കട്ടക്കലിപ്പിൽ അനീഷ്; ഷാനവാസിനേയും റിജക്ട് ചെയ്തു; ബോട്ടിലുകൾ എറിഞ്ഞുടച്ചു ; Bigg Boss Malayalam Season 7

Bigg Boss malayalam Season 7: ബിഗ് ബോസ് ഹൗസ് ഇപ്പോൾ ഒരു ബോട്ടിൽ ഫാക്ടറിയായി മാറിയിരിക്കുകയാണ്. എന്നാൽ ആദ്യ റൗണ്ട് ഫാക്ടറിയിൽ കൂട്ടത്തല്ലോടെയാണ് അവസാനിച്ചത്. ലെമൺ ജ്യൂസ് ഫാക്ടറി ഉടമയാണ് അനീഷ്. ഇതോടെ ടാസ്കിൽ നിറഞ്ഞു നിന്ന് കളിക്കുന്ന അനീഷിനെയാണ് കണ്ടത്. ഒടുവിൽ ക്വാളിറ്റി ചെക്കറായ ജിഷിനുമായുള്ള വാക്ക് തർക്കത്തിന് ഇടയിൽ നിയന്ത്രണം വിട്ട് അനീഷ് ജ്യൂസ് ബോട്ടിലുകളെല്ലാം നിലത്തിറഞ്ഞ് പൊട്ടിച്ചു. ടാസ്കിന് ഇടയിൽ ബോട്ടിലുമായി ബാർഗെയ്ൻ ചെയ്യാൻ എത്തിയ ഷാനവാസിനെ അനീഷ് മടക്കി അയക്കുകയും ചെയ്തു. 

ഷാനവാസിന്റെ അടുത്തേക്ക് നെവിനാണ് ബാർഗെയ്ൻ ചെയ്യാനായി ആദ്യം എത്തിയത്. ഷാനവാസിന്റെ പക്കൽ ആ സമയം ആറ് ബോട്ടിൽ ഉണ്ടായിരുന്നു. അനീഷിനോട് ബാർഗെയ്ൻ ചെയ്തിട്ട് വരാം എന്നാണ് ഷാനവാസ് നെവിനോട് പറയുന്നത്. ഷാനവാസിന് മുൻപ് ഒനീലിന്റെ ബോട്ടിലുകൾ അനീഷ് എടുക്കുന്നുണ്ട്. എന്നാൽ ഒനീൽ ചീപ്പ് ഗെയിം ആണ് കളിച്ചത് എന്ന് ആര്യൻ ഉൾപ്പെടെയുള്ളവർ അവസാനം ആരോപിച്ചു.

Also Read: നോമിനേഷൻ കടുപ്പം തന്നെ; 11 പേര് ഡേഞ്ചർ സോണിൽ, ആരാവും ഈ ആഴ്ച പുറത്തുപോവുക? Bigg Boss Malayalam 7

ഞങ്ങളുടേത് നല്ല കമ്പനിയാണ്. ക്വളിറ്റിയുണ്ട് എന്നെല്ലാം പറഞ്ഞ് അനീഷിനെക്കൊണ്ട് ബോട്ടിൽ വാങ്ങിപ്പിക്കാൻ ഷാനവാസ് ശ്രമിക്കുന്നുണ്ട്. എന്നാൽ റിജക്ട് ചെയ്താൽ എന്ത് ചെയ്യും എന്നാണ് അനീഷ് തിരിച്ച് ചോദിക്കുന്നത്. അങ്ങനെ ഷാനവാസിന്റെ ബോട്ടിലുകൾ അനീഷ് എടുത്തില്ല. 

Also Read: ഞാൻ ആ മത്സരാർത്ഥിയുടെ ഫാനാണ്; വെളിപ്പെടുത്തി ആസിഫ് അലി- Bigg Boss Malayalam 7

വൃത്തി, മണം, ടേസ്റ്റ്, ബോട്ടിൽ ഫില്ലിങ് എന്നിവയെല്ലാം പരിഗണിച്ചാണ് ക്വാളിറ്റി ചെക്കർമാരായ അനുമോളും ജിഷിനും ബോട്ടിലുകൾ ഫാക്ടറി ഉടമകളിൽ നിന്ന് അക്സപ്റ്റ് ചെയ്യണമോ വേണ്ടയോ എന്ന് തീരുമാനിക്കുന്നത്. ഇതിൽ അനുമോളും ഒനീലും ചേർന്ന് ഒത്തുകളിച്ചു എന്നാണ് ഹൗസിലുള്ളവർ ആരോപിക്കുന്നത്.

Also Read: തനിക്ക് എപ്പോഴും ഈ കുത്തിത്തിരിപ്പ് മാത്രമേയുള്ളോ? അഭിലാഷിന് എതിരെ നെവിൻ; Bigg Boss Malayalam Season 7

ക്വാളിറ്റി ചെക്കർമാർ പാസ് ആക്കിയാൽ കോയിൻ കിട്ടും ഉടമകൾക്ക്. ഈ കോയിൻ ഉടമകൾക്ക് ഇഷ്ടമുള്ളവർക്ക് കൊടുക്കാം. ആരുടെ കയ്യിലാണോ ഏറ്റവും കൂടുതൽ കോയിൻ അവർ നോമിനേഷൻ മുക്തരാവും. എന്നാൽ അനുമോൾ ബോട്ടിലുകൾ എടുക്കാൻ തയ്യാറാവാതെയും, ജിഷിൻ തർക്കിക്കുകയും ചെയ്തതോടെ അനീഷ് ബോട്ടിലുകളെല്ലാം നിലത്തെറിഞ്ഞു പൊട്ടിച്ചു. ഇതോടെ ടാസ്കിലെ ആദ്യ റൗണ്ട് റദ്ദാക്കുന്നതായി ബിഗ് ബോസ് പ്രഖ്യാപിച്ചു.

Read More: ചെറിയൊരു വീട്; കട്ടിലിനടിയിൽ കിടന്നാണ് ഉറങ്ങിയിരുന്നത്; വിശപ്പ് സഹിക്കാനയിരുന്നില്ല: അക്ബർ ; Bigg Boss Malayalam Season 7