CSK vs DC: ചെയ്സ് ചെയ്യാൻ അറിയാത്ത ചെന്നൈ; ഡൽഹിക്ക് 25 റൺസ് ജയം

MI vs DC IPL 2025: റൺ ചെയ്സിൽ കരുത്ത് കാണിക്കാനാവാതെ വീണ്ടും വീണ് ചെന്നൈ സൂപ്പർ കിങ്സ്. ഡൽഹി ക്യാപിറ്റൽസ് മുൻപിൽ വെച്ച 184 റൺസ് വിജയ ലക്ഷ്യം പിന്തുടർന്ന ചെന്നൈ സൂപ്പർ കിങ്സിന് 20 ഓവറിൽ അഞ്ച് വിക്കറ്റ് നഷ്ടത്തിൽ 158 റൺസ് മാത്രമാണ് കണ്ടെത്താനായത്. അക്ഷർ പട്ടേലിന്റെ ഡൽഹി ക്യാപിറ്റൽസിന് 25 റൺസ് ജയം. 

സീസണിലെ മൂന്ന് മത്സരങ്ങളിലും ജയം പിടിക്കാൻ ഡൽഹി ക്യാപിറ്റൽസിനായി. 2019 ഐപിഎൽ സീസൺ മുതൽ 180ന് മുകളിൽ റൺസ് ചെയ്സ് ചെയ്ത് ജയിക്കാൻ പ്രയാസപ്പെടുന്ന പതിവ് ചെന്നൈ സൂപ്പർ കിങ്സ് ഈ സീസണിലും തുടരുന്നു. ഡൽഹിക്കെതിരെ 54 പന്തിൽ നിന്ന് 69 റൺസ് എടുത്ത വിജയ് ശങ്കർ ആണ് ചെന്നൈ സൂപ്പർ കിങ്സിന്റെ ടോപ് സ്കോറർ. പവർപ്ലേയിൽ തന്നെ മുൻനിരയിലെ മൂന്ന് ബാറ്റർമാരെയും ചെന്നൈക്ക് നഷ്ടമായി. 

26 പന്തിൽ നിന്നാണ് എംഎസ് ധോണി 30 റൺസ് എടുത്തത്. ധോണിയും വിജയ് ശങ്കറും ചേർന്ന് 50 റൺസിന്റെ കൂട്ടുകെട്ട് ഉയർത്തിയെങ്കിലും ചെന്നൈയെ ജയത്തിലേക്ക് എത്തിക്കാൻ അത് മതിയായിരുന്നില്ല. ചെന്നൈ സൂപ്പർ കിങ്സിന്റെ സീസണിലെ തുടർച്ചയായ മൂന്നാമത്തെ തോൽവിയാണ് അത്. സീസണിലെ ആദ്യ മത്സരത്തിൽ മുംബൈക്ക് എതിരെ ജയിച്ചതിന് ശേഷം ഋതുരാജിന് ടീമിനെ ജയിപ്പിച്ച് കയറ്റാൻ സാധിച്ചിട്ടില്ല. 15 വർഷത്തിന് ശേഷമാണ് ചെപ്പോക്കിൽ ഡൽഹി ക്യാപിറ്റൽ ജയം പിടിക്കുന്നത്. 

View this post on Instagram

A post shared by IPL (@iplt20)

നേരത്തെ ആദ്യം ബാറ്റ് ചെയ്ത ഡൽഹി ക്യാപിറ്റൽസിനെ കെ എൽ രാഹുലിന്റെ അർധ ശതകം ആണ് പൊരുതാവുന്ന സ്കോറിലേക്ക് എത്തിച്ചത്. 51 പന്തിൽ നിന്ന് 77 റൺസ് ആണ് രാഹുൽ സ്കോർ ചെയ്തത്. അഭിഷേക് പൊരൽ 33 റൺസും സ്റ്റബ്സ് 12 പന്തിൽ നിന്ന് 24 റൺസും എടുത്തു. 

Read More

• MI vs LSG: ലക്നൗവിനെ കണ്ടാൽ മുംബൈ വിറയ്ക്കും; ത്രില്ലറിൽ 12 റൺസ് ജയം
• Vighnesh Puthur IPL: യാ മോനെ! വിഘ്നേഷിന്റെ കിടിലൻ ഗൂഗ്ലിയും തകർപ്പൻ ഡൈവിങ് ക്യാച്ചും
• Rohit Sharma IPL: മുംബൈ പ്ലേയിങ് ഇലവനിൽ രോഹിത് ശർമ ഇല്ല; കാരണം പറഞ്ഞ് ഹർദിക് പാണ്ഡ്യ
• ധോണി അച്ഛനെ പോലെയെന്ന് മതീഷ പതിരാന; ദൈവത്തെ പോലെയെന്ന് അമ്മ