Bigg Boss Malayalam 6: രതീഷ് ബിഗ് ബോസ് ഹൗസിന് പുറത്തേക്കോ ?

Bigg Boss malayalam 6: വന്ന ദിവസം മുതൽ തന്നെ ആവശ്യത്തിനും അനാവശ്യത്തിനുമൊക്കെ വഴക്കടിച്ചും സഹമത്സരാർത്ഥികളെ പ്രകോപിപ്പിച്ചും അസ്വസ്ഥരാക്കിയും വീടിനകത്തുള്ളവരുടെ ഇഷ്ടക്കേട് സമ്പാദിച്ച മത്സരാർത്ഥികളിൽ ഒരാളാണ് രതീഷ് കുമാർ. ബിഗ് ബോസിൽ നിന്നും മോഹൻലാലിൽ നിന്നുമെല്ലാമുള്ള ശകാരവും രതീഷ് ഇതിനകം തന്നെ ഏറ്റുവാങ്ങി കഴിഞ്ഞു.

ബിഗ് ബോസ് ചരിത്രത്തിൽ തന്നെ ആദ്യമാവും, ബിഗ് ബോസ് നേരിട്ട് ഒരു മത്സരാർത്ഥിയോട് മിണ്ടാതെ ഇരിക്കാൻ പറയുന്നത്. ജയിൽ നോമിനേഷൻ ടൈമിൽ എല്ലാവരും സംസാരിക്കുന്നതിനിടയിൽ കയറി സംസാരിച്ച് രംഗം വഷളാക്കിയപ്പോൾ ആയിരുന്നു ബിഗ് ബോസ് രതീഷിനു താക്കീത് നൽകിയത്. രതീഷ് താക്കീത് ധിക്കരിച്ചപ്പോൾ, ഹൗസിലെ നിയമങ്ങൾ അനുസരിച്ചില്ലെങ്കിൽ ഷോയിൽ നിന്നു പുറത്താക്കുമെന്ന താക്കീതും ബിഗ് ബോസ് നൽകി കഴിഞ്ഞു. 

സഹമത്സരാർത്ഥി സുരേഷ് മേനോന് പെണ്ണിന്റെ മനസ്സാണ് ഉള്ളത് എന്ന രീതിയിലുള്ള ചില പരാമർശങ്ങൾ രതീഷ് നടത്തിയിരുന്നു. സുരേഷ് മേനോനെ ഗേ എന്ന രീതിയിൽ ചിത്രീകരിക്കാൻ രതീഷ് ശ്രമിച്ചെന്ന് മത്സരാർത്ഥികൾ ആരോപിക്കുകയും ചെയ്തിരുന്നു. 

ഷോയിൽ നിന്നും രതീഷ് പുറത്തേക്ക് എന്ന രീതിയിലുള്ള വാർത്തകളാണ് ഇപ്പോൾ സമൂഹമാധ്യമങ്ങളിൽ പ്രചരിക്കുന്നത്. വീടിനകത്ത് രതീഷ് നടത്തിയ പല പരാമർശങ്ങളും വിവാദമായിരുന്നു. പലപ്പോഴും ഞാൻ ഇവിടെ നിന്നും പോവാൻ തയ്യാറാണെന്ന രീതിയിലുള്ള സംഭാഷണം രതീഷും നടത്തിയിരുന്നു. അതിനാൽ തന്നെ, കേൾക്കുന്ന വാർത്തകൾ സത്യമാവാനുള്ള സാധ്യത തള്ളികളയാനാവില്ല. എന്താണ് വീക്ക്‌ലി എപ്പിസോഡിൽ സംഭവിച്ചതെന്നറിയാൻ കാത്തിരിക്കുകയാണ് പ്രേക്ഷകർ ഇപ്പോൾ. 

Read More Entertainment Stories Here

• പ്രെഷർ ഉണ്ടെങ്കിൽ വീട്ടിലിരിക്കണം; രതീഷിനോട് പൊട്ടിത്തെറിച്ച് ലാലേട്ടൻ
• അർജുൻ അർഹതപ്പെടാത്ത ക്യാപ്റ്റൻസിയുമായാണ് നിൽക്കുന്നത്: ഫിറോസ് ഖാൻ
• ആദ്യം ചായ ഉണ്ടാക്കാൻ പഠിക്ക്, എന്നിട്ട് ഇണ്ടാക്ക് നിലയും വിലയും: ട്രോൾമഴയിൽ നനഞ്ഞ് ബിഗ് ബോസ്
• Bigg Boss Malayalam 6: ഇവിടെ അതിജീവനം ഇത്തിരി കടുപ്പമാണ്; ഇതുവരെ കാണാത്ത നിയമങ്ങളുമായി ബിഗ് ബോസ്