Vighnesh Puthur: ഹർദിക്കിന് വിഘ്നേഷ് പുത്തൂരിനോട് അതൃപ്തി? സഞ്ജുവിനെ സ്ലെഡ്ജ് ചെയ്തതും ചൂണ്ടി ആരാധകർ

Vighnesh Puthur Mumbai Indians IPL 2025: ചെന്നൈ സൂപ്പർ കിങ്സിനെ ചെപ്പോക്കിൽ വിറപ്പിച്ച് ഐപിഎല്ലിൽ അരങ്ങേറ്റം കുറിച്ച താരം. ഋതുരജ്, ശിവം ദുബെ, ദീപക് ഹൂഡ എന്നിവരുടെ വിക്കറ്റുകൾ ഇംപാക്ട് പ്ലേയറായി എത്തി വീഴ്ത്തിയാണ് ഇടംകയ്യൻ റിസ്റ്റ് സ്പിന്നർ വിഘ്നേഷ് പുത്തൂർ അലയൊലി സൃഷ്ടിച്ചത്. പക്ഷേ തൊട്ടടുത്ത മുംബൈ ഇന്ത്യൻസിന്റെ പ്ലേയിങ് ഇലവനിൽ നിന്ന് വിഘ്നേഷിനെ ഒഴിവാക്കി. ഇതിനെതിരെ വലിയ ആരാധക രോഷമാണ് ഉയർന്നത്. ഇന്ന് കൊൽക്കത്ത നൈറ്റ്റൈഡേഴ്സിന് എതിരെ മുംബൈ ഇന്ത്യൻസ് ഇറങ്ങുമ്പോൾ വിഘ്നേഷിന് അവസരം ലഭിക്കുമോ എന്നതിലേക്ക് ആകാംക്ഷയോടെ നോക്കുകയാണ് ആരാധകർ. 

വാങ്കഡെയിലാണ് ഇന്ന് കൊൽക്കത്ത നൈറ്റ്റൈഡേഴ്സ്-മുംബൈ ഇന്ത്യൻസ് പോര്. ഗുജറാത്ത് ടൈറ്റൻസിന് എതിരായ മത്സരത്തിൽ ക്യാപ്റ്റൻ ഹർദിക് പാണ്ഡ്യ ടീമിലേക്ക് തിരികെ എത്തിയപ്പോഴാണ് വിഘ്നേഷ് പുത്തൂരിന് ഇംപാക്ട് പ്ലേയർ ലിസ്റ്റിൽ പോലും ഇടം ലഭിക്കാതെ വന്നത്. ആദ്യ മത്സരത്തിൽ ഇത്രയും മികച്ച പ്രകടനം പുറത്തെടുത്ത വിഘ്നേഷിനെ പുറത്തിരുത്തി പകരം ഫാസ്റ്റ് ബോളർ സത്യനാരായണ രാജുവിന് ഉൾപ്പെടെ വീണ്ടും അവസരം നൽകിയത് ആരാധകർ ചോദ്യം ചെയ്യുന്നു. 

മലയാളി താരത്തെ ഹർദിക് പാണ്ഡ്യ മനപൂർവം പ്ലേയിങ് ഇലവനിൽ നിന്ന് ഒഴിവാക്കുന്നതാണോ എന്ന ചോദ്യവും സമൂഹമാധ്യമങ്ങളിൽ ആരാധകരിൽ നിന്ന് ഉയരുന്നുണ്ട്. 2023ലെ ഐപിഎൽ സീസണിൽ സഞ്ജു സാംസണിനെ ഗുജറാത്ത് ടൈറ്റൻസ് ക്യാപ്റ്റനായിരുന്ന ഹർദിക് പാണ്ഡ്യ സ്ലെഡ്ജ് ചെയ്തിരുന്നു. ഇത് ഇപ്പോൾ ചൂണ്ടിക്കാട്ടി ആരാധകർ മലയാളി താരങ്ങളോട് ഹർദിക്കിനുള്ളത് മോശം സമീപനം ആണോ എന്ന ചോദ്യമാണ് ഉയർത്തുന്നത്. 

2023ൽ സഞ്ജു സാംസൺ ഇന്ത്യൻ ടീമിന്റെ ഭാഗമായ ഒരു മത്സരത്തിൽ ഹർദിക്കിന്റെ ബോളിങ്ങിൽ സഞ്ജു ക്യാച്ച് നഷ്ടപ്പെടുത്തിയതിന് എതിരെ ക്ഷുഭിതനായി ഹർദിക് പാണ്ഡ്യ പ്രതികരിക്കുകയും ചെയ്തിരുന്നു. വിഘ്നേഷ് പുത്തൂരിനെ പ്ലേയിങ് ഇലവനിൽ ഉൾപ്പെടുത്താത്തതിന് പിന്നിൽ മലയാളി താരത്തോടുള്ള മുംബൈ ഇന്ത്യൻസ് ക്യാപ്റ്റന്റെ അതൃപ്തിയാണോ എന്നാണ് ആരാധകരുടെ ചോദ്യം. 

View this post on Instagram

A post shared by Mumbai Indians (@mumbaiindians)

ഐപിഎല്ലിലെ ആദ്യ ജയം തേടിയാണ് മുംബൈ ഇന്ത്യൻസ് ഇന്ന് കൊൽക്കത്തയ്ക്ക് എതിരെ ഇറങ്ങുന്നത്. കളിച്ച ആദ്യ രണ്ട് മത്സരങ്ങളിലും മുംബൈ തോറ്റിരുന്നു. മാത്രമല്ല ഗുജറാത്തിന് എതിരായ കളിയിലെ കുറഞ്ഞ ഓവർ നിരക്കിന്റെ പേരിൽ ഹർദിക്കിന് നേരെ നടപടി വരികയും ചെയ്തു. 

മുംബൈ ഇന്ത്യൻസിന്റെ സാധ്യതാ ഇലവൻ: രോഹിത് ശർമ, റികൽറ്റൻ, തിലക് വർമ, സൂര്യകുമാർ യാദവ്, ഹർദിക് പാണ്ഡ്യ, റോബിൻ മിൻസ്, നമൻ ധിർ, ദീപക് ചഹർ, മിച്ചൽ സാന്റ്നർ, ട്രെന്റ് ബോൾട്ട്, സത്യനാരായണ രാജു

Read More

• RR Vs CSK: ധോണി നേരത്തെ ഇറങ്ങിയിട്ടും രക്ഷയില്ല; ആദ്യ ജയം തൊട്ട് രാജസ്ഥാൻ റോയൽസ്
• Sanju Samson: ഒന്ന് മുതൽ ആറ് വരെയുള്ള ഓവർ; സഞ്ജുവിന്റെ റൺവേട്ട ഞെട്ടിക്കുന്നത്
• SRH vs DC IPL 2025: വീണ്ടും തോറ്റ് ഹൈദരാബാദ്; ഡൽഹിക്ക് അനായാസ ജയം
• SRH vs DC: ആരാണ് സീഷാൻ അൻസാരി? പട്ടിണിയോട് പടവെട്ടി വരവ്; ലെഗ് ബ്രേക്ക് ഗൂഗ്ലി വജ്രായുധം