പൊട്ടിക്കരഞ്ഞ് നൂറ; ആദിലയെ പൊരിച്ച് അനുമോളും ബിന്നിയും ; Bigg Boss Malayalam Season 7

Bigg Boss malayalam Season 7: വീക്കെൻഡ് എപ്പിസോഡിന് മുൻപ് ഹൗസിൽ പൊട്ടിക്കരഞ്ഞ് നൂറ. താൻ ആരെയും പിന്നിൽ നിന്ന് കുത്തിയിട്ടില്ല എന്ന് പറഞ്ഞാണ് നൂറ കരയുന്നത്. നെവിനും ഷാനവാസിനും ഇടയിലുള്ള വിഷയം ആദ്യം എടുത്തിട്ടത് ആദിലയായിരുന്നു. എന്നാൽ ഹോട്ടൽ ടാസ്കിൽ ഗസ്റ്റായി റിയാസ് വന്നതിന് പിന്നാലെ ആദിലയും നൂറയും നെവിൻ വിഷയത്തിൽ ഷാനവാസിനെ ഒറ്റപ്പെടുത്തി. ഇന്ന് ബിന്നി ഉൾപ്പെടെ പലരും ഹൗസിൽ ചൂണ്ടിക്കാണിച്ചതോടെ ആദിലയ്ക്കും നൂറയ്ക്കും തിരിച്ചടിയാവുകയാണ്. 

എവിക്ഷൻ നോമിനേഷനിൽ ഓപ്പൺ നോമിനേഷൻ ചെയ്യാനാണ് ആദില തീരുമാനിച്ചത്. നെവിനിൽ നിന്ന് ഷാനവാസിനും പ്രവീണിനും മോശം അനുഭവം ഉണ്ടായി എന്ന് ആദിലയാണ് ആദ്യം ഹൗസിൽ പറയുന്നത്. ഷാനവാസിനോട് ആ സമയം ചോദിച്ചിട്ടാണ് ആദില ഇത് പറഞ്ഞത്. പിന്നാലെ ഷാനവാസും നെവിന്റെ പേര് പറഞ്ഞ് ഈ ആരോപണം ഉന്നയിച്ചു.

Also Read: ഫ്രണ്ടിനേക്കാൾ മുകളിലാണ്, പക്ഷേ ലവർ അല്ല; ജിസേലിനെ കുറിച്ച് റിയാസിനോട് ആര്യൻ ; Bigg Boss Malayalam Season 7

നെവിനെതിരെ ഷാനവാസിന്റെ ആരോപണം വന്നതിന് ശേഷം ആദിലയും നൂറയും ജിഷിനും അനീഷുമാണ് ഷാനവാസിന്റെ കൂടെ നിന്നിരുന്നത്. എന്നാൽ റിയാസ് ഹോട്ടൽ ടാസ്കിൽ എത്തിയതോടെ ആദിലയും നൂറയും ഷാനവാസിനെ കുറ്റക്കാരനാക്കി മാറി നിന്നു. റിയാസിനൊപ്പം നിന്ന് ഷാനവാസിനെ കൂടുതൽ ആക്രമിക്കാനാണ് ആദില ശ്രമിച്ചത്. റിയാസ് വന്നതിന് ശേഷമാണ് ഷാനവാസിൽ നിന്ന് ആദില അകന്നത് എന്ന് ബിന്നി, അനുമോൾ ഉൾപ്പെടെയുള്ളവർ പറയുക കൂടി ചെയ്തതോടെ ആദിലയുടെ യഥാർഥ മുഖം പ്രകടമായി എന്നാണ് സമൂഹമാധ്യമങ്ങളിൽ ഉയരുന്ന പ്രതികരണം.

Also Read: എന്തൊരു പെണ്ണാണ്, ചെറിയ ചങ്കൂറ്റമല്ല അത്, പവർഫുൾ ലേഡി: ലക്ഷ്മിയെ അഭിനന്ദിച്ച് ഫിറോസ് ഖാൻ: Bigg Boss Malayalam Season 7

ഒരുപക്ഷേ നൂറ ഒറ്റയ്ക്കായിരുന്നു ബിഗ് ബോസിൽ കളിക്കാനെത്തിയത് എങ്കിൽ കുറച്ചുകൂടി നല്ല രീതിയിൽ കളിക്കാനാവുമായിരുന്നു എന്നാണ് പ്രേക്ഷകരിൽ നിന്നുയരുന്ന പ്രതികരണം. ഇന്ന് ആദിലയ്ക്കും നൂറയ്ക്കും നേരെ ഷാനവാസ് ശക്തമായി പ്രതികരിച്ച് എത്തുക കൂടി ചെയ്തതോടെ ആദിലയ്ക്ക് പ്രതിരോധിക്കാൻ സാധിക്കാതെ വരുന്നു. തന്നെ ഇതിലേക്ക് വലിച്ചിട്ടത് ആദിലയാണ് എന്നാണ് ഷാനവാസ് പറയുന്നത്. 

Also Read: ആരോപണങ്ങൾ മാനസികമായി ബാധിച്ചു, പക്ഷേ പിന്മാറാൻ ഉദ്ദേശിക്കുന്നില്ല: മസ്താനി, Bigg Boss Malayalam Season 7