരംഭിച്ച ഇവർ, മിസ്സ് രാജസ്ഥാന്‍ പട്ടം കരസ്ഥമാക്കിയിട്ടുണ്ട്. കൂടാതെ, മിസ് ബെസ്റ്റ് ബോഡി, മിസ് പൊട്ടന്‍ഷ്യല്‍ എന്നീ ടൈറ്റിലുകളും സ്വന്തമാക്കി. 2011-ലെ കിങ്ഫിഷര്‍ കലണ്ടറില്‍ ഇടംപിടിച്ച ജിസേല്‍ തുര്‍ക്കിയില്‍ നടന്ന 'ഫോര്‍ട്ട് മോഡല്‍സ് സൂപ്പര്‍ മോഡല്‍ ഓഫ് ദി വേള്‍ഡി'ല്‍ ഇന്ത്യയെ പ്രതിനിധീകരിച്ച് പങ്കെടുത്തിരുന്നു. 

2016-ല്‍ 'ക്യാ കൂള്‍ ഹേ ഹം 3' എന്ന ബോളിവുഡ് അഡൽറ്റ് കോമഡി ചിത്രത്തിലൂടെ അഭിനയരംഗത്തേക്കും ജിസേല്‍ കാലെടുത്തുവച്ചു. തുടർന്ന് 'മസ്തിസാദെ' , 'ദി ഗ്രേറ്റ് ഇന്ത്യന്‍ കാസിനോ' തുടങ്ങിയ ചിത്രങ്ങളിലെ ഗ്ലാമര്‍ വേഷങ്ങളിലൂടെ ശ്രദ്ധനേടി. ബോളിവുഡിന് പുറമെ, സര്‍വൈവര്‍ ഇന്ത്യ, വെല്‍ക്കം-ബാസി മെഹ്‌മാന്‍ നവാസി കി തുടങ്ങിയ റിയാലിറ്റി ഷോകളിലും, അമേരിക്കന്‍ റാപ്പർ റിക്ക് റോസിനൊപ്പം മ്യൂസിക് വീഡിയോകളിലും പ്രത്യക്ഷപ്പെട്ടു.

Also Read: 7790 കോടിയുടെ ആസ്തി: ഇന്ത്യയിലെ ഏറ്റവും ധനികയായ നടി