അഭിലാഷിന്റെ തന്ത്രങ്ങൾ പൊളിഞ്ഞു? ഇന്ന് രണ്ട് പേർ പുറത്തേക്ക്? Bigg Boss Malayalam Season 7

Bigg Boss malayalam Season 7: ബിഗ് ബോസിൽ നിന്ന് ഈ ആഴ്ച രണ്ട് പേർ പുറത്തേക്ക് പോയതായി റിപ്പോർട്ടുകൾ. അഭിലാഷും ജിഷിനും പുറത്തായി എന്നാണ് സമൂഹമാധ്യമങ്ങളിൽ പ്രചരിക്കുന്നത്. എന്നാൽ ഞായറാഴ്ചത്തെ എപ്പിസോഡ് ടെലികാസ്റ്റ് ചെയ്തതിന് ശേഷം മാത്രമാകും ഇക്കാര്യത്തിൽ വ്യക്തത വരിക. 

കഴിഞ്ഞ ആഴ്ച ബിഗ് ബോസിൽ നിന്ന് ആര്യൻ പുറത്തായി എന്ന നിലയിൽ റിപ്പോർട്ടുകൾ വന്നിരുന്നു. എന്നാൽ റെന മാത്രമായിരുന്നു പുറത്തായത്. അതുകൊണ്ട് തന്നെ ഈ ആഴ്ച അഭിലാഷും ജിഷിനും പുറത്തായി എന്ന നിലയിൽ പ്രചരിക്കുന്ന അഭ്യൂഹങ്ങൾ സ്ഥിരീകരിക്കാനാവില്ല.

Also Read: എന്റെ ജീവിതം നശിപ്പിച്ച, ഒരിക്കലും കാണരുതെന്ന് ആഗ്രഹിച്ച ആളാണ് കൈ തന്നിട്ട് പോയത്: ജീവനെ കുറിച്ച് അനുമോൾ: Bigg Boss Malayalam 7

വൈൽഡ് കാർഡ് ആയിട്ടായിരുന്നു ജിഷിൻ ബിഗ് ബോസ് ഹൗസിലേക്ക് എത്തിയത്. തന്റെ സാന്നിധ്യം അറിയിക്കാൻ ജിഷിന് ഹൗസിൽ സാധിച്ചെങ്കിലും പ്രക്ഷകരുടെ ഇഷ്ടം നേടി അത് വോട്ടാക്കി മാറ്റാൻ സാധിച്ചോ എന്നത് സംശയമാണ്. മറുവശത്ത് അഭിലാഷ് ഒനീലുമായി ചേർന്ന് പല തരത്തിൽ തന്ത്രങ്ങൾ മെനഞ്ഞാണ് കളിച്ചിരുന്നത്.

Also Read: ബ്രേക്കപ്പിനു ശേഷം ജീവനെ മുഖാമുഖം കണ്ടപ്പോൾ; അമ്പരന്ന് അനുമോൾ, Bigg Boss Malayalam 7

ഒനീലും അഭിലാഷും ചേർന്ന് മറ്റ് മത്സരാർഥികളിടെ കുറ്റം പറയുന്നതും പിന്നെ തരം പോലെ ഇവരുമായി കൂട്ടികൂടി നിൽക്കുന്നതുമെല്ലാം ഒരു വിഭാഗം പ്രേക്ഷകർക്കിടയിൽ അതൃപ്തിയുണ്ടാക്കിയിരുന്നു. ആര്യനേയും ജിസേലിനേയും കുറിച്ച് അഭിലാഷും ഒനീലും സംസാരിക്കുന്ന വിഡിയോ ശനിയാഴ്ചത്തെ എപ്പിസോഡിൽ ബിഗ് ബോസ് മറ്റ് മത്സരാർഥികളെ കാണിച്ചത് ഒനീലിനും അഭിലാഷിനും തിരിച്ചടിയായിരുന്നു.

Also Read: എന്തുകൊണ്ട് ആദില തല്ലിയിട്ട് വലിയ വിഷയമാക്കിയില്ല? അനീഷ് കാരണം പറയുന്നു; Bigg Boss Malayalam Season 7

ഒനീലിന്റേയും അഭിലാഷിന്റേയും ഗെയിം സ്ട്രാറ്റജി തിരിച്ചടിയായി അഭിലാഷിന് ഹൗസിന് പുറത്തേക്കുള്ള വഴി തുറന്നിരിക്കുകയാണ് എന്നാണ് സൂചന. ടാസ്കുകളിൽ മികച്ച് നിന്നും ക്യാപ്റ്റനായും ജിഷിൻ ഹൗസിൽ സാന്നിധ്യം ശക്തമാക്കിയിരുന്നു. ഒറ്റയ്ക്ക് നിന്ന് കളിക്കുകയാണ് താനെന്നാണ് ജിഷിൻ ഹൗസിൽ അവകാശപ്പെട്ടിരുന്നത്.

Also Read: 30 ലക്ഷത്തിന്റെ കടം; വിവാഹത്തിനായി തുക കണ്ടെത്തണം: അനുമോൾ ; Bigg Boss Malayalam Season 7