പ്രിയ കേരളമേ ഇവരോട് പൊറുക്കേണമേ; മത്സരാർത്ഥികളുടെ മണ്ടത്തരം കേട്ട് ഞെട്ടി ലാലേട്ടൻ: Bigg Boss Malayalam 7

Bigg Boss malayalam Season 7: ബിഗ് ബോസ് മലയാളം സീസൺ ഏഴ് അവസാനിക്കാൻ ഇനി ഒരാഴ്ച കൂടി മാത്രം. അനീഷ്, ഷാനവാസ്, അക്ബർ, നൂറ,​ആദില, അനുമോൾ, സാബുമോൻ, നെവിൻ എന്നിവരാണ് ഇപ്പോൾ ഷോയിൽ അവശേഷിക്കുന്ന മത്സരാർത്ഥികൾ. ഇവരിൽ ആരാവും ഷോയുടെ വിന്നർ എന്നാണ് പ്രേക്ഷകർ ഉറ്റുനോക്കുന്നത്.

Also Read: ലാലേട്ടനു മുന്നിൽ അനുമോളോടുള്ള പ്രണയം തുറന്നുപറഞ്ഞ് അനീഷ്: Bigg Boss Malayalam 7

അതിനിടിയിൽ, വാരാന്ത്യ എപ്പിസോഡിന്റെ പുതിയ പ്രൊമോയും ശ്രദ്ധ നേടുകയാണ്. കേരളപ്പിറവി ദിന സ്പെഷൽ​ എപ്പിസോഡാണ് ഇന്ന് സംപ്രേഷണം ചെയ്യുക. അതിന്റെ പ്രൊമോയാണ് ഇപ്പോൾ പുറത്തുവന്നിരിക്കുന്നത്.

Also Read: 'ഡിവോഴ്സിന്റെ സമയത്തെ പ്രശ്നങ്ങളാവാം അനീഷിനെ ഇങ്ങനെ മാറ്റിയത്'; നൂറയോട് ഷാനവാസ്; Bigg Boss Malayalam Season 7

കേരളപ്പിറവിയെ കുറിച്ചും കേരളത്തെ കുറിച്ചുമൊക്കെയുള്ള ലാലേട്ടന്റെ ചോദ്യങ്ങൾക്കു മുന്നിൽ ബ്ബ ബ്ബ ബ്ബ അടിക്കുന്ന മത്സരാർത്ഥികളെയാണ് പ്രൊമോയിൽ കാണാനാവുക.

എന്തുകൊണ്ടാണ് നവംബർ ഒന്ന് കേരളപ്പിറവി ദിനമായി ആഘോഷിക്കുന്നത് എന്ന ചോദ്യത്തിനു നെവിന്റെ മറുപടിയിങ്ങനെ: "പരശുരാമൻ മഴു എറിഞ്ഞത് നവംബർ ഒന്നായതുകൊണ്ടാണ്".  കേരളത്തിലെ ഏറ്റവും വലിയ കൊടുമുടി ഏതെന്ന ചോദ്യത്തിന് "നെടുമുടി" എന്ന വിചിത്രമായ മറുപടിയും നിവിൻ നൽകുന്നുണ്ട്. "പ്രിയ കേരളമേ ഇവരോട് പൊറുക്കേണമേ," എന്നാണ് ലാലേട്ടന്റെ മറുപടി. 

Also Read: ലെസ്ബിയൻ ആണെന്ന് ഞാൻ ടീച്ചറോട് പറഞ്ഞു; ഉമ്മമാർ മാത്രമാണ് ആദ്യം അറിഞ്ഞത്: ആദില ; Bigg Boss Malayalam Season 7

കഴിഞ്ഞ വാരാന്ത്യ എപ്പിസോഡിലും മത്സരാർത്ഥികളുടെ കോമൺ സെൻസില്ലായ്മ തെളിഞ്ഞു കാണാമായിരുന്നു. ചക്രവ്യൂഹം എന്താണ് എന്ന ലാലേട്ടന്റെ ചോദ്യത്തിന് മുൻപിൽ പകച്ച് നിൽക്കുന്ന കണ്ടസ്റ്റൻസിനെയാണ് പ്രേക്ഷകർ കണ്ടത്. സാമാന്യബുദ്ധിയുള്ള ഒരുത്തനുമില്ലേ ഇത്തവണ മത്സരാർത്ഥി ആയി? എന്ന രീതിയിലുള്ള വിമർശനങ്ങളും ഉയർന്നിരുന്നു.

Also Read: വെളുക്കാൻ ഗ്ലൂട്ടാത്തയോൺ, സ്റ്റൈലൻ ഹെയർ എക്സ്റ്റൻഷൻ; അടിമുടി മേക്കോവറിൽ രേണു