SRH vs GT: ഗുജറാത്തും ഹൈദരാബാദിന്റെ ഫ്യൂസ് ഊരുമോ? മത്സരം എവിടെ കാണാം?

SRH vs GT IPL 2025: രാജസ്ഥാൻ റോയൽസിന് എതിരെയായിരുന്നു ഈ സീസണിലെ സൺറൈസേഴ്സ് ഹൈദരാബാദിന്റെ ആദ്യ മത്സരം. ആദ്യം ബാറ്റ് ചെയ്ത സൺറൈസേഴ്സ് ഹൈദരാബാദ് ഇഷാൻ കിഷന്റെ സെഞ്ചുറിയുടേയും ട്രാവിസ് ഹെഡ്, നിതീഷ് കുമാർ റെഡ്ഡി, ക്ലാസൻ എന്നിവരുടെ കൂറ്റനടികളുടെ ബലത്തിൽ കണ്ടെത്തിയത് ഐപിഎൽ ചരിത്രത്തിലെ രണ്ടാമത്തെ ഉയർന്ന സ്കോർ. എതിർ ടീമുകൾക്ക് മുന്നറിയിപ്പ് നൽകിയായിരുന്നു ഹൈദരാബാദ് ആദ്യ മത്സരത്തിൽ ജയിച്ചു കയറിയത്. എന്നാൽ നാല് മത്സരങ്ങൾ ഹൈദരാബാദ് കളിച്ച് കഴിയുമ്പോൾ പോയിന്റ് പട്ടികയിൽ അവസാന സ്ഥാനത്താണ് ഹൈദരാബാദ്. ഇന്ന് ഗുജറാത്ത് ടൈറ്റൻസിന് എതിരെ ഇറങ്ങുമ്പോൾ ആത്മവിശ്വാസം തിരികെ പിടിക്കാൻ സൺറൈസേഴ്സ് ഹൈദരാബാദിന് ജയം അനിവാര്യമാണ്. 

ഇന്ന് ഹൈദരാബാദിന്റെ എതിരാളികളായ ഗുജറാത്ത് ടൈറ്റൻസ് മൂന്ന് കളിയിൽ നിന്ന് രണ്ട് ജയവുമായി പോയിന്റ് പട്ടികയിൽ മൂന്നാം സ്ഥാനത്ത് നിൽക്കുന്നു. ആദ്യ മത്സരത്തിൽ പഞ്ചാബ് കിങ്സ് ഉയർത്തിയ കൂറ്റൻ വിജയ ലക്ഷ്യത്തിന് മുൻപിൽ പൊരുതി വീണതിന് ശേഷം പിന്നെ വന്ന രണ്ട് കളിയിലും ഗുജറാത്ത് ടൈറ്റൻസ് ജയിച്ചു. മുംബൈ ഇന്ത്യൻസിനേയും റോയൽ ചലഞ്ചേഴ്സ് ബെംഗളൂരുവിനേയുമാണ് ശുഭ്മാൻ ഗില്ലിന്റെ ഗുജറാത്ത് തോൽപ്പിച്ചത്. 

ഹൈദരാബാദിന്റെ അപകടകാരികളായ ബാറ്റിങ് ലൈനപ്പിനേക്കാൾ ആക്രമണം ഗുജറാത്തിന്റെ ബാറ്റർമാരിൽ നിന്ന് വന്നു. സായ് സുദർശന്റേയും ബട്ട്ലറുടേയും ബാറ്റിങ് ആണ് ഗുജറാത്തിനെ തുണയ്ക്കുന്നത്. പവർപ്ലേയിൽ പ്രയാസപ്പെടുന്ന ഹൈദരാബാദിനെയാണ് കഴിഞ്ഞ മൂന്ന് കളിയിലും കണ്ടത്. ബാറ്റിങ്ങിൽ മാത്രമല്ല, ബോളിങ്ങിൽ മുഹമ്മദ് ഷമിക്കും പാറ്റ് കമിൻസിനും റൺസ് ഒഴുക്ക് തടയാൻ​ സാധിക്കുന്നില്ല. ആദം സാംപയേയും മൾഡറിനേയും പരീക്ഷിച്ചെങ്കിലും ഇവർക്കും ഇംപാക്ട് സൃഷ്ടിക്കാൻ സാധിച്ചിട്ടില്ല. 

