'കുട്ടികൾക്കൊപ്പം സ്വകാര്യത വേണം;' ഓസ്ട്രേലിയൻ മാധ്യമത്തോട് തട്ടിക്കയറി വിരാട് കോഹ്ലി

ഓസ്‌ട്രേലിയയ്‌ക്കെതിരായ നാലാം ടെസ്റ്റ് മത്സരത്തിനായി മെൽബണിലെത്തിയ ഇന്ത്യൻ താരം വിരാട് കോഹ്‌ലിയും ഓസ്‌ട്രേലിയൻ മാധ്യമ പ്രവർത്തകയുമായി വാക്കുതർക്കമുണ്ടായതായി റിപ്പോർട്ട്. മാധ്യമം കുട്ടികളുടെ ചിത്രം അനുവാദമില്ലാതെ പകർത്താൻ ശ്രമിച്ചതാണ് താരത്തെ ചൊടിപ്പിച്ചത്.

വിമാനത്താവളത്തിൽ വച്ച് കുട്ടികളുടെ ചിത്രം പകർത്താൻ ശ്രമിച്ച 'ചാനൽ 7' റിപ്പോർട്ടറോടാണ് താരം തട്ടിക്കയറിയത്. മെല്‍ബണ്‍ വിമാനത്താവളത്തില്‍ നിന്നു പുറത്തേക്ക് പോകുമ്പോഴാണ് സംഭവം. ഭാര്യ അനുഷ്ക ശർമ്മയ്ക്കും കുട്ടികൾക്കും ഒപ്പം വിരാട് നടന്നു വരുന്നതിനിടെയാണ് മാധ്യമപ്രവർത്തകർ കുട്ടികളുടെ ചിത്രം പകർത്താൻ ശ്രമിച്ചത്.

Indian cricket superstar Virat Kohli has been involved in a fiery confrontation at Melbourne Airport. @theodrop has the details. https://t.co/5zYfOfGqUb#AUSvIND#7NEWSpic.twitter.com/uXqGzmMAJi

— 7NEWS Melbourne (@7NewsMelbourne) December 19, 2024

കുട്ടികള്‍ക്കൊപ്പം തനിക്ക് സ്വകാര്യതവേണമെന്നും, അനുവാദമില്ലാതെ ചിത്രങ്ങൾ പകർത്താനാകില്ലെന്നും താരം പറഞ്ഞു. അതേസമയം, ഓസ്‌ട്രേലിയന്‍ പേസര്‍ സ്‌കോട് ബോളണ്ടിന്റെ അഭിമുഖത്തിനായെത്തിയ മാധ്യമപ്രവർത്തകയോടാണ് കോഹ്ലി ദേഷ്യപ്പെട്ടതെന്നും തെറ്റിദ്ധാരണയാണ് ആശയക്കുഴപ്പമുണ്ടാക്കിയതെന്നും ഓസിസ് മാധ്യമം പ്രതികരിച്ചു.

ഡിസംബർ 26നാണ് ഇന്ത്യ- ഓസ്ട്രേലിയ നാലാം ബോർഡർ-ഗവാസ്‌കർ ട്രോഫി മത്സരം. രണ്ടാം ടെസ്റ്റിൽ സെഞ്ചുറി നേടിയെങ്കിലും ഫോം കണ്ടെത്താനാകാതെ കോഹ്ലി ബുദ്ധിമുട്ടുകയാണ്. വരാനിരിക്കുന്ന മത്സരങ്ങളിൽ വിരാട് കോഹ്ലിയുടെ പ്രകടനം ടീമിന് നിർണായകമാണ്.

Read More

• അശ്വിൻ അപമാനിക്കപ്പെട്ടു; വിരമിക്കൻ കുടുംബത്തെയും ഞെട്ടിച്ചെന്ന് അച്ഛൻ രവിചന്ദ്രൻ
• വിരമിക്കലിന് തൊട്ടുപിന്നാലെ ചെന്നൈയിൽ പറന്നെത്തി അശ്വിൻ
• അശ്വിൻ അണ്ണാ, എല്ലാത്തിനും നന്ദി; സഞ്ജുവിന്റെ വാക്കുകൾ ഏറ്റെടുത്ത് ആരാധകർ
• Ravichandran Ashwin retires: ക്രിക്കറ്റ് താരം അശ്വിൻ വിരമിച്ചു
• ഉറക്കത്തിൽ വിളിച്ചാലും പോയി കളിക്കും; സഞ്ജു സാംസണിന്റെ രസകരമായ മറുപടി
• ഭാഗ്യം കാത്തു...ഗാബ ടെസ്റ്റിൽ ഓസീസിനെതിരെ ഫോളോഓൺ ഒഴിവായി