ഇനി എഐയുടെ 'പവർ'; പേടിഎമ്മുമായി സഹകരിക്കാൻ പെര്‍പ്ലെക്‌സിറ്റി

എഐ പിന്തുണയുള്ള സെർച്ച് പ്ലാറ്റ്‌ഫോമായ പെർപ്ലെക്സിറ്റിയുമായുള്ള സഹകരണം പ്രഖ്യാപിച്ചത് പേയ്‌മെന്റ് ഫിനാന്‍ഷ്യല്‍ സര്‍വീസ് കമ്പനിയായ പേടിഎം. ലോകത്തിലെ ആദ്യത്തെ ആന്‍സര്‍ എഞ്ചിനായ പെര്‍പ്ലെക്‌സിറ്റിയുമായി സഹകരിക്കുന്നതായി കമ്പനി അറിയിച്ചു. തത്സമയം അതിവേഗം വ്യക്തമായ ഉത്തരങ്ങള്‍ നല്‍കുന്ന എഐ ആന്‍സര്‍ എഞ്ചിനാണ് പെര്‍പ്ലെക്‌സിറ്റി. 

മൊബൈല്‍ പേയ്‌മെന്റുകളില്‍ എഐ അടിസ്ഥാനമാക്കിയുള്ള സാങ്കേതികവിദ്യകള്‍ ഉള്‍പ്പെടുത്തുന്നതില്‍ വലിയ മുന്നേറ്റമായാണ് ഈ സഹകരണം കണക്കാക്കുന്നതെന്ന് കമ്പനി അറിയിച്ചു. ഇതിലൂടെ പേടിഎം ആപ്പില്‍ തത്സമയ ഫിനാന്‍ഷ്യല്‍ സഹായം ഉപയോക്താക്കള്‍ക്ക് ലഭിക്കും.

ഉപയോക്താക്കള്‍ക്ക് സ്വന്തം ഭാഷയില്‍ ചോദ്യങ്ങള്‍ ചോദിക്കാനും വിവരങ്ങള്‍ അന്വേഷിക്കാനും ഫിനാന്‍ഷ്യല്‍ കാര്യങ്ങളില്‍ ശരിയായ തീരുമാനങ്ങള്‍ എടുക്കാനും ഇതിലൂടെ സാധിക്കും. 'ഉയോക്താക്കൾക്ക് സാമ്പത്തിക തീരുമാനങ്ങൾ എടുക്കുന്നതിലും, വിപണി പ്രവണതകൾ പര്യവേക്ഷണം ചെയ്യുന്നതിലും, ദൈനംദിന തിരഞ്ഞെടുപ്പുകൾ നടത്തുന്നതിലും ഉടനടി വിശ്വസനീയവുമായ വിവരങ്ങൾ ആവശ്യമാണെന്ന് തോന്നിയതിനാലാണ് ഈ സഹകരണം ഏറ്റെടുത്തതെന്ന്' കമ്പനി പറഞ്ഞു.

'പെർപ്ലക്സിറ്റിയിലൂടെ, ദശലക്ഷക്കണക്കിന് ഇന്ത്യൻ ഉപഭോക്താക്കൾക്ക് അറിവും സാമ്പത്തിക സേവനങ്ങളും കൂടുതൽ സുഗമമായി മാറ്റിക്കൊണ്ട് ഞങ്ങൾ എഐയുടെ ശക്തി എത്തിക്കുന്നു എന്ന്,' പേടിഎം സ്ഥാപകനും സിഇഒയുമായ വിജയ് ശേഖർ ശർമ്മ പറഞ്ഞു. പേടിഎം ആപ്പിൽ, ഹോം പേജിലെ ഫ്രീ ടൂൾസിൽ പെർപ്ലെക്സിറ്റിയുടെ എഐ സെർച്ച് ലഭ്യമാകും.

Read More

• റീലുകൾക്ക് പ്രത്യേക ആപ്പ് പുറത്തിറക്കാനൊരുങ്ങി ഇൻസ്റ്റഗ്രാം
• ജിയോഹോട്ട്സ്റ്റാർ 90 ദിവസം സൗജന്യമായി നേടാം; ക്രിക്കറ്റ് പ്രേമികൾക്കായി പുത്തൻ റീച്ചാർജ് പ്ലാനുമായി ജിയോ
• കഴിഞ്ഞ വർഷം മാത്രം ഇന്ത്യയിൽ ഇന്റർനെറ്റ് ഉപരോധം 84 തവണ; ജനാധിപത്യ രാജ്യങ്ങളിൽ ഏറ്റവും കൂടുത
• ഈ ഫീച്ചർ അറിഞ്ഞാൽ, ഗൂഗിൾ പേയിലൂടെ ഇനി ഒറ്റയ്ക്ക് ബില്ല് അടയ്ക്കേണ്ടിവരില്ല
• ഗൂഗിൾ പേയിൽ മാറ്റങ്ങൾ; ബിൽ പേയ്മെൻറുകൾക്ക് ഇനി മുതൽ കൺവീനിയൻസ് ഫീ ഈടാക്കും