സൺറൈസേഴ്സ് ഹൈദരാബാദ് സാധ്യത ഇലവൻ: ട്രാവിസ് ഹെഡ്, അഭിഷേക് ശർമ, ഇഷാൻ കിഷൻ, നിതീഷ് റെഡ്ഡി, മെൻഡിസ്, ക്ലാസൻ, അനികേത് വർമ, കമിൻസ്, ഹർഷൽ പട്ടേൽ, ജയദേവ് ഉനദ്കട്ട്, മുഹമ്മദ് ഷമി

ഗുജറാത്ത് ടൈറ്റൻസ് സാധ്യത ഇലവൻ: സായ് സുദർശൻ, ശുഭ്മാൻ ഗിൽ, ജോസ് ബട്ട്ലർ, റുതർഫോർഡ്, ഷാരൂഖ് ഖാൻ, രാഹുൽ തെവാതിയ, ഗ്ലെൻ ഫിലിപ്പ്സ്, റാഷിദ് ഖാൻ, സായ് കിഷോർ, മുഹമ്മദ് സിറാജ്, പ്രസിദ്ധ് കൃഷ്ണ

പിച്ച് റിപ്പോർട്ട്

ഹൈദരാഹാദിലെ രാജീവ് ഗാന്ധി സ്റ്റേഡിയത്തിലെ പിച്ച് ബാറ്റർമാരെ പിന്തുണയ്ക്കുന്നതാണ്. ഫ്ളാറ്റ് വിക്കറ്റ് ആണ് ഇവിടെ പ്രതീക്ഷിക്കുന്നത്. അതുകൊണ്ട് തന്നെ കൂറ്റൻ സ്കോർ ആണ് പ്രതീക്ഷിക്കുന്നത്. 

സൺറൈസേഴ്സ് ഹൈദരാബാദ്-ഗുജറാത്ത് ടൈറ്റൻസ് മത്സരം ലൈവായി എവിടെ കാണാം? 

സൺറൈസേഴ്സ് ഹൈദരാബാദ്-ഗുജറാത്ത് ടൈറ്റൻസ് മത്സരം ടെലിവിഷനിൽ ലൈവായി സ്റ്റാർ സ്പോർട്സ് നെറ്റ് വർക്കിൽ കാണാം. 

സൺറൈസേഴ്സ് ഹൈദരാബാദ്-ഗുജറാത്ത് ടൈറ്റൻസ് മത്സരത്തിന്റെ ലൈവ് സ്ട്രീം എവിടെ? 

സൺറൈസേഴ്സ് ഹൈദരാബാദ്-ഗുജറാത്ത് ടൈറ്റൻസ് പോരിന്റെ ലൈവ് സ്ട്രീം  ജിയോഹോട്സ്റ്റാർ വെബ്സൈറ്റിലും ആപ്പിലും ലഭ്യമാണ്. 

Read More

• RR vs PBKS: ക്യാപ്റ്റൻസി കരുത്ത് കാണിച്ച് സഞ്ജു; പഞ്ചാബിനെ 50 റൺസിന് വീഴ്ത്തി
• ഖുഷ്ദിൽ ഷായും ആരാധകരും തമ്മിൽ കയ്യാങ്കളി; കലിപ്പിച്ച് പാക് ക്രിക്കറ്റ് ബോർഡ്
• CSK vs DC: ചെയ്സ് ചെയ്യാൻ അറിയാത്ത ചെന്നൈ; ഡൽഹിക്ക് 25 റൺസ് ജയം
• MS Dhoni: ധോണി ഇന്ന് വിരമിക്കുന്നു? ഗ്യാലറിയിൽ മാതാപിതാക്കൾ; ആശങ്കയിൽ ആരാധകർ